2 Saˬmeuˬlaˆ 3:8 - Akha

⁸ Kʼoeˇ ngeh, Aˬbaˬnaˬ nui ma pehˇ laˇ-awˇ ehˇ-eu, “Ngaˇ Sawˇluˆ-ahˇ saˇ jaˇ maˬ ziꞈ nga lehˇ nawˇ noeˬ te loˇ. Yuˇdaˆ miˇ kʼahˬ gʼaˇ duˬ ngaˇ dehꞈ luꞈ-eu nga lehˇ nawˇ aˬ diˇ noeˬ te loˇ. Aˇ dahˬ beh ngeh neh, nawˬ da Sawˇluˆ-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ-euˬ cawˬ deuˬ-ahˇ maˬ ehˇ, ngaˇ saˇ jaˇ ziꞈ-awˇ, nawˬ-ahˇ kʼawꞈ Daˬbiˇ-euˬ aˬ laꞈ laꞈ kʼoeˇ maˬ a nehˬ ni ngaˬ neh sheuˬ buˬ nehˬ-euˬ ma. Ehˇ kʼawꞈ, iˬ nah-aˬ, zaˬ miˬ zaˬ tiˬ gʼaˬ nehˬ-ehˇ bahˬ-euˬ nga lehˇ dehˬ lehꞈ-awˇ, nawˇ ngaˬ-ahˇ iˬ baˇ poˆ-eu gʼeh te loˇ.

2 Saˬmeuˬlaˆ 3:8 Σταυροειδείς Αναφορές

2 Saˬmeuˬlaˆ 16:9

Zeˬluˇyaˆ-euˬ aˬ li Aˬbiˇshaiˇ ehˇ-eu, “Sahˬ paˬ-oˇ, aˬ jeˬ miˇ neh aˬ kuiˬ kuiˬ uˬ teu mawˇ nawˬ-ahˇ yaˬ kʼehˇ yaˬ yaˬ-ehˇ bi jawˇ te. Ngaˬ-ahˇ a kawˬ-aˬ biꞈ laꞈ-awˬ. Ngaˇ le-awˇ aˬ yawꞈ-euˬ uˬ duˬ coeˇ tsehˆ nehˬ leˇ la.”

2 Saˬmeuˬlaˆ 2:8

Sawˇluˆ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬlaˇ-euˬ aˬli Aˬbaˬnaˬ-aˬ, Sawˇluˆ-euˬ aˬ li Iˇshaˬbawˇshehˆ nehˬ-ehˇ Yawˇdaˬ lawˇ baˬ cehˆ tsehˆ-awˇ, Maˬhaˬneˬ meuˬ-ahˇ cehˆ leˇ-euˬ meh.

2 Saˬmeuˬlaˆ 3:18

Nymˬ-mˇ naw maꞈ kʼoeˇ loꞈ-ehˇ jahˇ pyeuꞈ-eu aˇ yamˬ tsaˬ laˇ-euˬ meh. ‘Ngaˬ-euˬ zaˬ kʼaˆ Daˬbiˇ-ahˇ gʼoe-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ, Piˇliˇtiˆ tsawˇ jeuˬ-euˬ aˬ laꞈ laꞈ kʼoeˇ maˬ ehˇ, aˬ yawꞈ maꞈ-ahˇ muiˇ-eu tsawˇ jeuˬ nui deuˬ dawˬ tawˆ luꞈ-euˬ aˬ laꞈ laꞈ kʼoeˇ maˬ ehˇ, ngaˇ ka kʼoꞈ ma’ lehˇ ehˇ taˬ-euˬ Sahˬpaˬ Miˬyehˇ-euˬ dawˬ-ahˇ noeˬ keuˆ-awˬ.”

2 Saˬmeuˬlaˆ 3:9

Daˬbiˇ-ahˇ Sahˬpaˬ Miˬyehˇ heu loꞈ-ehˇ saˇ jaˇ biꞈ taˬ-euˬ meh. Miˇ kʼahˬ heu kʼahˬ-ahˇ, Sawˇluˆ hawˇ-eu aˬ yawꞈ-euˬ zaˬ deuˬ uˆ deuˬ-euˬ aˬ laꞈ laꞈ kʼoeˇ neh yuˇ doˆ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ heu nyiˬ kʼahˬ luꞈ ahˇ leˇ-ehˇ, heu dzeˇ kʼoeˇ dzeˇ doˆ ni Daˬbiˇ neh tehꞈ-ehˇ bi uˆ lahˇ ma lehˇ saˇjaˇ biꞈ taˬ-euˬ meh. Dawˬ heu dawˬ aˬ diˇ aˬ maˇ pyeuꞈ laˇ ni ngaˇ maˬ mˇ naˇ, Miˬyehˇ ngaˬ-ahˇ sehꞈ luꞈ-uˇ.”

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

2 Saˬmeuˬlaˆ 9:8

Meˬpiˇbawˇshehˆ gʼaˬ tiˬ poˆ paˇ awˆ byaˆ-awˇ ehˇ-eu, “Sahˬ paˬ-oˇ, ngaˇ-aˬ shiˇ taˬ-euˬ aˬ kuiˬ tiˬ mawˇ taꞈ-ehˇ maˬ paˇ dzehˬ miˇ-a. Aˬ jeˬ miˇ neh nawˇ ngaˬ-ahˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

2 Sahˬpaˬ 8:13

Haˬzeˬlaˇ ehˇ-eu, “Ngaˇ-aˬ, tiˬ gaˇ-iˬ deuˬ leˇ-eu tsawˇ haˬ maˬ ngeuˇ. Kʼoeˇ naˆ naˆ-ehˇ baoˬ ahˇ-eu tsawˇ haˬ ngaˇ aˬ joˆ-ehˇ pyeuꞈ laˇ nya nmˇ.” Eˇliˇshehˇ ehˇ-eu, “Nawˇ Suˇliˆ sahˬ paˬ pyeuꞈ laˇ tehꞈ-a lehˇ, Sahˬpaˬ Miˬyehˇ ngaˬ-ahˇ pah mehˬ nehˬ laꞈ gʼaˬ-euˬ meh.”

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Dawˬmehˬ 23:18

Kʼoeˇ loꞈ-ehˇ mˇ-awˇ za-euˬ pyuˇ kʼoeˇ neh, saˇ jaˇ mˇ byah-eu aˇ poeˬ biꞈ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ nymˇ-ahˇ maˬ ya yuˇ laꞈ-a. Muiˬ-eu shawˇ-eu meh maˬ laˇ geuꞈ-eu jeˬ-ahˇ Sahˬpaˬ Miˬyehˇ bye-eu meh.

1 Saˬmeuˬlaˆ 15:28

Kʼoeˇ ngeh, Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Iˬ nah Iˇsaˬleˬlaˆ miˇ kʼahˬ-ahˇ, nawˬ-euˬ aˬ laꞈ laꞈ kʼoeˇ neh Sahˬpaˬ Miˬyehˇ gʼeu pyaˬ doˆ-awˇ, nawˇ naˆ maˬ tseˇ geuˇ-eu tsawˇ haˬ tiˬ gʼaˬ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 17:43

Daˬbiˇ-ahˇ aˬ yawꞈ ehˇ nehˬ-eu, “Daˇ cuiˇ teu hmˬ aˬ jeˬ jahˇ-eu lehˇ yuˇ luꞈ te. Nawˇ ngaˬ-ahˇ aˬ kuiˬ tiˬ mawˇ loˆ ni tehꞈ-ehˇ sawˇ-eu ngaˇ laˬ” Kʼoeˇ naˇ, aˬ yawꞈ-euˬ miˬ yehˇ-euˬ tsawˇ myahˇ-ahˇ gʼoe-awˇ, Daˬbiˇ-ahˇ yaˬ kʼehˇ yaˬ nehˬ-euˬ meh.