2 Saˬmeuˬlaˆ 24:18 - Akha

¹⁸ Kʼoeˇ ngeh nah, Daˬbiˇ jawˇ gaˇ Gaˆ iˇ-awˇ, “Aˬyawˇnahˬ-euˬ cehˇ bymˇ saˬ kʼawꞈ-ahˇ le-awˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ gawˬ nehˬ leˇ-awˬ” lehˇ ehˇ nehˬ-euˬ meh.

2 Saˬmeuˬlaˆ 24:18 Σταυροειδείς Αναφορές

Aˇ dahˬ 50:10

Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu Aˬtaˆ lehˇ kuˇ-eu cehˇ bymˇ saˬ kʼawꞈ deh ga-ahˇ le keuˆ ngeh, aˬ yawꞈ maꞈ gʼawˬ myahˇ ni guˇ guˇ-ehˇ tsawˇ ngoeˇ ngoeˇ-euˬ meh. Shiꞈ nah keuˆ ni bawˬ-iˬ gʼeh-awˇ, aˬ yawꞈ-euˬ aˬ da-ahˇ Yoˇsehˆ tsawˇ ngoeˇ ngoeˇ nehˬ-euˬ meh.

2 Saˬmeuˬlaˆ 24:11

Uˬ shawˬ paw Daˬbiˇ uˬ suˇ tuˇ ngeh yamˬ-ahˇ, Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Daˬbiˇ jawˇ gaˇ iˇ-awˇ, gaˇ kawˆ smˇ jeˬ laꞈ kʼoeˇ aˬ yawꞈ-ahˇ tiˬ jeˬ bi tseˇ geuꞈ-awˇ, aˬ yawꞈ neh kʼaˇ tseˇ geuꞈ-euˬ jeˬ ngaˇ bi keuˆ ma lehˇ ehˇ nehˬ-iˇ-awˬ.”

2 Saˬmeuˬlaˆ 24:19

Sahˬpaˬ Miˬyehˇ-euˬ dawˬ-ahˇ Daˬbiˇ naˇ haˬ geuꞈ-eu laꞈ kʼoeˇ, Gaˆ neh mehˬ nehˬ-euˬ jawˇ duˬ-ahˇ le-euˬ meh.

2 Laˬsaˬbaˬ 3:1

Sawˇlaˬmoˬ-euˬ aˬ da sahˬ paˬ Daˬbiˇ-aˬ, Uˬ duˬ tahˬ nymˇ nymˇ ma tsoˆ-eu pehˇ tsahˇ lehˬ hmˬ taˬ yaꞈ-euˬ meh. Pehˇ tsahˇ kʼoeˇ-aˬ, Yeˬluˇsaˬlehˬ meuˬ Mawˇliˇyaˆ gawˬ jawˬ kʼoeˇ taˆ jaˆ-eu Yeˬbuˇ tsawˇ haˬ Aˬyawˇnahˬ-euˬ cehˇ baw shawˇ duˬ pyeuꞈ-eu meh. Pehˇ tsahˇ kʼoeˇ tsahˇ-ahˇ, sahˬ paˬ Sawˇlaˬmoˬ Uˬ duˬ tahˬ nymˇ nymˇ ma tsoˆ-eu dawꞈ leˇ-euˬ meh.

Zaˬkaˬliˇ 9:7

Shiˬ maˬ dzeˇ-eu shaˬ jiˇ hawˇ-eu, maˬ dzaˬ kʼmˬ-eu dzaˇ dawˬ tawˆ luꞈ, aˬ yawꞈ maꞈ maˬ paˇ bi dzaˬ ma. Kʼaˇ dehꞈ kʼaˇ dzeuˇ-iˇ-euˬ dawˬ tawˆ, Yuˇdaˆ tsawˇ jeuˬ tiˬ jeuˬ loꞈ-ehˇ, ngaˬ-euˬ tsawˇ haˬ bi pyeuꞈ laˇ ma. Eˇkaˬloˬ tsawˇ haˬ kʼoeˇ deuˬ kʼawꞈ, Yeˬbuˇ tsawˇ haˬ deuˬ-ahˇ duˇ ni, ngaˬ-euˬ tsawˇ haˬ bi pyeuꞈ laˇ ma.