2 Saˬmeuˬlaˆ 4:12 - Akha

¹² Daˬbiˇ aˬ yawꞈ-euˬ yehˇ deuˬ-ahˇ dawˬ biꞈ-awˇ, Leˬkaˆ hawˇ-eu Baˬnahˬ aˬ nyaꞈ nmˇ-ahˇ bi sehꞈ-euˬ meh. Aˬ yawꞈ maꞈ aꞈ yawꞈ nyaꞈ nmˇ-euˬ aˬ kuiˇ aˬ laꞈ toˆ tsehˆ-awˇ, Heˬbyoˬ lah lah dzeˇ paꞈ gʼeu taˬ-euˬ meh. Iˇshaˬbawˇshehˆ-euˬ uˬ duˬ-ahˇ aˬ yawꞈ maꞈ yuˇ-awˇ, Heˬbyoˬ meuˬ-ahˇ jaˆ-eu Aˬbaˬnaˬ-euˬ lmˬ bymˇ-ahˇ baꞈ pahˬ-euˬ meh.

2 Saˬmeuˬlaˆ 4:12 Σταυροειδείς Αναφορές

2 Saˬmeuˬlaˆ 1:15

Kʼoeˇ naˇ, Daˬbiˇ aˬ yawꞈ-euˬ tsawˇ haˬ tiˬ gʼaˬ-ahˇ kuˇ-awˇ, “Tsawˇ haˬ heu gʼaˬ-ahˇ sehꞈ-awˬ” lehˇ ehˇ nehˬ ngeh, Aˬmaˬlehˇ tsawˇ haˬ kʼoeˇ gʼaˬ-ahˇ sehꞈ-euˬ meh.

2 Saˬmeuˬlaˆ 16:8

Sawˇluˆ-euˬ miˇ kʼahˬ nawˬ neh yuˇ geuꞈ-euˬ meh. Nymˬ-mˇ poˆ jawˇ-aˬ, Sawˇluˆ-euˬ aˇ jeuˬ aˇ ca deuˬ-ahˇ nawˬ neh sehꞈ-euˬ aˇ poeˬ, Sahˬpaˬ Miˬyehˇ nawˬ-ahˇ paˇ kʼehˬ poˆ luꞈ-eu meh. Sahˬpaˬ Miˬyehˇ neh nawˬ-euˬ miˇ kʼahˬ nawˬ li Aˬbaˇsaˬloˬ-ahˇ biꞈ-euˬ meh. Nawˇ-aˬ, aˬ cawˬ-ahˇ sehꞈ-euˬ tsawˇ haˬ pyeuꞈ-eu miˇ neh, ya luˬ ya seˇ-iˇ-eu keuˆ le-euˬ maˬ ngeuˇ nya loˇ.”

2 Saˬmeuˬlaˆ 2:8

Sawˇluˆ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬlaˇ-euˬ aˬli Aˬbaˬnaˬ-aˬ, Sawˇluˆ-euˬ aˬ li Iˇshaˬbawˇshehˆ nehˬ-ehˇ Yawˇdaˬ lawˇ baˬ cehˆ tsehˆ-awˇ, Maˬhaˬneˬ meuˬ-ahˇ cehˆ leˇ-euˬ meh.

2 Saˬmeuˬlaˆ 21:9

Giˇbyoˬ meuˬ-ahˇ jawˇ-eu tsawˇ haˬ deuˬ-euˬ aˬ laꞈ laꞈ kʼoeˇ Daˬbiˇ neh a nehˬ-awˇ, aˬ ha shiꞈ gʼaˬ-ahˇ Sahˬpaˬ Miˬyehˇ-euˬ mehˬ shi gawˬ jawˬ kʼoeˇ taˆ aˬ yawꞈ maꞈ paꞈ gʼeu nehˬ-awˇ, shiꞈ gʼaˬ luꞈ tiˬ poˆ tehꞈ-ehˇ shiˇ-euˬ meh. Aˬ yawꞈ maꞈ shiˇ-euˬ aˇ yamˬ kʼoeˇ yamˬ-aˬ, lawˬ loeˇ keuˆ dahˬ beh le-eu yamˬ meh.

2 Saˬmeuˬlaˆ 3:32

Aˬbaˬnaˬ-ahˇ Heˬbyoˬ meuˬ-ahˇ baꞈ pahˬ-awˇ, Aˬbaˬnaˬ-euˬ lmˬ bymˇ-ahˇ sahˬ paˬ Daˬbiˇ guˇ guˇ-ehˇ ngoeˇ-euˬ meh. Tsawˇ haˬ dawˬ tawˆ luꞈ kʼoeˇ loꞈ-ehˇ ngoeˇ-euˬ meh.

Jaceuq 55:23

Ehˇ kʼawꞈ Sahˬpaˬ Miˬyehˇ nawˇ-aˬ, tsawˇ haˬ-ahˇ sehꞈ-eu deuˬ hawˇ-eu jaˬ myawꞈ mehˇ shuiˇ deuˬ-ahˇ, saꞈ maˬ gʼawˇ tsehˆ mi naˆ-ehˇ lmˬ bymˇ-ahˇ bi uˇ-iˇ tehꞈ-a. Ehˇ kʼawꞈ, ngaˇ-aˬ, nawˬ-ahˇ gʼoe ma.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.