2 Saˬmeuˬlaˆ 3:3 - Akha

³ Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ Aˬbiˇgeˬlaˆ o neh dehꞈ le-euˬ Ciˇleh, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ,

2 Saˬmeuˬlaˆ 3:3 Σταυροειδείς Αναφορές

2 Saˬmeuˬlaˆ 13:1

Daˬbiˇ-euˬ aˬ li Aˬbaˇsaˬloˬ-aˬ, Taˬmaˬ lehˇ myahˇ-euˬ aˇ gʼehˇ muiˬ dui dui-eu dmˇ ma miˬ daꞈ tiˬ gʼaˬ jawˇ-eu meh. Aˬ ma yawˬ ma yawˬ-euˬ zaˬ pyeuꞈ-eu Aˬmaˬnoˬ lehˇ myahˇ-euˬ Daˬbiˇ-euˬ aˬ li tiˬ li-aˬ, aˬ yawꞈ-euˬ dmˇ ma kʼoeˇ gʼaˬ-ahˇ mawꞈ dui dui leˇ-eu meh.

2 Saˬmeuˬlaˆ 14:23

Kʼoeˇ naˇ, Geˬshuˇlaˆ meuˬ-ahˇ aˬ yawꞈ iˇ-awˇ, Aˬbaˇsaˬloˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ-euˬ meh.

2 Saˬmeuˬlaˆ 14:24

Ehˇ kʼawꞈ, Aˬbaˇsaˬloˬ-ahˇ sahˬ paˬ-euˬ hawˇ nymˇ laꞈ kʼoeˇ maˬ ya bi jawˇ-eu gʼaˇ duˬ, sahˬ paˬ neh dawˬ biꞈ taˬ-euˬ meh. “Aˬ yawꞈ-ahˇ maˬ mawˇ mawꞈ nya” lehˇ sahˬ paˬ ehˇ-eu miˇ neh, Aˬbaˇsaˬloˬ gʼaˬ yawˬ ha-euˬ nymˇ-ahˇ jawˇ-awˇ, sahˬ paˬ jawˇ gaˇ maˬ laˇ mawˇ-a.

2 Saˬmeuˬlaˆ 14:32

Aˬbaˇsaˬloˬ ehˇ-eu, “Nawˬ-ahˇ ngaˇ bi kuˇ laˬ-iˇ kʼawꞈ, nawˇ maˬ laˇ-eu miˇ neh, kʼoeˇ loꞈ-ehˇ bi jahˇ-euˬ ma. Ngaˬ-euˬ dah zaˇ nawˬ-ahˇ sahˬ paˬ jawˇ gaˇ bi le-awˇ, heu loꞈ-ehˇ bi ehˇ leˇ mawꞈ-eu ma. ‘Aˬ jeˬ miˇ neh ngaˬ-ahˇ Geˬshuˇlaˆ meuˬ-ahˇ neh heu gaˇ kuˇ kʼoꞈ-awˇ bi jawˇ laꞈ teˬ. Kʼoeˇ gaˇ jawˇ law nmˇ-aˬ, ngaˬ-euˬ gʼaˇ duˬ muiˬ dzehˬ tehꞈ-a’ lehˇ bi ehˇ leˇ mawꞈ-eu ma.” Aˬbaˇsaˬloˬ paˇ ehˇ-eu, “Ngaˇ sahˬ paˬ jawˇ gaˇ le mawˇ nya ni nawˇ shaˇ noeˬ nehˬ laꞈ-awˬ. Ngaˇ iˬ baˇ ahˇ naˇ kʼawꞈ, aˬ yawꞈ ngaˬ-ahˇ sehꞈ luꞈ-uˇ.”

2 Saˬmeuˬlaˆ 15:7

Oeˬ kʼoꞈ keuˆ laˇ ngeh, sahˬ paˬ Daˬbiˇ-ahˇ Aˬbaˇsaˬloˬ heu loꞈ-ehˇ ehˇ nehˬ-euˬ meh. “Sahˬ paˬ-oˇ, Sahˬpaˬ Miˬyehˇ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, ngaˇ mˇ byah leˇ-eu gʼaˇ duˬ, Heˬbyoˬ meuˬ-ahˇ bi le nehˬ laꞈ-awˬ.

2 Saˬmeuˬlaˆ 15:8

Suˇliˆ miˇ kʼahˬ Geˬshuˇlaˆ meuˬ-ahˇ ngaˇ jawˇ luꞈ ngeh, Sahˬpaˬ Miˬyehˇ ngaˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ gʼeh nehˬ laꞈ naˇ, Heˬbyoˬ meuˬ-ahˇ le-awˇ aˬ yawꞈ-ahˇ uˬ duˬ tahˬ leˇ ma lehˇ, ngaˬ neh saˇ jaˇ dzaˬ taˬ-euˬ jaˆ-eu ma.”

2 Saˬmeuˬlaˆ 18:33

Kʼoeˇ ngeh, sahˬ paˬ noeˬ shaˬ dui dui-awˇ, meuˬ-euˬ lahˇ kʼehˬ laˇ gʼoˆ laꞈ taˆ jaˆ-eu jawˇ duˬ-ahˇ le uˇ-awˇ ngoeˇ-euˬ meh. Aˬ yawꞈ daˆ leˇ leꞈ-euˬ nehˬ-ehˇ, “Ngaˬ li Aˬbaˇsaˬloˬ-oˇ. Ngaˬ li-oˇ. Ngaˬ li Aˬbaˇsaˬloˬ-oˇ. Aˬ jeˬ miˇ neh nawˬ-euˬ dah zaˇ ngaˬ-ahˇ maˬ bi shiˇ laꞈ ta. Ngaˬ li Aˬbaˇsaˬloˬ-oˇ” lehˇ, dawˬ kawˬ kawˬ kawˬ-ehˇ ngoeˇ-euˬ meh.

2 Saˬmeuˬlaˆ 2:2

Daˬbiˇ-aˬ, aˬ yawꞈ-euˬ miˬ zaˬ deuˬ pyeuꞈ-eu Yeˬzaˬleˬlaˇ meuˬ-ahˇ jawˇ-eu Aˬhiˇnoˬ hawˇ-eu Gaˬlaˬmeˬlaˇ meuˬ-ahˇ jawˇ-eu Naˬbaˬlaˇ-euˬ miˬ coeˬ Aˬbiˇgeˬlaˆ aˬ nyaꞈ-ahˇ sheuˬ-awˇ, Heˬbyoˬ meuˬ-ahˇ le-euˬ meh.

1 Sahˬpaˬ 1:6

“Nawˇ aˬ jeˬ miˇ neh teu loꞈ-ehˇ jahˇ te” lehˇ ehˇ-awˇ, aˬ yawꞈ-euˬ aˬ da aˬ yawꞈ-ahˇ tiˬ jawˇ-iˬ tiˬ jeˬ-iˬ maˬ laˆ tsoeˬ nehˬ haw-aˬ. Aˬ yawꞈ-aˬ, pyawˬ naˬ aˇ gʼehˇ muiˬ dui dui-awˇ, shiˇ dzeuˇ-euˬ Aˬbaˇsaˬloˬ jiˇ naˇ, sahˬ paˬ zaˬ yo deuˬ laꞈ kʼoeˇ aˬ cawˬ naˆ maˬ tseˇ yuiꞈ dzehˬ-eu gʼaˬ pyeuꞈ-eu meh.

1 Sahˬpaˬ 2:15

Aˬ yawꞈ ehˇ-eu, “Ngaˇ sahˬ paˬ geuꞈ-eu tsaˬ meh lehˇ nawˇ siˬ nya meh. Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ, kʼoeˇ loꞈ-ehˇ noeˬ-eu meh. Ehˇ kʼawꞈ, kʼaˇ noeˬ-euˬ loꞈ-ehˇ maˬ pyeuꞈ laˇ-ehˇ, ngaˬ-euˬ aˬ nyiˇ gʼaˬ sahˬ paˬ pyeuꞈ laˇ-euˬ meh. Aˬ jeˬ miˇ neh ehˇ naˇ, aˬ yawꞈ sahˬ paˬ pyeuꞈ laˇ ni Sahˬpaˬ Miˬyehˇ nui ma tsaˬ-eu meh.

1 Laˬsaˬbaˬ 3:1

Sahˬ paˬ Daˬbiˇ Heˬbyoˬ meuˬ-ahˇ jawˇ ngeh dehꞈ le-euˬ aˬ yawꞈ-euˬ aˬ li deuˬ-aˬ, heu deuˬ meh. Aˬ li aˬ yuiꞈ yuiꞈ saˬ gʼaˬ-aˬ, Yeˬzaˬleˬlaˇ meuˬ-ahˇ jawˇ-eu Aˬhiˇnoˬ o neh dehꞈ le-euˬ Aˬmaˬnoˬ meh. Nyiˬ gʼaˬ tiˬ gʼaˬ-aˬ Gaˬlaˬmeˬlaˇ meuˬ-ahˇ jawˇ-eu Aˬbiˇgeˬlaˆ o neh dehꞈ le-euˬ Daˬyeˬlaˇ meh.

1 Laˬsaˬbaˬ 3:2

Smˇ gʼaˬ tiˬ gʼaˬ-aˬ, Geˬshuˇlaˆ sahˬ paˬ Taˬlaˬmehˇ-euˬ aˬ buˇ Mawˇkah o neh dehꞈ le-euˬ Aˬbaˇsaˬloˬ meh. Oeˬ gʼaˬ tiˬ gʼaˬ-aˬ, Haˬgiˇdaˇ o neh dehꞈ le-euˬ Aˬdawˇniˇyaˆ meh.

Dawˬmehˬ 3:14

Maˬnaˇseˬ tsawˇ jeuˬ Yaˬiˇlaˆ tsawˇ haˬ deuˬ-aˬ, Aˬgawˆ lehˇ kʼawꞈ kuˇ-eu Baˬshaˬ miˇ gahˬ gahˬ lah ni geuꞈ-euˬ meh. Kʼoeˇ-aˬ, Geˬshuˇlaˆ meuˬ hawˇ-eu Mawˇkah meuˬ-ahˇ keuˆ ni meh. Yaˬiˇlaˆ-aˬ, kʼoeˇ gaˇ jaˆ-eu pu deuˬ-ahˇ aˬ yawꞈ-euˬ tsawˇ myahˇ biꞈ-awˇ, iˬ nah keuˆ ni Yaˬiˇlaˆ-euˬ pu deuˬ lehˇ aˬ cawˬ kuˇ luꞈ-eu meh.)

Yawˇshuˆ 13:13

Ehˇ kʼawꞈ, Geˬshuˇlaˆ tsawˇ jeuˬ hawˇ-eu Mawˇkah tsawˇ jeuˬ-ahˇ Iˇsaˬleˬlaˆ tsawˇ haˬ deuˬ maˬ teh doˆ-a. Aˬ yawꞈ maꞈ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.

1 Saˬmeuˬlaˆ 25:3

Aˬ yawꞈ-euˬ tsawˇ myahˇ-aˬ, Naˬbaˬlaˇ pyeuꞈ-awˇ, aˬ yawꞈ-euˬ miˬ zaˬ-aˬ, Aˬbiˇgeˬlaˆ meh. Miˬ zaˬ gʼaˬ aˇ gʼehˇ muiˬ-awˇ tsawˇ gahˇ ahˇ-eu tsawˇ haˬ tiˬ gʼaˬ meh. Ehˇ kʼawꞈ, Gaˬlehˆ aˇ jeuˬ pyeuꞈ-eu kʼaˬ dzeˇ zaˬ gʼaˬ-aˬ, nui ma yaw doeˇ meh.

1 Saˬmeuˬlaˆ 25:42

Kʼoeˇ naˇ, aˬ yawꞈ mahˬ tahˬ laˆ-ahˇ yaw kawˇ-ehˇ dziˬ leˇ-euˬ meh. Aˬ yawꞈ-euˬ zaˬ miˬ zaˬ zaˬ kʼaˆ ngaˬ gʼaˬ sheuˬ-awˇ, Daˬbiˇ-euˬ zaˬ kʼaˆ deuˬ mehˬ nah caw teh gʼeh leꞈ-awˇ, Daˬbiˇ-ahˇ dahˬ dzaˬ leˇ-euˬ meh.

1 Saˬmeuˬlaˆ 27:8

Aˇ nah aˇ yamˬ kʼoeˇ yamˬ laꞈ kʼoeˇ, miˇ tsaˬ kʼoeˇ tsahˇ-ahˇ gʼawˬ myahˇ ni jawˇ keuˆ laꞈ-euˬ tsawˇ haˬ deuˬ pyeuꞈ-eu, Geˬshuˇlaˆ tsawˇ jeuˬ, Geˬlaˬziˇ tsawˇ jeuˬ, Aˬmaˬlehˇ tsawˇ jeuˬ kʼoeˇ deuˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ guiˇ deuˆ-euˬ meh. Shuˇyaˆ meuˬ-ahˇ neh Iˇjiˇtuˆ miˇ kʼahˬ-ahˇ tuˆ ni, aˬ yawꞈ maꞈ-euˬ miˇ kʼahˬ-ahˇ Daˬbiˇ guiˇ deuˆ-euˬ meh.