2 Saˬmeuˬlaˆ 23:9 - Akha

⁹ Tsawˇ myahˇ doˆ dui dui-eu yehˇ smˇ gʼaˬ laꞈ kʼoeˇ, nyiˬ gʼaˬ tiˬ gʼaˬ-aˬ, Aˬhawˇ aˇ jeuˬ Doˇdoˬ-euˬ aˬ li Eˇlaˬzaˬ meh. Tiˬ nah-aˬ, guiˇ deuˆ-eu lehˇ uiˬ leˇ taˬ-euˬ Piˇliˇtiˆ tsawˇ haˬ deuˬ-ahˇ, Daˬbiˇ aˬ yawꞈ nyaꞈ deuˆ ceh ceh-euˬ meh. Iˇsaˬleˬlaˆ tsawˇ haˬ deuˬ guiˇ deuˆ smˬ-awˇ cehˆ jiˇ-euˬ meh.

2 Saˬmeuˬlaˆ 23:9 Σταυροειδείς Αναφορές

1 Laˬsaˬbaˬ 27:4

Ba la nyiˬ siˬ tiˬ siˬ-ahˇ gaˇ ya mˇ-eu deuˬ kʼoeˇ taˆ aˬ yuiꞈ geuꞈ-eu gʼaˬ-aˬ, Aˬhawˇhiˇ aˇ jeuˬ Doˇdaiˇ meh. Aˬ yawꞈ-euˬ laꞈ oˆ teˬ ni gʼeh-eu gʼaˬ-aˬ, Miˇkaˬlawˆ meh. Aˬ yawꞈ-euˬ aˇ muˇ zaˬ nyiˬ muiˇ oeˬ heˇ gʼaˬ byah-eu meh.

1 Laˬsaˬbaˬ 8:4

Aˬbiˇshahˬ, Neˬmaˬ, Aˬhawˇyaˆ,

Dawˬ tsoˆ 4:12

Tiˬ gʼaˬ tehꞈ-ahˇ dawꞈ gʼaˬ nya kʼawꞈ, nyiˬ gʼaˬ gm gaˇ maˬ dawꞈ gʼaˬ nya-a. Aˇ caˆ smˬ caˆ yeuꞈ taˬ-eu caˆ yeuꞈ-ahˇ maˬ gʼeu tsehˆ coeˇ-a.

Iˇsaˬyaˇ 63:3

Sahˬpaˬ Miˬyehˇ ehˇ kʼoꞈ-eu dawˬ heu loꞈ-ehˇ meh. “Miˇ kʼahˬ tsawˇ jeuˬ heu myaˆ ni-ahˇ, aˬ gaꞈ aˇ siˬ nawˬ-eu loꞈ-ehˇ, ngaˇ tiˬ gʼaˬ tehꞈ-ehˇ nawˬ-euˬ ma. Aˬ yawꞈ maꞈ-ahˇ nui ma pehˇ-awˇ nawˬ-euˬ miˇ neh, aˬ yawꞈ maꞈ-euˬ shiˬ teuˆ lehꞈ-awˇ, ngaˬ-euˬ mehˬ tsoeˬ neˇ tseuˆ ni gʼeh-eu meh.

Iˇsaˬyaˇ 63:5

Ngaˬ-ahˇ caw ba le-eu tsawˇ haˬ maˬ jawˇ-eu siˬ laˇ ngeh, zahˬ leˇ dui dui-euˬ ma. Ehˇ kʼawꞈ, nui pehˇ baˬ da gʼaˬ ahˇ laˇ-awˇ, ngaˇ tehꞈ-ehˇ kʼawꞈ gʼaˬ leˇ-euˬ ma.

Maˬkuˆ 14:50

Kʼoeˇ ngeh, zaˬ lahˇ dawˬ tawˆ luꞈ aˬ yawꞈ-ahˇ byehˇ dzeh yaꞈ-awˇ cehˆ jiˇ-euˬ meh.

1 Saˬmeuˬlaˆ 17:10

Ngaˬ nehˬ-ehˇ deuˆ ceh ceh peuˬ-eu tsawˇ haˬ tiˬ gʼaˬ, iˬ nah tseˇ doˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ kuˇ-eu ma.”

1 Saˬmeuˬlaˆ 17:26

Aˬ yawꞈ dawˬ peh jawˇ-eu deuˬ-ahˇ Daˬbiˇ naˇ haˬ-eu, “Tsawˇ haˬ heu gʼaˬ-ahˇ sehꞈ-awˇ, Iˇsaˬleˬlaˆ miˇ kʼahˬ-ahˇ noeˬ shaˬ noeˬ zahˬ-eu jeˬ laꞈ kʼoeˇ neh ka kʼoꞈ nehˬ nya-eu gʼaˬ aˬ jeˬ laꞈ sawˬ za meh ehˇ ta lehˇ. Dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ paˬ-ehˇ, Miˬyehˇ-ahˇ maˬ siˬ nya-eu teu loꞈ-ehˇ gʼeh-eu lawˇ ciꞈ ciꞈ kʼaˆ pyeuꞈ-eu Piˇliˇtiˆ tsawˇ haˬ teu gʼaˬ aˬ pa jeˬ-a.”

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.