2 Saˬmeuˬlaˆ 23:4 - Akha

⁴ kʼahˬ zaˬ deh zaˬ deuˬ-euˬ kʼoeˇ taˆ, uˬ shaw yaw shehꞈ bya gaˇ duˇ meh. Juˬ kʼoeˬ maˬ tmˬ-eu uˬ shawˬ paw, nahˇ ma gʼa doˆ laˇ gaˇ duˇ-awˇ, Yaˇ moꞈ dehꞈ doˆ laˇ ni oe-eu, uˬ yehˇ tiˬ bahˬ-ahˇ duˇ-eu meh.”

2 Saˬmeuˬlaˆ 23:4 Σταυροειδείς Αναφορές

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Jaceuq 72:6

Sahˬ paˬ gʼaˬ deh ga-ahˇ yehˇ le-eu uˬ yehˇ-ahˇ duˇ luꞈ-uˇ. Miˇ tsaˬ-ahˇ yehˇ shehˬ le-eu uˬ yehˇ-ahˇ duˇ luꞈ-uˇ.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 18:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nahˇ ma yaw shehꞈ laꞈ kʼoeˇ ahˇ-eu nahˇ tsaˇ hawˇ-eu, nahˇ tsaˇ tsoꞈ gaˇ cehˇ diˬ luꞈ ngeh jaˆ-eu ceuˬ ahˇ-eu mˬ dmˇ loꞈ-ehˇ, mˬ taˆ ngaˬ-euˬ jawˇ duˬ-ahˇ ngaˇ jawˇ-awˇ, ciˬ cuˇ ni haw luꞈ ma.

Iˇsaˬyaˇ 4:2

Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Iˇsaˬyaˇ 60:3

Miˇ tsaˬ tsawˇ jeuˬ dawˬ tawˆ nawˬ-euˬ yaw shehꞈ jaˆ gaˇ laˇ-awˇ, miˇ tsaˬ sahˬ paˬ dawˬ tawˆ luꞈ kʼawꞈ, nawˬ-euˬ yaw shehꞈ uˬ bya bya le gaˇ laˇ tehꞈ-a.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

Miˇkaˬ 5:7

Dzeˇ yaꞈ-euˬ Iˇsaˬleˬlaˆ tsawˇ haˬ deuˬ-aˬ, tsawˇ jeuˬ gʼawˬ mya jeuˬ gʼaˇ duˬ gʼaˬ bi ahˇ laˇ-eu lehˇ Sahˬpaˬ Miˬyehˇ neh pyehˬ gʼeh leꞈ-euˬ ngehˇ hawˇ-eu, aˇ bawˬ bi mehˇ laˇ-eu lehˇ bi yehˇ shehˬ le-euˬ uˬ yehˇ-ahˇ duˇ-eu meh. Tsawˇ haˬ zaˬ-ahˇ aˬ yawꞈ maꞈ maˬ gʼoe ni Miˬyehˇ-ahˇ gʼoe tehꞈ-a.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Yoˇhaˬ 1:7

Tsawˇ haˬ dawˬ tawˆ luꞈ ya gaˬ-awˇ jah laˇ ni, yaw shehꞈ kʼoeˇ-euˬ gaˇ kawˆ aˬ yawꞈ saˇ kiˇ kamˬ le-euˬ meh.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

Yaˇ kʼaˬ daˇ 5:31

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ dawˬ tawˆ luꞈ, kʼoeˇ loꞈ-ehˇ shiˇ luꞈ-uˇ. Ehˇ kʼawꞈ, nawˬ-eu cawˬ deuˬ-aˬ, doˆ laˇ luꞈ-eu nahˇ ma loꞈ-ehˇ bya luꞈ-uˇ.” Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.