2 Saˬmeuˬlaˆ 24:1 - Akha

¹ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-awˇ, Daˬbiˇ-ahˇ gʼoe-eu laꞈ kʼoeˇ, Iˇsaˬleˬlaˆ tsawˇ haˬ deuˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

2 Saˬmeuˬlaˆ 24:1 Σταυροειδείς Αναφορές

Aˇ dahˬ 45:5

Naw maꞈ ngaˬ-ahˇ ahˬ dzaˬ-euˬ miˇ neh, noeˬ shaˬ-awˇ yawˬ haˇ yawˬ ha iˬ baˇ taˬ-eu maˬ loˬ-aˇ. Aˬ jeˬ miˇ neh ehˇ naˇ, tsawˇ haˬ zaˬ-ahˇ ka kʼoꞈ-eu gʼaˇ duˬ naw maꞈ-euˬ mehˬ hu ngaˬ-ahˇ heu gaˇ bi oe-euˬ gʼaˬ-aˬ, Miˬyehˇ meh.

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

2 Saˬmeuˬlaˆ 12:11

Nawˬ-euˬ nymˇ kʼahˬ zaˬ tiˬ gʼaˬ na baˬ da neh, nawˬ-euˬ nymˇ jiˇ kʼoeˇ taˆ shaˬ-eu zahˬ-eu jeˬ bi keuˆ le ma lehˇ ngaˇ kamˬ-eu ma. Nawˬ-euˬ miˬ zaˬ deuˬ-ahˇ ngaˇ yuˇ-awˇ, yawˬ gʼaˬ yawˬ-ahˇ biꞈ nehˬ ngeh, ngaˬ neh ehˇ-euˬ loꞈ-ehˇ ngaˇ aˬ diˇ mˇ luꞈ-eu ngaˇ lehˇ siˬ nya-awˬ. Nah gʼahˇ nah gaˆ-ahˇ, nawˬ-euˬ miˬ zaˬ deuˬ nehˬ-ehˇ aˬ yawꞈ yuꞈ taꞈ jawˇ taꞈ tehꞈ-a.

2 Saˬmeuˬlaˆ 16:10

Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ aˬ nyaꞈ-ahˇ sahˬ paˬ ehˇ nehˬ-eu, “Heu-aˬ, naw nyaꞈ-ahˇ taꞈ-euˬ gaˇ maˬ ngeuˇ-a. Sahˬpaˬ Miˬyehˇ neh aˬ yawꞈ-ahˇ kʼehˇ-awˇ, ngaˬ-ahˇ yaˬ kʼehˇ bi yaˬ le-euˬ jeˬ pyeuꞈ lawˬ naˇ, aˬ dui aˬ jeˬ ehˇ kʼaˇ paˇ za ta.”

2 Sahˬpaˬ 3:6

Kʼoeˇ ngeh, sahˬ paˬ Yoˇlamˬ gʼaˬ Saˬmaˬliˆ meuˬ-ahˇ neh tiˬ poˆ tehꞈ-ehˇ doˆ le-awˇ, aˬ yawꞈ-euˬ yehˇ dawˬ tawˆ luꞈ-ahˇ kuˇ uiˬ-euˬ meh.

1 Laˬsaˬbaˬ 21:1

Saˬdaˬ-aˬ, Iˇsaˬleˬlaˆ tsawˇ haˬ deuˬ-ahˇ laˆ bahˬ mawꞈ-eu miˇ neh, miˇ kʼahˬ zaˬ-euˬ tsawˇ seˬ gʼoˆ-eu gʼaˇ duˬ Daˬbiˇ noeˬ tsehˆ laˇ ni jahˇ-euˬ meh.

1 Laˬsaˬbaˬ 7:2

Toˇlaˬ-aˬ, Awˇzeˬ, Leˬpaˬyaˆ, Yeˬleˬlaˇ, Yaˬmehˇ, Iˇbaˬsaˬ, Sheˬmoeˬlaˇ lehˇ myahˇ-euˬ aˬ li koꞈ li jawˇ-eu meh. Aˬ ha mehˇ nmˇ-aˬ, Toˇlaˬ aˇ jeuˬ-ahˇ aˬ yuiꞈ geuꞈ-awˇ sheuˬ gʼeh-euˬ deuˬ pyeuꞈ-awˇ, tsawˇ myahˇ doˆ-eu yehˇ deuˬ kʼawꞈ pyeuꞈ-eu meh. Sahˬ paˬ Daˬbiˇ uˆ lahˇ-eu aˇ yamˬ laꞈ kʼoeˇ, aˬ yawꞈ maꞈ-euˬ zaˬ deuˬ uˆ deuˬ nyiˬ muiˇ nyiˬ heˇ koꞈ yaˇ gʼaˬ byah-eu meh.

1 Laˬsaˬbaˬ 7:40

Heu deuˬ dawˬ tawˆ luꞈ, Aˬshaˬ-euˬ zaˬ deuˬ uˆ deuˬ pyeuꞈ-eu meh. Aˬ yawꞈ-maꞈ-aˬ, aˇ jeuˬ aˇ ca-euˬ aˬ yuiꞈ geuꞈ-awˇ, tsawˇ myahˇ doˆ-eu yehˇ deuˬ pyeuꞈ-eu uˬ taꞈ, tsawˇ myahˇ doˆ-eu aˬ yuiꞈ aˬ tsu deuˬ kʼawꞈ pyeuꞈ-eu meh. Aˬshaˬ-euˬ zaˬ deuˬ uˆ deuˬ laꞈ kʼoeˇ, guiˇ deuˆ nya-eu tsawˇ haˬ nyiˬ muiˇ koꞈ heˇ gʼaˬ jawˇ-eu meh.

2 Laˬsaˬbaˬ 32:25

Ehˇ kʼawꞈ, Heˬsaˬgiˇ-aˬ, nui ma huiˬ-eu mahˇ-eu jeˬ ahˇ-awˇ, Sahˬpaˬ Miˬyehˇ neh aˬ yawꞈ-ahˇ caw ba nehˬ-euˬ guiˬ lahˬ-ahˇ maˬ noeˬ keuˆ-a. Kʼoeˇ miˇ neh, Sahˬpaˬ Miˬyehˇ nui ma pehˇ-eu jeˬ-ahˇ Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ ya daˬ-euˬ meh.

Doˆ-iˇ 7:3

Ehˇ kʼawꞈ, sahˬ paˬ kʼoeˇ gʼaˬ nui ma gʼahˇ ni ngaˇ jahˇ nehˬ-awˇ, Iˇjiˇtuˆ miˇ kʼahˬ kʼoeˇ taˆ guˆ dui dui laˇ paˬ-ehˇ gʼeh-eu gʼawˬ mya jeˬ ngaˇ bi keuˆ le kʼawꞈ, naw nyaꞈ-euˬ ehˇ dawˬ-ahˇ aˬ yawꞈ maˬ naˇ haˬ ni jawˇ tehꞈ-a.

Yeˬsaˬgeˬlaˇ 14:9

“Miˬyehˇ gʼaˇ duˬ ngehˬ dah-eu gʼaˬ mehˇ shuiˇ bi shuiˇ-awˇ maˬ tsaˬ-eu jeˬ ehˇ kʼoꞈ nehˬ naˇ, mehˇ shuiˇ shuiˇ-euˬ gʼaˬ-aˬ, Sahˬpaˬ Miˬyehˇ pyeuꞈ-eu ngaˇ ma. Iˇsaˬleˬlaˆ tsawˇ jeuˬ laꞈ kʼoeˇ aˬ yawꞈ-ahˇ paˬ tseuˆ tseuˆ dzeh ma.

Yeˬsaˬgeˬlaˇ 20:25

“Kʼoeˇ naˇ, maˬ muiˬ-eu zahˇ dawˬ kʼoꞈ dawˬ hawˇ-eu, yaw dehꞈ maˬ bi dehꞈ-eu dawˬ deuˬ, aˬ yawꞈ maꞈ-ahˇ ngaˇ biꞈ-euˬ ma.

Uˬ duˬ 10:6

Aˬloˬ hawˇ-eu aˬ yawꞈ-euˬ aˬ li Eˇlaˬzaˬ hawˇ-eu Iˇdaˬmaˬ-ahˇ Moˇseˬ ehˇ nehˬ-eu, “Naw maꞈ noeˬ shaˬ-eu laꞈ kʼoeˇ tsawˇ ngoeˇ ngoeˇ luꞈ-eu gaˇ kawˆ bi siˬ bi mawˇ-eu gʼaˇ duˬ, uˬ duˬ tsehˇ kahˇ maˬ kaˆ juˇ ni jawˇ-eu maˬ ehˇ, mehˬ tsoeˬ cehˬ pyaˬ-eu maˬ ehˇ, taˬ jahˇ. Kʼoeˇ loꞈ-ehˇ jahˇ naˇ, naw maꞈ ya shiˇ-awˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ tehꞈ-a. Ehˇ kʼawꞈ, naw maꞈ-euˬ cawˬ Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh pyehˬ gʼeh leꞈ-euˬ miˬ dzaˬ baˬ da neh ya shiˇ-euˬ jeˬ gʼaˇ duˬ, tsawˇ ngoeˇ ngoeˇ nehˬ nya tehꞈ-a.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

2 Teˇsaˬloˇni 2:11

Kʼoeˇ miˇ neh, Miˬ yehˇ neh maˬ ngeuˇ-eu baoˬ-ahˇ kʼehˇ gʼeh-awˇ, maˬ ngeuˇ-eu jeˬ-ahˇ jah leˇ ni aˬ yawꞈ maꞈ laꞈ kʼoeˇ gaˇ bi mˇ-euˬ meh.

Yaˇ kʼaˬ daˇ 2:14

Kʼoeˇ miˇ neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, tahˇ joe baˬ maꞈ pyehˬ gʼeh leꞈ-awˇ, aˬ yawꞈ maꞈ-euˬ myawˬ gahˬ deuˬ bi ceh geuꞈ-euˬ meh. Aˬ yawꞈ maꞈ-euˬ jawˬ jawˬ-ehˇ kʼaˇ jawˇ-eu aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ aˬ yawꞈ maꞈ naˆ maˬ tseˇ gʼaˬ bi kʼaˆ dzehˬ laˇ-awˇ, Iˇsaˬleˬlaˆ tsawˇ haˬ deuˬ aˬ cawˬ-ahˇ maˬ gʼaˬ leˇ ni pyeuꞈ-iˇ-euˬ meh.

Yaˇ kʼaˬ daˇ 2:20

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ ehˇ-eu, “Tsawˇ jeuˬ heu jeuˬ-aˬ, aˬ yawꞈ maꞈ bi caw teh-eu gʼaˇ duˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ dawˬ ma saˇ jaˇ-ahˇ puiˬ-eu nga. Aˬ jeˬ miˇ neh ehˇ naˇ, ngaˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-a.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.