2 Saˬmeuˬlaˆ 3:9 - Akha

^9-10 Daˬbiˇ-ahˇ Sahˬpaˬ Miˬyehˇ heu loꞈ-ehˇ saˇ jaˇ biꞈ taˬ-euˬ meh. Miˇ kʼahˬ heu kʼahˬ-ahˇ, Sawˇluˆ hawˇ-eu aˬ yawꞈ-euˬ zaˬ deuˬ uˆ deuˬ-euˬ aˬ laꞈ laꞈ kʼoeˇ neh yuˇ doˆ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ heu nyiˬ kʼahˬ luꞈ ahˇ leˇ-ehˇ, heu dzeˇ kʼoeˇ dzeˇ doˆ ni Daˬbiˇ neh tehꞈ-ehˇ bi uˆ lahˇ ma lehˇ saˇjaˇ biꞈ taˬ-euˬ meh. Dawˬ heu dawˬ aˬ diˇ aˬ maˇ pyeuꞈ laˇ ni ngaˇ maˬ mˇ naˇ, Miˬyehˇ ngaˬ-ahˇ sehꞈ luꞈ-uˇ.”

2 Saˬmeuˬlaˆ 3:9 Σταυροειδείς Αναφορές

2 Saˬmeuˬlaˆ 19:13

Aˬmaˬsaˬ-ahˇ kʼawꞈ heu loꞈ-ehˇ bi ehˇ gaˬ-iˇ-eu gʼaˇ duˬ, aˬ yawꞈ nyaꞈ-ahˇ Daˬbiˇ ehˇ nehˬ-euˬ meh. “Nawˇ-aˬ, ngaˬ-euˬ aˬ yuiꞈ aˬ nyiˇ ma. Iˬ nah neh dahˬ beh-awˇ, Yoˇbaˬ-euˬ dah zaˇ, ngaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ nawˬ-ahˇ ngaˇ bi geuꞈ ma. Ngaˬ neh ehˇ taˬ-euˬ loꞈ-ehˇ ngaˇ maˬ jahˇ naˇ, Miˬyehˇ ngaˬ-ahˇ sehꞈ luꞈ-uˇ lehˇ ehˇ nehˬ-awˬ.”

2 Saˬmeuˬlaˆ 19:14

Daˬbiˇ neh ehˇ-euˬ dawˬ kʼoeˇ dawˬ baˬ da neh, Yuˇdaˆ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ Daˬbiˇ-ahˇ nui ma taꞈ laˇ-awˇ, “Sahˬpaˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ gʼoꞈ laˇ-awˬ” lehˇ tsaꞈ gʼeh-euˬ meh.

2 Saˬmeuˬlaˆ 3:35

Daˬbiˇ tiˬ jeˬ paˬ dzaˬ ni, aˬ yawꞈ maꞈ nah ga-ehˇ gʼaˬ biꞈ-euˬ meh. Ehˇ kʼawꞈ, “Aˇ nah heu nah maˬ dzeuˇ-iˇ mi naˆ-ehˇ ngaˇ tiˬ jeˬ paˬ dzaˬ naˇ, Miˬyehˇ ngaˬ-ahˇ sehꞈ luꞈ-uˇ” lehˇ aˬ yawꞈ saˇ jaˇ dzaˬ-euˬ meh.

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

1 Sahˬpaˬ 2:23

Kʼoeˇ naˇ, Sahˬpaˬ Miˬyehˇ-euˬ tsawˇ myahˇ uˬ moˆ Sawˇlaˬmoˬ saˇ jaˇ dzaˬ-awˇ ehˇ-eu, “Heu loꞈ-ehˇ shaˇ-eu baˬ da neh Aˬdawˇniˇyaˆ maˬ shiˇ-ehˇ ya bi dehꞈ lawˬ naˇ, Miˬyehˇ ngaˬ-ahˇ sehꞈ luꞈ-uˇ.

1 Laˬsaˬbaˬ 12:23

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sawˇluˆ-euˬ jawˇ duˬ-ahˇ Daˬbiˇ sahˬ paˬ pyeuꞈ laˇ ni, Daˬbiˇ Heˬbyoˬ meuˬ-ahˇ jawˇ luꞈ ngeh, yaw muiˬ paˬ-ehˇ dzaw nya taˬ-euˬ yehˇ gʼawˬ mya gʼaˬ aˬ yawꞈ-euˬ guiˇ maꞈ laꞈ kʼoeˇ uˇ laˇ-euˬ meh. Yehˇ kʼoeˇ deuˬ heu myaˆ ni byah-eu meh.

Luˇta 1:17

Nawˇ kʼaˇ shiˇ gaˇ ngaˇ shiˇ-awˇ, kʼoeˇ gaˇ aˬ cawˬ ngaˬ-ahˇ baꞈ pahˬ luꞈ-uˇ. Shiˇ-awˇ shiˇ gʼawˬ-euˬ jeˬ maˬ ngeuˇ-ehˇ, nawˬ-ahˇ ngaˇ gʼawˬ-iˇ naˇ, kʼaˆ dui dui-eu Sahˬpaˬ Miˬyehˇ-euˬ kʼehˬ-eu kʼaˆ-eu jeˬ, ngaˬ-ahˇ keuˆ le luꞈ-uˇ.”

1 Saˬmeuˬlaˆ 14:44

“Yawˇnaˆshaˬ-oˇ, nawˇ maˬ ya shiˇ ni dzeuˇ-iˇ nya naˇ, ngaˬ-euˬ kʼoeˇ taˆ shiˇ-eu jeˬ Miˬyehˇ bi keuˆ le luꞈ-uˇ” lehˇ Sawˇluˆ ehˇ-eu meh.

1 Saˬmeuˬlaˆ 15:28

Kʼoeˇ ngeh, Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Iˬ nah Iˇsaˬleˬlaˆ miˇ kʼahˬ-ahˇ, nawˬ-euˬ aˬ laꞈ laꞈ kʼoeˇ neh Sahˬpaˬ Miˬyehˇ gʼeu pyaˬ doˆ-awˇ, nawˇ naˆ maˬ tseˇ geuˇ-eu tsawˇ haˬ tiˬ gʼaˬ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 25:22

Uˬ bya maˬ bya laˇ mi naˆ-ehˇ tsawˇ haˬ kʼoeˇ deuˬ-ahˇ ngaˇ maˬ sehꞈ jiˇ naˇ, Miˬyehˇ ngaˬ-ahˇ tsoꞈ bi deh le luꞈ-uˇ.”

1 Saˬmeuˬlaˆ 28:17

Sahˬpaˬ Miˬyehˇ ngaˬ-ahˇ gʼoe-eu laꞈ kʼoeˇ nawˬ-ahˇ ehˇ nehˬ taˬ-euˬ loꞈ-ehˇ, aˬ yawꞈ mˇ luꞈ shaˇ luꞈ-eu meh. Miˇ kʼahˬ heu kʼahˬ-ahˇ nawˬ-euˬ aˬ laꞈ laꞈ kʼoeˇ neh aˬ yawꞈ yuˇ doˆ-awˇ, Daˬbiˇ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 3:17

“Sahˬpaˬ Miˬyehˇ nawˬ-ahˇ aˬ jeˬ ehˇ ta. Tiˬ jeˬ-iˬ maˬ zaꞈ taˬ ni ngaˬ-ahˇ dzawˇ mehˬ nehˬ laꞈ sheˇ. Aˬ yawꞈ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ nawˇ ngaˬ-ahˇ maˬ dzawˇ nehˬ laꞈ naˇ, Miˬyehˇ nawˬ-ahˇ yaw kʼaˆ-ehˇ kʼehˬ nehˬ laꞈ tehꞈ-a” lehˇ ehˇ nehˬ-euˬ meh.