2 Saˬmeuˬlaˆ 24:16 - Akha

¹⁶ Sahˬpaˬ Miˬyehˇ-euˬ mˬ taˆ gʼaˬ kʼehˇ Yeˬluˇsaˬlehˬ meuˬ-ahˇ laˆ cawˆ-eu lehˇ gʼeh ngeh, Sahˬpaˬ Miˬyehˇ nui ma paˇ laˇ-awˇ, Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ, “Teu naˆ ni naˇ gʼaˬ-aˇ. Taˬpaˇ jahˇ hawˇ-awˬ” lehˇ ehˇ nehˬ-euˬ meh. Kʼoeˇ loꞈ-ehˇ ehˇ nehˬ ngeh, mˬ taˆ gʼaˬ kʼehˇ kʼoeˇ gʼaˬ Yeˬbuˇ tsawˇ jeuˬ Aˬyawˇnahˬ-euˬ cehˇ bymˇ saˬ kʼawꞈ-ahˇ oe keuˆ taˬ-euˬ meh.

2 Saˬmeuˬlaˆ 24:16 Σταυροειδείς Αναφορές

Aˇ dahˬ 10:16

Kaˬnaˬ-aˬ, Yeˬbuˇ tsawˇ jeuˬ, Aˬmawˇliˆ tsawˇ jeuˬ, Geuˬgaˬshiˇ tsawˇ jeuˬ,

Aˇ dahˬ 6:6

Kʼoeˇ ngeh, Miˇ tsaˬ kʼoeˇ taˆ tsawˇ haˬ zaˬ-ahˇ maˬ beh taˬ law nmˇ-aˬ, gʼaˬ law hawˇ miˇ-a lehˇ, aˬ yawˇ yawꞈ noeˬ poˆ leˇ dui dui-euˬ meh.

2 Saˬmeuˬlaˆ 24:18

Kʼoeˇ ngeh nah, Daˬbiˇ jawˇ gaˇ Gaˆ iˇ-awˇ, “Aˬyawˇnahˬ-euˬ cehˇ bymˇ saˬ kʼawꞈ-ahˇ le-awˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ gawˬ nehˬ leˇ-awˬ” lehˇ ehˇ nehˬ-euˬ meh.

2 Saˬmeuˬlaˆ 5:8

Kʼoeˇ ngeh nah, aˬ yawꞈ-euˬ tsawˇ haˬ deuˬ-ahˇ Daˬbiˇ ehˇ nehˬ-eu, “Yeˬbuˇ tsawˇ haˬ deuˬ-ahˇ ngaˇ kʼaˇ bye-eu naˆ ni bye-awˇ sehꞈ leˇ mawꞈ-eu tsawˇ haˬ jawˇ naˇ, miˇ tsaˬ dawˬ dah pahˬ doˆ laꞈ-euˬ iˇ cuꞈ uiˇ kʼehˬ caw caw-ehˇ le-awˇ, myaˆ behꞈ hawˇ-eu kuiˇ kuˆ kʼoeˇ deuˬ-ahˇ deuˆ leˇ-awˬ.” Kʼoeˇ ngeh neh naˇ, “Myaˆ behꞈ hawˇ-eu kuiˇ kuˆ deuˬ Sahˬpaˬ Miˬyehˇ-euˬ nymˇ-ahˇ maˬ ya uˇ leˇ-a” lehˇ ehˇ-eu dawˬ jaˆ laˇ-euˬ meh.

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

1 Laˬsaˬbaˬ 1:14

Kaˬnaˬ-aˬ, Yeˬbuˇ tsawˇ jeuˬ, Aˬmoˬ tsawˇ jeuˬ, Geuˬgaˬshaˆ tsawˇ jeuˬ,

2 Laˬsaˬbaˬ 3:1

Sawˇlaˬmoˬ-euˬ aˬ da sahˬ paˬ Daˬbiˇ-aˬ, Uˬ duˬ tahˬ nymˇ nymˇ ma tsoˆ-eu pehˇ tsahˇ lehˬ hmˬ taˬ yaꞈ-euˬ meh. Pehˇ tsahˇ kʼoeˇ-aˬ, Yeˬluˇsaˬlehˬ meuˬ Mawˇliˇyaˆ gawˬ jawˬ kʼoeˇ taˆ jaˆ-eu Yeˬbuˇ tsawˇ haˬ Aˬyawˇnahˬ-euˬ cehˇ baw shawˇ duˬ pyeuꞈ-eu meh. Pehˇ tsahˇ kʼoeˇ tsahˇ-ahˇ, sahˬ paˬ Sawˇlaˬmoˬ Uˬ duˬ tahˬ nymˇ nymˇ ma tsoˆ-eu dawꞈ leˇ-euˬ meh.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

Jaceuq 135:14

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ haw piˇ-awˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ gʼawˬ shaˬ gaˬ tehꞈ-a.

Jaceuq 35:6

Mˬtaˆgʼaˬkʼehˇmehˬshi cehˆngeh, gaˇma kahˇli zahˇtsui jaˆ-awˇ, dawˬteˇteˇteˇ-ehˇshaˬluꞈ-uˇ.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Jaceuq 90:13

Nawˬ-euˬ nui pehˇ aˇ myah ni bi gmˬ-eu gʼeh te. Sahˬpaˬ Miˬyehˇ-oˇ, nawˬ-euˬ zaˬ kʼaˆ deuˬ-ahˇ gʼawˬ shaˬ gaˬ nehˬ laꞈ-awˬ.

Doˆ-iˇ 12:13

Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

Doˆ-iˇ 12:23

Iˇjiˇtuˆ tsawˇ haˬ deuˬ-ahˇ sehꞈ-eu lehˇ, Sahˬpaˬ Miˬyehˇ Iˇjiˇtuˆ miˇ kʼahˬ-ahˇ oe paˆ ngeh, laˇ gʼoˆ bahˬ hawˇ-eu pyaꞈ dmˬ-ahˇ lehꞈ taˬ-euˬ shiˬ-ahˇ aˬ yawꞈ ya mawˇ naˇ, Shiˇ-eu jeˬ-euˬ Mˬ taˆ gʼaˬ kʼehˇ-ahˇ, naw maꞈ-ahˇ laˆ sehꞈ-eu gʼaˇ duˬ, naw maꞈ-euˬ nymˇ laꞈ kʼoeˇ maˬ bi uˇ le-aˇ.

Doˆ-iˇ 32:14

Kʼoeˇ ngeh, Sahˬpaˬ Miˬyehˇ nui ma noeˬ paˇ-awˇ, aˬ yawꞈ neh noeˬ tsehˆ taˬ-euˬ luˬ-iˇ seˇ-iˇ-eu jeˬ, aˬ yawꞈ-euˬ tsawˇ haˬ deuˬ kʼoeˇ taˆ maˬ bi keuˆ le ni, bi dzeuˇ-iˇ-euˬ meh.

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Yeˬlaˬmiˇ 26:19

Sahˬ paˬ Heˬsaˬgiˇ hawˇ-eu Yuˇdaˆ miˇ kʼahˬ zaˬ deuˬ Miˇkaˬ-ahˇ maˬ sehꞈ-euˬ uˬ taꞈ, Heˬsaˬgiˇ Sahˬpaˬ Miˬyehˇ-ahˇ guˆ-awˇ, aˬ yawꞈ nui kʼahˇ shiˇ-eu jeˬ-ahˇ leh jeh-awˇ mˇ-euˬ meh. Kʼoeˇngeh, Sahˬpaˬ Miˬyehˇ nui ma paˇ laˇ-awˇ, aˬ yawꞈ maꞈ kʼoeˇ taˆ bi keuˆ le ma lehˇ ehˇ taˬ-euˬ luˬ-iˇ seˇ-iˇ-eu jeˬ, maˬ bi keuˆ le ni bi dzeuˇ-iˇ-euˬ meh. Nymˬ-mˇ poˆ jawˇ, aˬ dui-aˬ, yawˬ ha kʼoeˇ taˆ guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ yaw kawˇ-ehˇ keuˆ le ni mˇ luꞈ gaˇ duˇ-eu meh” lehˇ ehˇ nehˬ-euˬ meh.

Yeˬlaˬmiˇ 42:10

Sahˬpaˬ Miˬyehˇ heu loꞈ-ehˇ ehˇ-eu meh. ‘Miˇ kʼahˬ heu kʼahˬ laꞈ kʼoeˇ naw maꞈ jawˇ daˆ leꞈ mawꞈ naˇ, naw maꞈ-ahˇ ngaˇ maˬ laˆ pyaˆ ni ciˬ tuˇ nehˬ ma. Naw maꞈ-ahˇ ngaˇ maˬ gʼawˇ lehˆ ni, tsoˆ ziꞈ nehˬ ma. Naw maꞈ-ahˇ ngaˬ neh laˆ luˬ laˆ seˇ nehˬ-euˬ gaˇ ngaˇ nui ma tiˬ pawꞈ-iˬ maˬ saˇ nya.

Aˬmoˆ 7:3

Kʼoeˇ ngeh, Sahˬpaˬ Miˬyehˇ nui ma paˇ laˇ-awˇ, “Nawˬ neh ya mawˇ-euˬ loꞈ-ehˇ maˬ pyeuꞈ laˇ-aˇ” lehˇ ehˇ-eu meh.

Aˬmoˆ 7:6

Kʼoeˇ ngeh, Sahˬpaˬ Miˬyehˇ nui ma tiˬ poˆ paˇ paˇ laˇ-awˇ, “Heu kʼawꞈ, maˬ pyeuꞈ laˇ-aˇ” lehˇ paˇ ehˇ-eu meh.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Zaˬkaˬliˇ 9:7

Shiˬ maˬ dzeˇ-eu shaˬ jiˇ hawˇ-eu, maˬ dzaˬ kʼmˬ-eu dzaˇ dawˬ tawˆ luꞈ, aˬ yawꞈ maꞈ maˬ paˇ bi dzaˬ ma. Kʼaˇ dehꞈ kʼaˇ dzeuˇ-iˇ-euˬ dawˬ tawˆ, Yuˇdaˆ tsawˇ jeuˬ tiˬ jeuˬ loꞈ-ehˇ, ngaˬ-euˬ tsawˇ haˬ bi pyeuꞈ laˇ ma. Eˇkaˬloˬ tsawˇ haˬ kʼoeˇ deuˬ kʼawꞈ, Yeˬbuˇ tsawˇ haˬ deuˬ-ahˇ duˇ ni, ngaˬ-euˬ tsawˇ haˬ bi pyeuꞈ laˇ ma.

Maˬkuˆ 14:41

Aˬ yawꞈ smˬ poˆ tiˬ poˆ paˇ gʼoꞈ le ngeh, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Naw maꞈ nymˬ-mˇ keuˆ ni yuꞈ kʼaˆ-awˇ gʼaˬ naˬ naˬ luꞈ te siˬ loˇ. Gʼaˬ-aˇ. Aˇ yamˬ keuˆ laˇ-euˬ ngaˇ. Haw-awˬ. Tsawˇhaˬ-euˬ Zaˬmaˇ-ahˇ iˬ baˇ zaˬ deuˬ-euˬ aˬ laꞈ laꞈ kʼoeˇ a nehˬ shaw-iˬ meh.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

2 Gawˇliˬtu 2:6

Kʼoeˇ loꞈ-ehˇ gʼeh-eu tsawˇ haˬ-ahˇ Ka li zaˬ aˇ muˇ laꞈ kʼoeˇ uˇ-eu tsawˇ haˬ myaˬ ni tiˬ paˆ nui ma tsaˬ-awˇ kʼoeˇ loꞈ-ehˇ daˇ nehˬ-euˬ-aˬ, gʼaˬ tehꞈ-a.

Yawˇshuˆ 15:63

Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.

Yaˇ kʼaˬ daˇ 1:21

Ehˇ kʼawꞈ, Beˬyaˬmiˬ tsawˇ jeuˬ-aˬ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ jeuˬ-ahˇ maˬ teh doˆ-ehˇ, Yeˬbuˇ tsawˇ jeuˬ hawˇ-eu Beˬyaˬmiˬ tsawˇ jeuˬ tiˬ kawˆ loꞈ-ehˇ jawˇ daˆ leꞈ-euˬ meh.

Yaˇ kʼaˬ daˇ 19:11

Aˬ yawꞈ maꞈ Yeˬbuˇ meuˬ dawˬ peh le keuˆ ngeh, uˬ ciꞈ ciꞈ le mawꞈ laˇ-euˬ meh. Kʼoeˇ ngeh, “Yeˬbuˇ tsawˇ haˬ-euˬ meuˬ heu meuˬ-ahˇ yaꞈ leˇ kaˇ beuˇ” lehˇ, aˬ yawꞈ-euˬ zaˬ kʼaˆ aˬ yawꞈ-ahˇ ehˇ-eu meh.

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.