2 Saˬmeuˬlaˆ 3:24 - Akha

²⁴ Kʼoeˇ ngeh, sahˬ paˬ Daˬbiˇ jawˇ gaˇ Yoˇbaˬ le-awˇ ehˇ nehˬ-eu, “Nawˇ teu loꞈ-ehˇ aˬ jeˬ jahˇ te.

2 Saˬmeuˬlaˆ 3:24 Σταυροειδείς Αναφορές

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

2 Saˬmeuˬlaˆ 3:23

Yoˇbaˬ hawˇ-eu aˬ yawꞈ-euˬ tsawˇ haˬ deuˬ gʼoꞈ keuˆ laˇ ngeh, Aˬbaˬnaˬ sahˬ paˬ Daˬbiˇ jawˇ gaˇ oe-awˇ, aˬ yawꞈ-euˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ sahˬ paˬ Daˬbiˇ neh kamˬ nehˬ-awˇ pyehˬ gʼeh-euˬ gaˇ kawˆ, Yoˇbaˬ-ahˇ aˬ cawˬ tsaꞈ nehˬ-euˬ meh.

2 Saˬmeuˬlaˆ 3:25

Aˬ yawꞈ nawˬ-ahˇ mehˇ shuiˇ shuiˇ-eu lehˇ heu gaˇ oe-awˇ, nawˇ kʼaˇ mˇ kʼaˇ shaˇ kʼaˇ iˇ kʼaˇ laˇ-eu gaˇ kawˆ-ahˇ pyehˆ tseˇ haw laˇ-euˬ tehꞈ-a. Nawˇ kʼoeˇ loꞈ-ehˇ aˬ diˇ aˬ maˇ maˬ siˬ nya te loˇ.”

2 Saˬmeuˬlaˆ 3:39

Ngaˇ-aˬ, Miˬyehˇ neh tseˇ doˆ-euˬ sahˬ paˬ tiˬ gʼaˬ pyeuꞈ kʼawꞈ, iˬ nah ngaˬ-ahˇ gʼaˬ byehˆ byehˆ dui dui nya. Zeˬluˇyaˆ-euˬ aˬ li heu deuˬ ngaˬ-euˬ mehˬ shi yaw haiˬ jeˬ mˇ-euˬ heu aˇ dzehˬ dzeuˇ nya. Yaw haiˬ jeˬ mˇ-eu deuˬ-ahˇ aˬ yawꞈ ha mehˇ nmˇ neh kʼaˇ mˇ neh-euˬ loꞈ-ehˇ, aˬ yawꞈ ha mehˇ nmˇ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ luꞈ-uˇ.”

2 Saˬmeuˬlaˆ 3:8

Kʼoeˇ ngeh, Aˬbaˬnaˬ nui ma pehˇ laˇ-awˇ ehˇ-eu, “Ngaˇ Sawˇluˆ-ahˇ saˇ jaˇ maˬ ziꞈ nga lehˇ nawˇ noeˬ te loˇ. Yuˇdaˆ miˇ kʼahˬ gʼaˇ duˬ ngaˇ dehꞈ luꞈ-eu nga lehˇ nawˇ aˬ diˇ noeˬ te loˇ. Aˇ dahˬ beh ngeh neh, nawˬ da Sawˇluˆ-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ-euˬ cawˬ deuˬ-ahˇ maˬ ehˇ, ngaˇ saˇ jaˇ ziꞈ-awˇ, nawˬ-ahˇ kʼawꞈ Daˬbiˇ-euˬ aˬ laꞈ laꞈ kʼoeˇ maˬ a nehˬ ni ngaˬ neh sheuˬ buˬ nehˬ-euˬ ma. Ehˇ kʼawꞈ, iˬ nah-aˬ, zaˬ miˬ zaˬ tiˬ gʼaˬ nehˬ-ehˇ bahˬ-euˬ nga lehˇ dehˬ lehꞈ-awˇ, nawˇ ngaˬ-ahˇ iˬ baˇ poˆ-eu gʼeh te loˇ.

Bawˇtsahˬ 23:11

Kʼoeˇ ngeh, Baˬlamˬ-ahˇ Baˬlehˇ ehˇ-eu, “Nawˇ ngaˬ-ahˇ teu loꞈ-ehˇ aˬ jeˬ jahˇ nehˬ laꞈ te. Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu gʼaˇ duˬ, ngaˇ nawˬ-ahˇ heu gaˇ sheuˬ laꞈ-euˬ ma. Ehˇ kʼawꞈ, nawˇ-aˬ, maˇ maˇ ni aˬ yawꞈ maꞈ-ahˇ dawˬ ngehˬ gʼeh nehˬ law hawˇ ngaˬ tawˇ.”

Yoˇhaˬ 18:35

Sahˬ paˬ Piˇlaˆ ehˇ-eu, “Ngaˇ Yuˇdaˆ tsawˇ haˬ nga loˇ. Nawˬ-euˬ tsawˇ jeuˬ hawˇ-eu piˇ ma aˬ yuiꞈ deuˬ neh nawˬ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ-euˬ meh. Nawˇ aˬ jeˬ mˇ teˬ.”