2 Saˬmeuˬlaˆ 24:20 - Akha

²⁰ Aˬyawˇnahˬ haw ka gʼeh ngeh, sahˬ paˬ hawˇ-eu sahˬ paˬ-euˬ gaˇ mˇ-euˬ yaw huiˬ yaw mahˇ deuˬ laˇ luꞈ gaˇ ya mawˇ-euˬ meh. Kʼoeˇ ngeh, aˬ yawꞈ doˆ-iˇ-awˇ, sahˬ paˬ-euˬ mehˬ shi miˇ tsa awˆ byaˆ-awˇ yaw zeu baw nehˬ-euˬ meh.

2 Saˬmeuˬlaˆ 24:20 Σταυροειδείς Αναφορές

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

2 Saˬmeuˬlaˆ 1:2

Yawˬ nah yawˬ, Sawˇluˆ-euˬ taˆ-ahˇ jawˇ-eu zaˬ guˬ tiˬ gʼaˬ aˬ yawꞈ jawˇ gaˇ oe keuˆ-euˬ meh. Zaˬ guˬ kʼoeˇ gʼaˬ yawˬ ha-euˬ mehˬ tsoeˬ cehˬ pyaˬ cehˬ shaˇ-awˇ, uˬ duˬ-ahˇ miˇ tsaˬ jehˆ daˆ taˬ-euˬ laꞈ kʼoeˇ, noeˬ shaˬ dui dui-eu gaˇ kawˆ bi siˬ bi mawˇ le-euˬ meh. Daˬbiˇ jawˇ gaˇ aˬ yawꞈ le-awˇ, miˇ tsa awˆ byaˆ-eu laꞈ kʼoeˇ yaw zeu baw nehˬ-euˬ meh.

2 Saˬmeuˬlaˆ 24:19

Sahˬpaˬ Miˬyehˇ-euˬ dawˬ-ahˇ Daˬbiˇ naˇ haˬ geuꞈ-eu laꞈ kʼoeˇ, Gaˆ neh mehˬ nehˬ-euˬ jawˇ duˬ-ahˇ le-euˬ meh.

2 Saˬmeuˬlaˆ 24:21

“Sahˬ paˬ-oˇ, aˬ jeˬ miˇ neh heu gaˇ laˇ teˬ” lehˇ aˬ yawꞈ naˇ haˬ ngeh, “Yaw jaw naˇ-eu naˇ gawˇ gawˇ ma heu byoˆ-iˇ ni, nawˬ-euˬ cehˇ bymˇ saˬ kʼawꞈ heu zeuˇ-awˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ tsoˆ-eu lehˇ laˇ-euˬ ma” lehˇ, Daˬbiˇ ehˇ kʼoꞈ nehˬ-euˬ meh.

2 Saˬmeuˬlaˆ 9:8

Meˬpiˇbawˇshehˆ gʼaˬ tiˬ poˆ paˇ awˆ byaˆ-awˇ ehˇ-eu, “Sahˬ paˬ-oˇ, ngaˇ-aˬ shiˇ taˬ-euˬ aˬ kuiˬ tiˬ mawˇ taꞈ-ehˇ maˬ paˇ dzehˬ miˇ-a. Aˬ jeˬ miˇ neh nawˇ ngaˬ-ahˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

Luˇta 2:10

Luˇta naˇ kʼawˇ miˇ tsa tuˆni awˆ byaˆ-awˇ ehˇ-eu, “Aˬ jeˬ miˇ neh nawˇ ngaˬ-euˬ gʼaˇ duˬ teu naˆ naˆ-ehˇ shaˇ noeˬ nehˬ laꞈ te. Ngaˇ loꞈ-ehˇ gʼeh-eu boeˇ miˬ shiˬ kʼaˬ tiˬ gʼaˬ-ahˇ, aˬ jeˬ miˇ neh nawˇ teu naˆ naˆ-ehˇ gʼawˬ shaˬ gaˬ nehˬ laꞈ te.”