2 Saˬmeuˬlaˆ 4:8 - Akha

⁸ Aˬ yawꞈ nyaꞈ nmˇ Heˬbyoˬ meuˬ-ahˇ sahˬ paˬ Daˬbiˇ jawˇ gaˇ uˬ duˬ kʼoeˇ siˬ yuˇ gʼeh nehˬ-awˇ, “Uˬ duˬ heu siˬ-aˬ, nawˬ-ahˇ muiˇ-awˇ sehꞈ-eu lehˇ leh jeh yaꞈ-eu Sawˇluˆ-euˬ aˬ li Iˇshaˬbawˇshehˆ-euˬ uˬ duˬ ma. Iˬ nah Sahˬpaˬ Miˬyehˇ nawˬ-euˬ gʼaˇ duˬ Sawˇluˆ hawˇ-eu aˬ yawꞈ-euˬ zaˬ deuˬ-ahˇ laꞈ poˆ poˆ nehˬ-euˬ meh” lehˇ ehˇ nehˬ-euˬ meh.

2 Saˬmeuˬlaˆ 4:8 Σταυροειδείς Αναφορές

2 Saˬmeuˬlaˆ 18:19

Kʼoeˇ naˇ, Zaˬdoˆ-euˬ aˬ li Aˬhiˇmaˆ gʼaˬ Yoˇbaˬ-ahˇ ehˇ nehˬ-eu, “Ngaˬ-ahˇ sahˬ paˬ jawˇ gaˇ bi cehˆ gʼoꞈ gʼeh laꞈ-awˇ, muiˇ-eu deuˬ-euˬ aˬ laꞈ laꞈ kʼoeˇ Sahˬpaˬ Miˬyehˇ neh aˬ yawꞈ-ahˇ ka kʼoꞈ nehˬ gʼaˬ-euˬ gaˇ kawˆ, laˬ kʼaˬ cehˇ-eu dawˬ bi tsaꞈ gaˬ-iˇ laꞈ-awˬ.”

2 Saˬmeuˬlaˆ 18:31

Kʼoeˇ ngeh, Kuˇshaˆ tsawˇ jeuˬ zaˬ kʼaˆ kʼoeˇ gʼaˬ cehˆ keuˆ laꞈ-awˇ, “Sahˬ paˬ-oˇ, nawˬ-euˬ gʼaˇ duˬ laˬ kʼaˬ cehˇ-eu dawˬ ngaˇ tsaꞈ gaˬ laˇ-euˬ ma. Iˬ nah nawˬ-ahˇ puiˬ-eu tsawˇ haˬ dawˬ tawˆ luꞈ kʼoeˇ taˆ, Sahˬpaˬ Miˬyehˇ nawˬ-ahˇ bi gʼaˬ leˇ jiˇ-euˬ meh” lehˇ ehˇ-eu meh.

2 Saˬmeuˬlaˆ 2:8

Sawˇluˆ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬlaˇ-euˬ aˬli Aˬbaˬnaˬ-aˬ, Sawˇluˆ-euˬ aˬ li Iˇshaˬbawˇshehˆ nehˬ-ehˇ Yawˇdaˬ lawˇ baˬ cehˆ tsehˆ-awˇ, Maˬhaˬneˬ meuˬ-ahˇ cehˆ leˇ-euˬ meh.

2 Saˬmeuˬlaˆ 22:48

Aˬ cawˬ-ahˇ laꞈ poˆ poˆ nya ni, Miˬyehˇ ngaˬ-ahˇ ngehˬ gʼeh laꞈ-awˇ, ngaˬ-ahˇ muiˇ-eu tsawˇ haˬ deuˬ-ahˇ, ngaˬ-euˬ laꞈ oꞈ bi awꞈ-euˬ meh.

Jaceuq 71:24

Ngaˬ-ahˇ laˆ coeˬ laˆ ciˆ mawꞈ-eu deuˬ kʼoeˇ taˆ, shaꞈ dawˇ-eu jeˬ bi keuˆ le-euˬ miˇ neh, nawˬ-euˬ yaw tsaˬ yaw dawˇ jeˬ gaˇ kawˆ, nah ga-ehˇ ngaˇ ja ceuˬ ma.

Maꞈtehˬ 2:20

“Tuˇ-awˬ. Aˬ nyaꞈ ma zaˬ seuˬ-awˇ Iˇsaˬleˬlaˆ miˇ kʼahˬ-ahˇ gʼoꞈ leˇ-awˬ. Aˬ li-ahˇ sehꞈ-eu lehˇ leh jeh-eu tsawˇ haˬ deuˬ shiˇ jiˇ-euˬ meh.”

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

1 Saˬmeuˬlaˆ 18:11

“Ngaˇ aˬ yawꞈ-ahˇ kaˇ pyawˇ-ahˇ joeˬ tsoˆ gʼeh ma” lehˇ Sawˇluˆ aˬ yawˇ yawꞈ ehˇ-awˇ, nyiˬ poˆ keuˆ ni Daˬbiˇ-ahˇ gahˬ neh joeˬ-euˬ meh. Ehˇ kʼawꞈ, nyiˬ poˆ luꞈ Daˬbiˇ awˆ yawˬ-euˬ meh.

1 Saˬmeuˬlaˆ 19:1

Sawˇluˆ-aˬ, aˬ yawꞈ-euˬ aˬ li Yawˇnaˆshaˬ hawˇ-eu aˬ yawꞈ-eu gaˇ mˇ-eu yaw huiˬ yaw mahˇ deuˬ-ahˇ, Daˬbiˇ-ahˇ aˬ yawꞈ sehꞈ-eu lehˇ lehˬ hmˬ luꞈ-eu gaˇ kawˆ ehˇ mehˬ nehˬ-euˬ meh. Ehˇ kʼawꞈ, Yawˇnaˆshaˬ gʼaˬ Daˬbiˇ-ahˇ gʼoeˇ dui dui-eu meh.

1 Saˬmeuˬlaˆ 19:15

Ehˇ kʼawꞈ, Sawˇluˆ neh aˬ yawꞈ-euˬ tsawˇ haˬ deuˬ-ahˇ Daˬbiˇ jawˇ gaˇ paˇ bi iˇ-awˇ, “Ja ciˬ ciˬ lah-ehˇ heu gaˇ baꞈ kʼoꞈ laꞈ-awˬ. Aˬ yawꞈ-ahˇ ngaˇ sehꞈ ma” lehˇ dawˬ biꞈ-euˬ meh.

1 Saˬmeuˬlaˆ 20:1

Laˬmahˇ gahˬ kaˬ laꞈ kʼoeˇ jaˆ-eu Naˬiˇyoˆ pu-ahˇ neh Daˬbiˇ cehˆ doˆ-awˇ, Yawˇnaˆshaˬ jawˇ gaˇ le-awˇ, “Ngaˇ aˬ jeˬ mˇ bahˬ taˬ-euˬ jaˆ ta. Aˬ jeˬ iˬ baˇ ahˇ ta. Nawˬ da ngaˬ-ahˇ sehꞈ mawꞈ paˬ-ehˇ, aˬ yawꞈ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta” lehˇ naˇ haˬ-euˬ meh.

1 Saˬmeuˬlaˆ 23:15

Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, Hawˇlehˆ lehˇ kuˇ-eu jawˇ duˬ-ahˇ Daˬbiˇ jawˇ luꞈ ngeh, Sawˇluˆ aˬ yawꞈ-ahˇ sehꞈ-eu lehˇ laˇ luꞈ-eu gaˇ kawˆ aˬ yawꞈ ya siˬ-euˬ meh.

1 Saˬmeuˬlaˆ 24:4

Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu. “Heu-aˬ, nawˬ-eu gʼaˇ duˬ yehꞈ dui dui laˇ-euˬ aˇ yamˬ ngaˇ. Nawˬ-ahˇ muiˇ-eu tsawˇ haˬ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ-awˇ, nawˇ kʼaˇ jahˇ nehˬ mawꞈ-eu jeˬ jahˇ nehˬ nya meh lehˇ, Sahˬpaˬ Miˬyehˇ neh ehˇ taˬ-euˬ kʼoeˇ iˬ nah keuˆ le-euˬ ngaˇ.” Kʼoeˇ ngeh, Daˬbiˇ aˬ ya ya-ehˇ joe joe-ehˇ iˇ-awˇ, Sawˇluˆ-ahˇ maˬ bi siˬ leˇ ni, aˬ yawꞈ-euˬ pehˇ kʼahˬ pehˇ dahˬ yehˬ tsehˆ-euˬ meh.

1 Saˬmeuˬlaˆ 25:29

Tsawˇ haˬ tiˬ gʼaˬ na nawˬ-ahˇ guiˇ deuˆ le-awˇ, nawˬ-ahˇ sehꞈ-eu lehˇ leh jeh ngeh, aˇ poeˬ kʼaˆ-eu pyuˇ shuiˇ myawˬ gahˬ-ahˇ aˬ cawˬ haw piˇ-eu loꞈ-ehˇ, Sahˬpaˬ Miˬyehˇ nawˬ-ahˇ haw piˇ nehˬ laꞈ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kʼawꞈ, caˬ oeˬ neh bi beuˆ byoˆ gʼeh-euˬ caˬ oeˬ miˬ siˬ loꞈ-ehˇ, Sahˬpaˬ Miˬyehˇ neh bi beuˆ byoˆ tehꞈ-a.