2 Saˬmeuˬlaˆ 6:14 - Akha

¹⁴ Daˬbiˇ-aˬ, joꞈ-ahˇ keuˆ ni tehꞈ-ehˇ guꞈ taˬ-euˬ shawˇ jehˆ ni gʼeh-eu saˬ paˇ mehˬ tsoeˬ dm-awˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ-euˬ meh.

2 Saˬmeuˬlaˆ 6:14 Σταυροειδείς Αναφορές

2 Saˬmeuˬlaˆ 6:15

Kʼoeˇ loꞈ-ehˇ, Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ laˬ kʼaˬ cehˇ-eu laꞈ kʼoeˇ, daˇ heh baw-awˇ guˇ guˇ-ehˇ, Dawˬ ma saˇ jaˇBahˬ keuˆ kʼoeˇ Yeˬluˇsaˬlehˬ meuˬ-ahˇ baꞈ gʼeh-euˬ meh.

2 Saˬmeuˬlaˆ 6:20

Daˬbiˇ aˬ yawꞈ-euˬ miˬ sawˇ zaˬ deuˬ-ahˇ dawˬ ngehˬ gʼeh nehˬ-eu lehˇ iˇ kahˇ gʼoꞈ leˇ ngeh, Miˇkaˬlaˇ doˆ le-awˇ ehˇ-eu, “Iˇsaˬleˬlaˆ sahˬ paˬ iˬ nah kʼahˬ sehˇ jaˆ dui dui ngaˇ. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ zaˬ miˬ zaˬ zaˬ kʼaˆ deuˬ mehˬ shi tsawˇ uˬ tiˬ gʼaˬ loꞈ-ehˇ teuˆ teuˆ-ehˇ, maˬ gaˇ dui dui ngaˇ.”

1 Laˬsaˬbaˬ 15:27

Daˬbiˇ-aˬ, shawˇ jehˆ ni gʼeh-eu saˬ paˇ paˇ pyuˇ neh guꞈ taˬ-euˬ muiˬ dui dui-eu pehˇ kʼahˬ pehˇ mahˇ dm-awˇ, caˇ dawˬ caˇ-eu deuˬ maˬ ehˇ, aˬ yawꞈ maꞈ kʼoeˇ taˆ aˬ yuiꞈ geuꞈ-eu Sheˬnaˬniˇyaˆ maˬ ehˇ, Dawˬ ma saˇ jaˇ Bahˬ keuˆ baꞈ-eu Leˬbiˇ tsawˇ haˬ deuˬ maˬ ehˇ, kʼoeˇ loꞈ-ehˇ dm luꞈ-eu meh. Daˬbiˇ-aˬ, pehˇ kʼahˬ pehˇ nymˇ tiˬ kahˇ kʼawꞈ dm luꞈ-eu meh.

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Jaceuq 150:4

Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Jaceuq 87:7

“Guiˬ lahˬ yaw dzahˇ dawˬ tawˆ luꞈ, Ziˇoˬ meuˬ-ahˇ neh oe-euˬ meh” lehˇ, aˬ yawꞈ maꞈ gaˇ nyeh nyeh-awˇ caˇ tehꞈ-a.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Doˆ-iˇ 15:21

Aˬ yawꞈ maꞈ-ahˇ Miˇliˬyaˬ dawˬ caˇ caˇ mehˬ nehˬ-eu, “Sahˬpaˬ Miˬyehˇ-aˬ, yaw shehꞈ kʼahˬ sehˇ huiˬ-eu laꞈ kʼoeˇ, guiˇ deuˆ-eu gʼaˬ leˇ-euˬ miˇ neh, aˬ yawꞈ-ahˇ caˇ-awˇ ja ceuˬ-awˬ. Aˬ yawꞈ-aˬ, mahˬ kʼoeˇ deuˬ hawˇ-eu, mahˬ dziˬ-eu deuˬ-ahˇ, iˬ ma laˆ shaˆ laꞈ kʼoeˇ biˬ puꞈ jiˇ-euˬ meh.”

Doˆ-iˇ 19:6

Ehˇ kʼawꞈ, naw maꞈ-aˬ, ngaˬ neh tseˇ doˆ-euˬ tsawˇ jeuˬ pyeuꞈ tehꞈ-a. Naw maꞈ-aˬ, ngaˇ tiˬ gʼaˬ-ahˇ tehꞈ-ehˇ damˬ nehˬ taˬ-euˬ ngaˬ-euˬ tsawˇ jeuˬ pyeuꞈ-awˇ, ngaˬ-euˬ gaˇ mˇ-eu piˇ ma deuˬ ya geuꞈ tehꞈ-a.”

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Yeˬsaˬgeˬlaˇ 46:10

Sahˬ paˬ zaˬ yo gʼaˬ kʼawꞈ, miˇ kʼahˬ zaˬ deuˬ uˇ leˇ-eu yamˬ-ahˇ ya uˇ leˇ-awˇ, miˇ kʼahˬ zaˬ deuˬ doˆ le ngeh yamˬ-ahˇ ya doˆ le meh.

Luˇkaꞈ 15:25

“Kʼoeˇ ngeh, aˬ li aˬ yuiꞈ gʼaˬ yaˇ ngeh iˇ-euˬ meh. Aˬ yawꞈ gʼoꞈ laˇ-awˇ, nymˇ dzeˇ gʼoꞈ keuˆ laˇ ngeh, caˇ dawˬ caˇ caˇ-ehˇ gaˇ nyeh nyeh-eu teˇ saˇ ya gaˬ-euˬ meh.

Dawˬmehˬ 6:5

Naw maꞈ-euˬ nui ma dawˬ tawˆ luꞈ, naw maꞈ-euˬ saꞈ laˇ dawˬ tawˆ luꞈ hawˇ-eu, naw maꞈ-euˬ gʼaˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gaˬ-awˬ.

Gawˇlawˇsehˇ 3:23

Aˬ geu jeˬ mˇ-eu maˬ kaˬ, tsawˇ haˬ zaˬ gʼaˇ duˬ mˇ-eu loꞈ-ehˇ maˬ ngeuˇ ni, Sahˬpaˬ Yeˬsuˇ gʼaˇ duˬ mˇ-eu loꞈ-ehˇ nui ma keuˆ-awˇ mˇ-awˬ.

Yaˇ kʼaˬ daˇ 11:34

Miˇzaˬpaˬ meuˬ-ahˇ jaˆ-eu aˬ yawꞈ-euˬ nymˇ-ahˇ Yeˬpaˬtaˆ gʼoꞈ le ngeh, aˬ yawꞈ-euˬ aˬ buˇ cehˇ lehˇ ciˆ-awˇ, gaˇ nyeh nyeh nyeh-ehˇ aˬ yawꞈ-ahˇ ha laˬ le-euˬ meh. Aˬ yawꞈ-aˬ, aˬ buˇ kʼoeˇ tiˬ buˇ tehꞈ-ehˇ jawˇ-eu meh.

Yaˇ kʼaˬ daˇ 21:21

Shiˇloˬ meuˬ-ahˇ jawˇ-eu zaˬ miˬ aˬ buˇ deuˬ bawˬ-iˬ-ahˇ gaˇ nyeh nyeh le-eu lehˇ doˆ le-eu ya mawˇ ngeh, naw maꞈ doˆ laˇ-awˇ, aˬ yawꞈ gʼaˬ yawꞈ zaˬ miˬ aˬ buˇ kʼoeˇ deuˬ-ahˇ miˬ zaˬ gʼeu geuꞈ-awˇ, Beˬyaˬmiˬ miˇ kʼahˬ-ahˇ naw maꞈ nehˬ-ehˇ sheuˬ kʼoꞈ gʼeh-awˬ.

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.

1 Saˬmeuˬlaˆ 22:18

Kʼoeˇ ngeh, “Nawˇ sehꞈ-awˬ” lehˇ Doˇgaˆ-ahˇ Sawˇluˆ ehˇ nehˬ-awˇ, Doˇgaˆ neh piˇ ma kʼoeˇ deuˬ-ahˇ sehꞈ-euˬ meh. Kʼoeˇ ngeh nah piˇ ma-euˬ pehˇ kʼahˬ pehˇ nymˇ dm-awˇ piˇ ma geuꞈ nya-eu yehꞈ tseˇ gʼaˬ-ahˇ aˬ yawꞈ sehꞈ dzeh-euˬ meh.