2 Saˬmeuˬlaˆ 5:6 - Akha

⁶ Sahˬ paˬ Daˬbiˇ hawˇ-eu aˬ yawꞈ-euˬ tsawˇ haˬ deuˬ, Yeˬluˇsaˬlehˬ meuˬ-ahˇ guiˇ deuˆ leˇ-euˬ meh. Kʼoeˇ gaˇ jawˇ-eu Yeˬbuˇ tsawˇ haˬ deuˬ meuˬ kʼoeˇ meuˬ-ahˇ Daˬbiˇ maˬ deuˆ gʼaˬ nya-aˇ lehˇ noeˬ-awˇ, “Meuˬ heu meuˬ-ahˇ nawˇ maˬ uˇ laˇ nya-aˇ. Myaˆ behꞈ hawˇ-eu kuiˇ kuˆ deuˬ tehꞈ-ehˇ kʼawꞈ, nawˬ-ahˇ heu gaˇ maˬ bi uˆ keuˆ laˇ ni deuˆ gʼaˬ nya meh” lehˇ, Daˬbiˇ-ahˇ ehˇ nehˬ-euˬ meh.

2 Saˬmeuˬlaˆ 5:6 Σταυροειδείς Αναφορές

Aˇ dahˬ 14:18

Kʼoeˇ ngeh, Huiˬ dui mahˇ dui dui-eu Miˬyehˇ-euˬ piˇ ma pyeuꞈ-eu Saˬleˬ sahˬ paˬ Maˬlaˬkiˇsaˬdehˇ-aˬ, kaˬ muˇ hawˇ-eu aˬ gaꞈ dzaˇ uiˇ yuˇ-awˇ, Aˬbyaˬ jawˇ gaˇ laˇ-euˬ meh.

2 Saˬmeuˬlaˆ 22:30

Nawˬ-euˬ gʼaˬ-ahˇ gʼoe-eu laꞈ kʼoeˇ, guiˇ maꞈ-ahˇ ngaˇ gʼaˬ leˇ nya-awˇ, ngaˬ-euˬ Miˬyehˇ-euˬ baoˬ laꞈ kʼoeˇ, lahˇ gawˬ taˬ-euˬ tsawˬ dzeuˇ nya ma.

Dawqdaq 21:22

nui gahˇ ahˇ-eu guiˇ dzoeˬ tiˬ gʼaˬ, ziꞈ dah ni loꞈ piˇ taˬ-euˬ meuˬ-ahˇ deuˆ gʼaˬ-awˇ, meuˬ lahˇ deuˆ byaˆ tehꞈ-a.

Yeˬlaˬmiˇ 21:13

Deh ga gʼahˇ ceh jaˆ-eu lo guˇ loꞈ-ehˇ, Yeˬluˇsaˬlehˬ meuˬ nawˇ deh kʼawꞈ kʼoeˇ taˆ, yaw goˇ-ahˇ nuiˇ luꞈ meh. Ehˇ kʼawꞈ, nawˬ-ahˇ ngaˇ guiˇ deuˆ ma. Nawˇ jawˇ gaˇ guiˇ maˬ deuˆ uˇ keuˆ laꞈ nya-aˇ lehˇ, nawˇ nui ma huiˬ-awˇ lmˬ luꞈ meh.

Yeˬlaˬmiˇ 37:10

Baˬbuˇloˬ guiˇ maꞈ deuˬ-ahˇ nawˇ deuˆ gʼaˬ-awˇ, bi deuˆ naˇ-euˬ tsawˇ haˬ deuˬ tehꞈ-ehˇ dzeuˇ-iˇ-awˇ sehˬ gʼawˆ laꞈ kʼoeˇ ga-eu kʼawꞈ, tsawˇ haˬ kʼoeˇ deuˬ paˇ tuˇ laˇ-awˇ, meuˬ heu meuˬ meuˬ lah-ehˇ kʼawˇ zeuˇ maˬ mawˇ laˇ-ehˇ pyeuꞈ-iˇ ni keuˬ puiˆ byoˆ leꞈ tehꞈ-a lehˇ ehˇ nehˬ-awˬ.”

HeˬByehˇ 7:1

Maˬlaˬkiˇsaˬdehˇ kʼoeˇ gʼaˬ-aˬ, Saˬleˬ meuˬ-euˬ sahˬ paˬ pyeuꞈ-awˇ, Huiˬ dui Mahˇ dui dui-eu Miˬyehˇ-euˬ piˇ ma pyeuꞈ-eu meh. Sahˬ paˬ oeˬ gʼaˬ-ahˇ Aˬbyaˬhaˬ guiˇ deuˆ gʼaˬ-awˇ gʼoꞈ laˇ ngeh, Maˬlaˬkiˇsaˬdehˇ aˬ yawꞈ-ahˇ tahˬ puˬ le-awˇ, dawˬ ngehˬ gʼeh nehˬ-euˬ meh.

Yawˇshuˆ 10:3

Kʼoeˇ miˇ neh, Heˬbyoˬ sahˬ paˬ Hoˬhamˬ, Jaˬmuˆ sahˬ paˬ Piˇlamˬ, Laˬkiˇshaˆ sahˬ paˬ Jaˬpiˇyaˬ hawˇ-eu, Eˇgaˬloˬ sahˬ paˬ Deˬbeuˬ heu deuˬ jawˇ gaˇ sahˬ paˬ Aˬdoˬniˇzeˬdehˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh.

Yawˇshuˆ 15:63

Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.

Yawˇshuˆ 18:28

Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.

Yaˇ kʼaˬ daˇ 1:21

Ehˇ kʼawꞈ, Beˬyaˬmiˬ tsawˇ jeuˬ-aˬ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ jeuˬ-ahˇ maˬ teh doˆ-ehˇ, Yeˬbuˇ tsawˇ jeuˬ hawˇ-eu Beˬyaˬmiˬ tsawˇ jeuˬ tiˬ kawˆ loꞈ-ehˇ jawˇ daˆ leꞈ-euˬ meh.

Yaˇ kʼaˬ daˇ 1:8

Yuˇdaˆ tsawˇ haˬ deuˬ Yeˬluˇsaˬlehˬ meuˬ-ahˇ guiˇ deuˆ-awˇ, deuˆ gʼaˬ-euˬ meh. Kʼoeˇ gaˇ jawˇ-eu tsawˇ haˬ deuˬ-ahˇ sehꞈ-awˇ, meuˬ-ahˇ miˬ dzaˬ keuˬ dzeh-euˬ meh.