2 Saˬmeuˬlaˆ 7:1 - Akha

¹ Sahˬ paˬ Daˬbiˇ-aˬ, aˬ yawꞈ-euˬ hawˇ nymˇ laꞈ kʼoeˇ jawˇ luꞈ-awˇ, aˬ yawꞈ-euˬ tiˬ jawˬ jawˇ-eu aˬ yawꞈ-ahˇ muiˇ-eu deuˬ-euˬ aˬ laꞈ laꞈ kʼoeˇ, Sahˬpaˬ Miˬyehˇ aˬ yawꞈ-ahˇ haw piˇ nehˬ-euˬ miˇ neh, saˇ lehˆ ni dehꞈ luꞈ-eu meh.

2 Saˬmeuˬlaˆ 7:1 Σταυροειδείς Αναφορές

2 Saˬmeuˬlaˆ 5:11

Duˇlu sahˬ paˬ Hiˇlamˬ-aˬ, jeˬ gaꞈ gaꞈ taꞈ-eu gʼaˇ duˬ Daˬbiˇ jawˇ gaˇ tsawˇ haˬ pyehˬ gʼeh-awˇ, sahˬ paˬ-euˬ nymˇ tsoˆ-eu gʼaˇ duˬ shuˬ liˇ daˇ kawˬ maˬ ehˇ, laꞈ myawˬ laꞈ sawˆ nya-eu tsawˇ haˬ deuˬ maˬ ehˇ, kʼaˬ lo tsaˬ byaˆ gawˬ-eu paw tsawˇ gahˇ ahˇ-eu deuˬ maˬ ehˇ, kʼehˇ gʼeh-euˬ meh.

2 Saˬmeuˬlaˆ 6:23

Sawˇluˆ-euˬ aˬ buˇ Miˇkaˬlaˇ-aˬ, ziˇ jiˇ ngeh keuˆ ni zaˬ tiˬ gʼaˬ-iˬ maˬ jawˇ le-a.

1 Sahˬpaˬ 5:4

Ehˇ kʼawꞈ, nymˬ-mˇ poˆ jawˇ ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, ngaˬ-euˬ miˇ kʼahˬ yawˬ coeˇ na luꞈ coꞈ ngehˇ ni bi jaˆ-awˇ, ngaˬ-ahˇ muiˇ-eu miˇ kʼahˬ maˬ jaˆ-eu miˇ neh, guiˇ deuˆ le gaˇ guˆ kʼaˇ maˬ za-a.

1 Laˬsaˬbaˬ 22:6

Aˬ yawꞈ-euˬ aˬ li Sawˇlaˬmoˬ-ahˇ bi kuˇ laˬ-iˇ-awˇ, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tiˬ nymˇ tsoˆ-awˬ” lehˇ dawˬ biꞈ-euˬ meh.

1 Laˬsaˬbaˬ 22:7

Sawˇlaˬmoˬ-ahˇ Daˬbiˇ heu loꞈ-ehˇ ehˇ nehˬ-euˬ meh. “Aˬ li-oˇ, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ mawꞈ-eu ma.

1 Laˬsaˬbaˬ 28:2

Daˬbiˇ aˬ yawꞈ maꞈ-euˬ mehˬ shi yawꞈ-awˇ heu loꞈ-ehˇ ehˇ-eu meh. “Ngaˬ-euˬ miˇ kʼahˬ zaˬ deuˬ-oˇ, ngaˇ ehˇ gaˇ tiˬ poˆ naˇ haˬ sheˇ. Dawˬ ma saˇ jaˇ Bahˬ keuˆ-ahˇ tiˬ jawˇ-iˬ maˬ paˇ baꞈ jiˆ ni bi jaˆ-eu gʼaˇ duˬ hawˇ-eu, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ kuiˇ bi cawˬ taˬ-eu gʼaˇ duˬ, nymˇ tiˬ nymˇ ngaˇ tsoˆ mawꞈ-eu ma. Aˬ yawꞈ-ahˇ taˬ huiˬ taˬ mahˇ-eu laꞈ kʼoeˇ, uˬ duˬ tahˬ nymˇ tiˬ nymˇ tsoˆ-eu lehˇ ngaˇ lehˬ hmˬ taˬ-euˬ ma.

2 Laˬsaˬbaˬ 14:6

Aˇ yamˬ kʼoeˇ yamˬ laꞈ kʼoeˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ ziꞈ dah ni aˬ yawꞈ tsoˆ ziꞈ-awˇ, guiˇ deuˆ-eu maˬ baw ni gʼawˬ mya kʼoꞈ dehꞈ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ aˬ yawꞈ-ahˇ coꞈ ngehˇ ni gʼeh-eu jeˬ biꞈ nehˬ-euˬ meh.

2 Laˬsaˬbaˬ 20:30

Yeˬhawˇshaˬpaˇ-euˬ miˇ kʼahˬ coꞈ ngehˇ ni jaˆ-awˇ, aˬ yawꞈ-euˬ miˇ kʼahˬ yawˬ paw yawˬ coeˇ na luꞈ-ahˇ, Sahˬpaˬ Miˬyehˇ haw piˇ nehˬ-euˬ meh.

Jaceuq 132:5

Sahˬpaˬ Miˬyehˇ gʼaˇ duˬ jawˇ zaˇ shaˇ-awˇ, Yaˬkoˆ-euˬ Baoˬ huiˬ-eu Miˬyehˇ gʼaˇ duˬ nymˇ maˬ tsoˆ doˆ kʼoeˇ keuˆ ni, ngaˇ coˬ lah-awˇ gʼaˬ naˬ maˬ naˬ.

Jaceuq 18:1

SahˬpaˬMiˬyehˇ-ahˇngaˇgaˬma. Nawˇ-aˬ, ngaˬ-euˬgʼaˬpyeuꞈ-eu ma.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Maꞈtehˬ 25:16

Shuiˇ maˇ byaˆ ngaˬ heˇ byaˆ ha geuꞈ taˬ-euˬ gʼaˬ-aˬ, tiˬ poˆ tehꞈ-ehˇ jeˬ gaꞈ gaꞈ-iˇ-awˇ, ngaˬ heˇ byaˆ paˇ gaꞈ jeuˬ-euˬ meh.

Gʼaˬkʼehˇ 7:46

Daˬbiˇ-aˬ, Miˬyehˇ nui ma tsaˬ-eu tsawˇ haˬ tiˬ gʼaˬ pyeuꞈ-awˇ, Yaˬkoˆ-euˬ Miˬyehˇ bi jawˇ-eu gʼaˇ duˬ aˬ yawꞈ jawˇ duˬ tiˬ tsahˇ tsoˆ-eu aˬ kawˬ-aˬ biꞈ laꞈ lehˇ, Miˬyehˇ-ahˇ shaˇ-euˬ meh.

Yawˇshuˆ 21:44

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh.

Yawˇshuˆ 23:1

Aˬ yawꞈ maꞈ-euˬ jawˬ jawˬ-ehˇ jawˇ-eu muiˇ-eu deuˬ-ahˇ maˬ ya guˆ ni, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ myahˇ ni bi dehꞈ bi jawˇ-euˬ meh. Kʼoeˇ ngeh, Yawˇshuˆ tsawˇ mawˬ mawˬ dui dui le-euˬ meh.