2 Saˬmeuˬlaˆ 3:39 - Akha

³⁹ Ngaˇ-aˬ, Miˬyehˇ neh tseˇ doˆ-euˬ sahˬ paˬ tiˬ gʼaˬ pyeuꞈ kʼawꞈ, iˬ nah ngaˬ-ahˇ gʼaˬ byehˆ byehˆ dui dui nya. Zeˬluˇyaˆ-euˬ aˬ li heu deuˬ ngaˬ-euˬ mehˬ shi yaw haiˬ jeˬ mˇ-euˬ heu aˇ dzehˬ dzeuˇ nya. Yaw haiˬ jeˬ mˇ-eu deuˬ-ahˇ aˬ yawꞈ ha mehˇ nmˇ neh kʼaˇ mˇ neh-euˬ loꞈ-ehˇ, aˬ yawꞈ ha mehˇ nmˇ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ luꞈ-uˇ.”

2 Saˬmeuˬlaˆ 3:39 Σταυροειδείς Αναφορές

2 Saˬmeuˬlaˆ 16:10

Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ aˬ nyaꞈ-ahˇ sahˬ paˬ ehˇ nehˬ-eu, “Heu-aˬ, naw nyaꞈ-ahˇ taꞈ-euˬ gaˇ maˬ ngeuˇ-a. Sahˬpaˬ Miˬyehˇ neh aˬ yawꞈ-ahˇ kʼehˇ-awˇ, ngaˬ-ahˇ yaˬ kʼehˇ bi yaˬ le-euˬ jeˬ pyeuꞈ lawˬ naˇ, aˬ dui aˬ jeˬ ehˇ kʼaˇ paˇ za ta.”

2 Saˬmeuˬlaˆ 19:13

Aˬmaˬsaˬ-ahˇ kʼawꞈ heu loꞈ-ehˇ bi ehˇ gaˬ-iˇ-eu gʼaˇ duˬ, aˬ yawꞈ nyaꞈ-ahˇ Daˬbiˇ ehˇ nehˬ-euˬ meh. “Nawˇ-aˬ, ngaˬ-euˬ aˬ yuiꞈ aˬ nyiˇ ma. Iˬ nah neh dahˬ beh-awˇ, Yoˇbaˬ-euˬ dah zaˇ, ngaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ nawˬ-ahˇ ngaˇ bi geuꞈ ma. Ngaˬ neh ehˇ taˬ-euˬ loꞈ-ehˇ ngaˇ maˬ jahˇ naˇ, Miˬyehˇ ngaˬ-ahˇ sehꞈ luꞈ-uˇ lehˇ ehˇ nehˬ-awˬ.”

2 Saˬmeuˬlaˆ 19:22

Ehˇ kʼawꞈ, Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ-ahˇ Daˬbiˇ ehˇ nehˬ-eu, “Naw nyaꞈ-ahˇ aˬ jeˬ taꞈ ta. Iˬ nah naw nyaꞈ ngaˬ-ahˇ laˆ bahˬ-eu gʼeh te loˇ. Nymˬ-mˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ-eu ma. Iˇsaˬleˬlaˆ tsawˇ haˬ tiˬ gʼaˬ-iˬ maˬ ya bi sehꞈ-a.”

2 Saˬmeuˬlaˆ 3:38

Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ sahˬ paˬ Daˬbiˇ ehˇ nehˬ-eu, “Iˬ nah Iˇsaˬleˬlaˆ miˇ kʼahˬ gʼaˇ duˬ huiˬ dui dui-eu aˬ yuiꞈ aˬ tsu tiˬ gʼaˬ shiˇ-euˬ meh lehˇ naw maꞈ maˬ noeˬ siˬ te loˇ.

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

1 Sahˬpaˬ 2:9

Aˬ yawꞈ-ahˇ nawˇ maˬ kʼehˬ nehˬ ni taˬ byehˇ. Aˬ joˆ-ehˇ ya jahˇ nehˬ-eu gaˇ kawˆ nawˇ siˬ nya meh. Aˬ yawꞈ shiˇ ni nawˇ ya jahˇ meh.”

1 Laˬsaˬbaˬ 22:5

Daˬbiˇ heu loꞈ-ehˇ noeˬ-eu meh. “Ngaˬ li Sawˇlaˬmoˬ tsoˆ-eu Uˬ duˬ tahˬ nymˇ nymˇ ma-aˬ, muiˬ dui dui-awˇ, miˇ tsaˬ kʼoeˇ taˆ tsawˇ myahˇ doˆ dui dui tehꞈ-a. Ehˇ kʼawꞈ, aˬ yawꞈ aˇ kʼoꞈ nahˬ-awˇ, maˬ mˇ maˬ shaˇ haw-euˬ miˇ neh, Uˬ duˬ tahˬ nymˇ nymˇ ma kʼoeˇ tsoˆ-eu gʼaˇ duˬ, ngaˇ ya lehˬ hmˬ taˬ nehˬ meh” lehˇ noeˬ-euˬ meh. Kʼoeˇ miˇ neh, Daˬbiˇ-aˬ, aˬ yawꞈ maˬ shiˇ mi naˆ-ehˇ, loˬ-eu mˇ myawˬ keu ka gʼawˬ mya ni lehˬ hmˬ dah taˬ nehˬ yaꞈ-euˬ meh.

1 Laˬsaˬbaˬ 29:1

Tsawˇ haˬ aˇ maꞈ aˇ muˇ dawˬ tawˆ luꞈ-ahˇ, sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Ngaˬ li Sawˇlaˬmoˬ-aˬ, Miˬyehˇ neh tseˇ doˆ-euˬ gʼaˬ pyeuꞈ-eu meh. Ehˇ kʼawꞈ, aˬ yawꞈ zaˬ guˬ pyeuꞈ-awˇ, maˬ mˇ maˬ shaˇ haw-euˬ tsawˇ haˬ tiˬ gʼaˬ meh. Nymˬ-mˇ mˇ-eu lehˇ gʼeh-eu gaˇ heu hmˬ-aˬ, huiˬ dui dui-eu gaˇ meh. Aˬ jeˬ miˇ neh ehˇ naˇ, tsawˇ haˬ zaˬ jawˇ-eu gʼaˇ duˬ nymˇ nymˇ ma tsoˆ-eu maˬ ngeuˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ uˬ duˬ tahˬ nymˇ tsoˆ-eu jeˬ pyeuꞈ-eu meh.

2 Laˬsaˬbaˬ 13:7

Aˇ nah, gaˇ dahˇ maˬ tsoeˬ-eu haiˬ-eu tsawˇ haˬ deuˬ-ahˇ aˬ yawꞈ kuˇ uiˬ-awˇ, Sawˇlaˬmoˬ-euˬ aˬ li Leˬhawˇbamˬ-ahˇ yehˬ baw-ehˇ gʼeh-euˬ meh. Kʼoeˇ ngeh, Leˬhawˇbamˬ gʼaˬ aˇ kʼoꞈ nahˬ-awˇ maˬ mˇ maˬ shaˇ nya-euˬ miˇ neh, aˬ yawꞈ maꞈ-ahˇ maˬ ciˬ daˬ nya-aˬ.

Jaceuq 101:8

Nga maꞈ-euˬ miˇ kʼahˬ laꞈ kʼoeˇ jawˇ-eu maˬ tsaˬ maˬ dawˇ-eu tsawˇ haˬ deuˬ-ahˇ, nah doˆ le ngeh ngaˇ laˆ cawˆ ma. Haiˬ-eu tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ-euˬ meuˬ laꞈ nyiˇ ngaˇ teh dzeh ma.

Jaceuq 28:4

Yawꞈmaꞈyaw haiˬmˇ-eu miˇneh, oꞈ-eu loꞈ-ehˇ nawˇkʼehˬ nehˬ-awˬ. Yaw doeˇjahˇ-euˬ aˬlaꞈaˇpoeˬ, geuˇ-eu loꞈ-ehˇ nawˇkʼaˆnehˬ-awˬ.

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Jaceuq 7:16

Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Jaceuq 75:10

Maˬ tsaˬ maˬ dawˇ-eu tsawˇ haˬ deuˬ-euˬ baoˬ-ahˇ aˬ yawꞈ ngawˬ kʼehꞈ dzeh-awˇ, yaw tsaˬ yaw dawˇ tsawˇ haˬ deuˬ baoˬ huiˬ laˇ ni aˬ yawꞈ caw ba tehꞈ-a.

Doˆ-iˇ 21:12

“Tsawˇ haˬ aˬ geu gʼaˬ maˬ kaˬ, tsawˇ haˬ tiˬ gʼaˬ na-ahˇ laˆ tahˬ-awˇ bi shiˇ naˇ, aˬ yawꞈ-ahˇ ya sehꞈ meh.

Dawqdaq 20:8

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ, myaˆ nuiˆ baw seu iˬ baˇ baw shawˇ doˆ-mˇ jeˇ.

Dawqdaq 25:5

Sahˬ paˬ-ahˇ maˬ muiˬ maˬ jaˬ-eu nui noeˬ nui duˇ biꞈ luꞈ-eu tsawˇ haˬ deuˬ-ahˇ teh dzeh ngeh, sahˬ paˬ yaw tsaˬ yaw dawˇ laꞈ kʼoeˇ uˆ lahˇ-eu gaˇ kawˆ doˆ laˇ-eu meh.

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Iˇsaˬyaˇ 7:4

Nui noeˬ yaw beuˇ beuˇ-ehˇ jawˇ-awˇ, nui ma coꞈ ngehˇ ni taˬ-eu laꞈ kʼoeˇ, aˇ dzehˬ-ehˇ maˬ guˆ-ehˇ maˬ noeˬ shaˬ ni jawˇ-awˬ lehˇ ehˇ nehˬ-awˬ. Suˇliˆ sahˬ paˬ Leˬzeˬ hawˇ-eu Leˬmaˬliˇ-euˬ aˬ li sahˬ paˬ Peˬkah aˬ nyaꞈ-euˬ nui pehˇ-aˬ, miˬ dzaˬ doꞈ miˆ-euˬ kawˬ pyaˇ-ahˇ uˬ kʼoeˬ du-eu loˆ ni tehꞈ meh.

Yeˬlaˬmiˇ 38:5

Kʼoeˇ ngeh, sahˬ paˬ Zeˬdaˬkiˇ ehˇ-eu, “Muiˬ tehꞈ-a. Naw maꞈ aˬ yawꞈ-ahˇ kʼaˇ jahˇ nehˬ mawꞈ-eu loꞈ-ehˇ jahˇ nehˬ-awˬ. Ngaˇ naw maꞈ-ahˇ aˬ joˆ-ehˇ paˇ laˆ tsoeˬ nya nmˇ.”

Daˬyeˬlaˇ 6:16

Kʼoeˇ ngeh jawˇ, Daˬyeˬlaˇ-ahˇ nyehꞈ-awˇ aˇ laˬ jaˬ shiˇ kuˆ-ahˇ biꞈ ahˇ-eu gʼaˇ duˬ sahˬ paˬ dawˬ biꞈ-euˬ meh. “Nawˇ saˇ jaˇ ziꞈ-awˇ gʼoe luꞈ-eu nawˬ-euˬ Miˬyehˇ nawˬ-ahˇ ka kʼoꞈ luꞈ-uˇ” lehˇ, Daˬyeˬlaˇ-ahˇ aˬ yawꞈ ehˇ nehˬ-euˬ meh.

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Lormav 13:4

Aˬ jeˬ miˇ neh ehˇ naˇ, sahˬ paˬ sahˬ ma-aˬ, nawˬ-euˬ gʼaˇ duˬ muiˬ ni Miˬyehˇ neh kʼehˇ taˬ-euˬ tsawˇ haˬ pyeuꞈ-eu meh. Ehˇ kʼawꞈ, nawˇ maˬ muiˬ-eu jeˬ mˇ naˇ, sahˬ paˬ sahˬ ma-ahˇ guˆ-awˬ. Aˬ yawꞈ nawˬ-ahˇ kʼehˬ-eu yaw duˬ baw meh. Aˬ jeˬ miˇ neh ehˇ naˇ, maˬ muiˬ-eu jeˬ mˇ-eu tsawˇ haˬ deuˬ kʼoeˇ taˆ Miˬyehˇ-euˬ kʼehˬ-eu kʼaˆ-eu jeˬ bi keuˆ le-eu gʼaˇ duˬ, Miˬyehˇ neh aˬ yawꞈ-ahˇ kʼehˇ taˬ-euˬ meh.

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.

Yaˇ kʼaˬ daˇ 9:57

Giˇdoˬ-euˬ a li Yoˇdamˬ neh Sheˬkmˬ meuˬ-ahˇ jawˇ-eu tsawˇ haˬ deuˬ-ahˇ yaˬ kʼehˇ yaˬ-awˇ ehˇ nehˬ-euˬ loꞈ-ehˇ, Sheˬkmˬ tsawˇ haˬ deuˬ kʼawꞈ, aˬ yawꞈ maꞈ neh yaw haiˬ jeˬ mˇ-euˬ loꞈ-ehˇ paˇ ya daˬ ni, Miˬyehˇ kʼoeˇ loꞈ-ehˇ jahˇ kʼoꞈ nehˬ-euˬ meh.