2 Saˬmeuˬlaˆ 5:7 - Akha

⁷ Ehˇ kʼawꞈ, ziꞈ dah ni tsoˆ taˬ-euˬ Ziˇoˬ taˆ-ahˇ Daˬbiˇ neh deuˆ gʼaˬ-awˇ, jawˇ duˬ kʼoeˇ tsahˇ Daˬbiˇ-euˬ meuˬ lehˇ tsawˇ myahˇ doˆ-euˬ meh.

2 Saˬmeuˬlaˆ 5:7 Σταυροειδείς Αναφορές

2 Saˬmeuˬlaˆ 5:8

Kʼoeˇ ngeh nah, aˬ yawꞈ-euˬ tsawˇ haˬ deuˬ-ahˇ Daˬbiˇ ehˇ nehˬ-eu, “Yeˬbuˇ tsawˇ haˬ deuˬ-ahˇ ngaˇ kʼaˇ bye-eu naˆ ni bye-awˇ sehꞈ leˇ mawꞈ-eu tsawˇ haˬ jawˇ naˇ, miˇ tsaˬ dawˬ dah pahˬ doˆ laꞈ-euˬ iˇ cuꞈ uiˇ kʼehˬ caw caw-ehˇ le-awˇ, myaˆ behꞈ hawˇ-eu kuiˇ kuˆ kʼoeˇ deuˬ-ahˇ deuˆ leˇ-awˬ.” Kʼoeˇ ngeh neh naˇ, “Myaˆ behꞈ hawˇ-eu kuiˇ kuˆ deuˬ Sahˬpaˬ Miˬyehˇ-euˬ nymˇ-ahˇ maˬ ya uˇ leˇ-a” lehˇ ehˇ-eu dawˬ jaˆ laˇ-euˬ meh.

2 Saˬmeuˬlaˆ 5:9

Taˆ nymˇ nymˇ ma kʼoeˇ nymˇ-ahˇ deuˆ gʼaˬ ngeh, Daˬbiˇ kʼoeˇ gaˇ jawˇ le-awˇ, Daˬbiˇ-euˬ meuˬ lehˇ myahˇ nehˬ-euˬ meh. Kʼoeˇ naˇ, gawˬ duˇ-euˬ nahˇ ma doˆ kʼehˬ paw dzeˇ jaˆ-eu tsaˬ duˬ duˬ dzm taˬ-euˬ tsahˇ-ahˇ neh aˇ dahˬ beh-awˇ, taˆ nymˇ nymˇ ma kʼoeˇ nymˇ-euˬ jawˬ jawˬ-ehˇ, aˬ yawꞈ meuˬ tsoˆ-euˬ meh.

2 Saˬmeuˬlaˆ 6:10

Kʼoeˇ miˇ neh, Dawˬ ma saˇ jaˇ Bahˬ keuˆ-ahˇ Yeˬluˇsaˬlehˬ meuˬ-ahˇ maˬ paˇ baꞈ kʼoꞈ gʼeh ma lehˇ aˬ yawꞈ noeˬ tsehˆ-awˇ, Gaˬdaˇ meuˬ-ahˇ jawˇ-eu AwˇbehˆEˬdoˬ-euˬ nymˇ-ahˇ baꞈ taˬ-iˇ-euˬ meh.

2 Saˬmeuˬlaˆ 6:12

Dawˬ ma saˇ jaˇ Bahˬ keuˆ baˬ da neh, AwˇbehˆEˬdoˬ-euˬ nymˇ jiˇ hawˇ-eu aˬ yawꞈ kʼaˇjaˆ-eu yawˬ jeˬ na luꞈ kʼoeˇ taˆ Sahˬpaˬ Miˬyehˇ guiˬ lahˬ biꞈ nehˬ-euˬ gaˇ kawˆ-ahˇ, sahˬ paˬ Daˬbiˇ ya gaˬ ngeh, AwˇbehˆEˬdoˬ-euˬ nymˇ-ahˇ jaˆ-eu Dawˬ ma saˇ jaˇ Bahˬ keuˆ baꞈ laˬ-iˇ-awˇ, bawˬ-iˬ gʼeh-eu laꞈ kʼoeˇ, Yeˬluˇsaˬlehˬ meuˬ-ahˇ baꞈ kʼoꞈ gʼeh-euˬ meh.

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

1 Sahˬpaˬ 2:10

Kʼoeˇ naˇ, Daˬbiˇ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh.

1 Sahˬpaˬ 3:1

Sawˇlaˬmoˬ-aˬ, Iˇjiˇtuˆ sahˬ paˬ zaˬ miˬ sheuˬ-awˇ, Iˇjiˇtuˆ sahˬ paˬ nehˬ-ehˇ cawˬ cawˬ taꞈ-euˬ meh. Sahˬ paˬ hawˇ nymˇ hawˇ-eu Uˬ duˬ tahˬ nymˇ nymˇ ma maˬ tsoˆ dah-ehˇ, Yeˬluˇsaˬlehˬ meuˬ-euˬ meuˬ meuˬ lahˇ maˬ gawˬ gʼaˬ nmˇ kaˬ, sahˬ paˬ zaˬ miˬ kʼoeˇ gʼaˬ-ahˇ, Daˬbiˇ-euˬ meuˬ laꞈ kʼoeˇ sheuˬ taˬ-awˇ bi jawˇ-euˬ meh.

1 Sahˬpaˬ 8:1

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, sahˬ paˬ Sawˇlaˬmoˬ neh aˬ yawꞈ jawˇ-eu Yeˬluˇsaˬlehˬ meuˬ-ahˇ kuˇ uiˬ-euˬ meh.

1 Sahˬpaˬ 9:24

Sawˇlaˬmoˬ-euˬ miˬ zaˬ Iˇjiˇtuˆ sahˬ paˬ zaˬ miˬ gʼaˬ-aˬ, Daˬbiˇ-euˬ meuˬ lehˇ kuˇ-eu tsahˇ-ahˇ neh, Sawˇlaˬmoˬ neh aˬ yawꞈ gʼaˇ duˬ tsoˆ nehˬ-euˬ hawˇ nymˇ-ahˇ jawˇ uˇ leˇ gʼaˬ ngeh, meuˬ-euˬ nahˇ ma doˆ kʼehˬ paw coeˇ-ahˇ Sawˇlaˬmoˬ miˇ tsaˬ bi pi dzm-euˬ meh.

1 Laˬsaˬbaˬ 11:7

Taˆ nymˇ nymˇ ma kʼoeˇ nymˇ-ahˇ Daˬbiˇ jawˇ leˇ-euˬ miˇ neh, Daˬbiˇ-euˬ meuˬ lehˇ tsawˇ myahˇ doˆ-euˬ jeˬ pyeuꞈ-eu meh.

2 Laˬsaˬbaˬ 24:16

Iˇsaˬleˬlaˆ tsawˇ jeuˬ gʼaˇ duˬ maˬ ehˇ, Miˬyehˇ gʼaˇ duˬ maˬ ehˇ, Uˬ duˬ tahˬ nymˇ nymˇ ma gʼaˇ duˬ maˬ ehˇ, aˬ yawꞈ neh mˇ taˬ yaꞈ-euˬ gaˇ deuˬ-ahˇ aˬ cawˬ noeˬ keuˆ-awˇ, Daˬbiˇ-euˬ Meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh.

2 Laˬsaˬbaˬ 5:2

Kʼoeˇ naˇ, Ziˇoˬ lehˇ kuˇ-eu Daˬbiˇ-euˬ meuˬ-ahˇ jaˆ-eu Dawˬ ma saˇ jaˇ Bahˬ keuˆ-ahˇ, Uˬ duˬ tahˬ nymˇ nymˇ ma laꞈ kʼoeˇ baꞈ ahˇ-eu gʼaˇ duˬ, Iˇsaˬleˬlaˆ tsawˇ jeuˬ tsawˇ ca deuˬ-euˬ aˬ yuiꞈ aˬ tsu dawˬ tawˆ luꞈ-ahˇ, Yeˬluˇsaˬlehˬ meuˬ-ahˇ aˬ yawꞈ jawˇ gaˇ uiˬ laˇ-awˬ lehˇ sahˬ paˬ Sawˇlaˬmoˬ kuˇ-euˬ meh.

Neˬhaˬmiˇ 3:15

Miˇzaˬpaˬ meuˬ tiˬ paˆ dzaˬ-eu Kawˇlaˆhawˇzaˬ-euˬ aˬ li Shaˬlmˬ gʼaˬ, Lawˇ kʼawꞈ lahˇ kʼehˬ-ahˇ gawˬ muiˬ-euˬ meh. Gʼoˆ kʼehˬ kʼoeˇ kʼehˬ-ahˇ aˬ yawꞈ joe shmˇ-awˇ, laˇ gʼoˆ hawˇ-eu gʼoˆ sehˬ jahˇ tsoꞈ-euˬ meh. Sahˬpaˬ-euˬ yaˇ kmˇ nui paw Sheˬlahˬ-euˬ lah dawˬ peh jaˆ-eu meuˬ meuˬ lahˇ kʼoeˇ deuˆ-ahˇ, Daˬbiˇ-euˬ meuˬ-ahˇ neh zaꞈ ka le-eu dawˬ dzm dawˬ tehꞈ jaˆ-eu tsahˇ-ahˇ keuˆ ni aˬ yawꞈ gawˬ muiˬ-euˬ meh.

Jaceuq 132:13

Ziˇoˬ meuˬ-ahˇ Sahˬpaˬ Miˬyehˇ tseˇ doˆ-awˇ, aˬ yawꞈ-euˬ jawˇ zaˇ geuꞈ mawꞈ-eu meh.

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Jaceuq 48:12

Miˬyehˇ-euˬ tsawˇ haˬ deuˬ-oˇ, Ziˇoˬ meuˬ cah jawˬ-awˇ, loꞈ-euˬ nymˇ goˇ deuˬ-ahˇ gui haw sheˇ.

Jaceuq 48:3

Meuˬ laꞈ kʼoeˇ ziꞈ dah ni jaˆ-euˬ aˬ yawꞈ-euˬ nymˇ laꞈ kʼoeˇ, guˆ-eu gaˆ-eu jeˬ-ahˇ dzeuˇ-eu gaˇ kawˆ, Miˬyehˇ bi siˬ bi mawˇ-eu meh.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Jaceuq 87:2

Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ laꞈ kʼoeˇ, Yeˬluˇsaˬlehˬ meuˬ-ahˇ aˬ yawꞈ gaˬ dzehˬ-eu meh.

Jaceuq 9:11

Ziˇoˬmeuˬ-ahˇ uˆlahˇ luꞈ-eu, SahˬpaˬMiˬyehˇ-ahˇja ceuˬ-awˬ. Aˬyawˬneh mˇ-euˬ gaˇkawˆdeuˬ, tsawˇjeuˬdawˬtawˆ-ahˇdzawˇnehˬ-awˬ.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 59:20

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-ahˇ ngehˬ gʼeh-eu gʼaˇ duˬ hawˇ-eu, iˬ baˇ kʼaˇ noeˬ poˆ-eu tsawˇ haˬ dawˬ tawˆ luꞈ-ahˇ, ka kʼoꞈ-eu gʼaˇ duˬ ngaˇ oe ma.

Yeˬlaˬmiˇ 21:13

Deh ga gʼahˇ ceh jaˆ-eu lo guˇ loꞈ-ehˇ, Yeˬluˇsaˬlehˬ meuˬ nawˇ deh kʼawꞈ kʼoeˇ taˆ, yaw goˇ-ahˇ nuiˇ luꞈ meh. Ehˇ kʼawꞈ, nawˬ-ahˇ ngaˇ guiˇ deuˆ ma. Nawˇ jawˇ gaˇ guiˇ maˬ deuˆ uˇ keuˆ laꞈ nya-aˇ lehˇ, nawˇ nui ma huiˬ-awˇ lmˬ luꞈ meh.

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Lormav 9:33

Jaˇliꞈ laꞈ kʼoeˇ ehˇ taˬ-euˬ, “Haw yawˬ, tsawˇ haˬ bi coˬ-iˇ-eu, tsawˇ haˬ sahˬ tiꞈ tiꞈ duˬ kʼaˬ lo, Ziˇoˬ meuˬ-ahˇ ngaˇ bi jaˆ ma. Ehˇ kʼawꞈ, aˬ yawꞈ-ahˇ jah-eu deuˬ daˬ ga-awˇ maˬ ya shaꞈ dawˇ-aˇ.”

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Panmaeq 14:1

Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.