2 Saˬmeuˬlaˆ 23:20 - Akha

²⁰ Kaˬzeˬlaˇ meuˬ-ahˇ jawˇ-eu Yeˬhawˇ yaˬdaˬ-euˬ aˬ li Baˬnaˇyaˬ kʼawꞈ, tsawˇ myahˇ doˆ-eu yehˇ tiˬ gʼaˬ pyeuꞈ-eu meh. Tsawˇ myahˇ doˆ-eu Mawˇbaˆ yehˇ nyiˬ gʼaˬ-ahˇ sehꞈ-euˬ poˆ gui ahˇ-ehˇ, aˬ yawꞈ neh mˇ taˬ-euˬ ja ceuˬ paˬ-ehˇ gʼeh-eu gʼawˬ mya jeˬ jaˆ-eu meh. Tiˬ poˆ-aˬ, juˬ kʼoeˬ tmˬ-eu aˇ nah tiˬ nah-ahˇ, duˬ kʼahˬ tiˬ kʼahˬ-ahˇ aˬ yawꞈ uˇ-iˇ-awˇ, aˇ laˬ jaˬ shiˇ tiˬ mawˇ sehꞈ-euˬ meh.

2 Saˬmeuˬlaˆ 23:20 Σταυροειδείς Αναφορές

2 Saˬmeuˬlaˆ 1:23

Sawˇluˆ hawˇ-eu Yawˇnaˆshaˬ-ahˇ, gaˬ dui dui nya gʼoeˇ dui dui nya. Aˬ nyaꞈ dehꞈ ngeh maˬ gʼawˬ-iˇ-ehˇ, shiˇ ngeh kʼawꞈ maˬ gʼawˬ-iˇ kʼmˬ-aˇ. Kʼaˬ dzeˇ dzeˇ ma maˬ tseˇ kawˇ-awˇ, aˇ laˬ jaˬ shiˇ maˬ tseˇ kʼaˆ meh.

2 Saˬmeuˬlaˆ 20:23

Yoˇbaˬ-aˬ, Iˇsaˬleˬlaˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh. Yeˬhawˇyaˬdaˬ-euˬ aˬ li Baˬnaˇyaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh.

2 Saˬmeuˬlaˆ 23:19

Kʼoeˇ smˬ tseˇ gʼaˬ laꞈ kʼoeˇ, aˬ cawˬ naˆ maˬ tseˇ aˬ yawꞈ tsawˇ myahˇ doˆ dzehˬ-awˇ, aˬ yawꞈ maꞈ kʼoeˇ taˆ aˬ yuiꞈ geuꞈ-euˬ meh. Ehˇ kʼawꞈ, tsawˇ myahˇ doˆ-eu yehˇ kʼoeˇ smˇ gʼaˬ naˆ ni aˬ yawꞈ tsawˇ myahˇ maˬ huiˬ-a.

2 Saˬmeuˬlaˆ 23:21

Gahˬ baꞈ luꞈ-eu huiˬ dui dui-eu Iˇjiˇtuˆ tsawˇ haˬ tsawˇ ma tiˬ gʼaˬ-ahˇ kʼawꞈ, aˬ yawꞈ sehꞈ haw-euˬ meh. Kʼoeˇ ngeh poˆ aˬ yawꞈ-euˬ aˬ laꞈ-ahˇ daˇ kawˬ tiˬ kawˬ tehꞈ-ehˇ ahˇ kʼawꞈ, Iˇjiˇtuˆ tsawˇ haˬ kʼoeˇ gʼaˬ-euˬ gahˬ aˬ yawꞈ lu doˆ-awˇ, gahˬ kʼoeˇ neh sehꞈ nehˬ-euˬ meh.

2 Saˬmeuˬlaˆ 23:22

Heu-aˬ, tsawˇ myahˇ doˆ-eu yehˇ smˬ tseˇ gʼaˬ laꞈ kʼoeˇ ahˇ-eu Baˬnaˇyaˬ neh mˇ-euˬ, ja ceuˬ paˬ-ehˇ gʼeh-eu gaˇ deuˬ meh.

2 Saˬmeuˬlaˆ 8:18

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, Daˬbiˇ-euˬ aˬ li deuˬ-aˬ, piˇ ma geuꞈ-euˬ meh.

1 Sahˬpaˬ 1:26

Ehˇ kʼawꞈ, ngaˬ-ahˇ maˬ ehˇ, piˇ ma Zaˬdoˆ-ahˇ maˬ ehˇ, Baˬnaˇyaˬ-ahˇ maˬ ehˇ, Sawˇlaˬmoˬ-ahˇ maˬ ehˇ, aˬ yawꞈ maˬ kuˇ-a.

1 Sahˬpaˬ 1:38

Kʼoeˇ naˇ, piˇ ma Zaˬdoˆ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Yeˬhawˇyaˬdaˬ-euˬ aˬ li Baˬnaˇyaˬ hawˇ-eu, sahˬ paˬ-ahˇ loꞈ piˇ-eu guiˇ maꞈ deuˬ gʼeh-awˇ, Sawˇlaˬmoˬ-ahˇ sahˬ paˬ Daˬbiˇ-euˬ mahˬ shaˆ lawˬ bi dziˬ-awˇ, Giˇhoˬ lawˇ gawˆ-ahˇ sheuˬ gʼeh-euˬ meh.

1 Sahˬpaˬ 1:8

Ehˇ kʼawꞈ, piˇ ma Zaˬdoˆ, Yeˬhawˇyaˬdaˬ-euˬ aˬ li Baˬnaˇyaˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Naˬdaˬ, Shiˇmiˇ, Yeˬiˇ aˬ ha maꞈ hawˇ-eu, Daˬbiˇ-ahˇ loꞈ piˇ-eu deuˬ-aˬ, Aˬdawˇniˇyaˆ jawˇ paw maˬ pyawˬ-a.

1 Sahˬpaˬ 2:46

Kʼoeˇ naˇ, Baˬnaˇyaˬ-ahˇ sahˬ paˬ dawˬ biꞈ ngeh, Baˬnaˇyaˬ doˆ-iˇ-awˇ, Shiˇmiˇ-ahˇ sehꞈ-euˬ meh. Nymˬ-mˇ poˆ jawˇ, miˇ kʼahˬ kʼahˬ lah ni, Sawˇlaˬmo-euˬ aˬ laꞈ laꞈ kʼoeˇ ziꞈ dah ni jaˆ laˇ-euˬ meh.

1 Laˬsaˬbaˬ 12:8

Heu-aˬ, bawˇ tsahˬ bawˇ dahˇ kʼaˇ shuiꞈ deh yaˇ laꞈ kʼoeˇ Daˬbiˇ taˆ tsoˆ-awˇ jawˇ ngeh, aˬ yawꞈ-euˬ guiˇ maꞈ laꞈ kʼoeˇ uˇ le-euˬ, guiˇ deuˆ-eu nya dui dui-eu tsawˇ myahˇ doˆ-euˬ Gaˆ tsawˇ haˬ deuˬ meh. Aˬ yawꞈ maꞈ-aˬ, dehˬ daˬ duˬ hawˇ-eu gahˬ baꞈ-awˇ guiˇ deuˆ-eu nya dui dui-awˇ, aˇ laˬ jaˬ shiˇ loꞈ-ehˇ guˆ laˇ paˬ-ehˇ gʼeh-eu tsawˇ haˬ deuˬ pyeuꞈ-eu uˬ taꞈ, gawˬ jawˬ-ahˇ jawˇ-eu kʼaˬ tsehˆ loꞈ-ehˇ kawˇ dui dui-eu meh.

1 Laˬsaˬbaˬ 18:17

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, sahˬ paˬ Daˬbiˇ-euˬ aˬ li deuˬ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ geuꞈ-euˬ meh.

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

Yawˇshuˆ 15:21

Eˬdoˬ miˇ kaˬ dawˬ peh laꞈ oˆ paw jaˆ saˬ saˬ-eu aˬ yawꞈ maꞈ-euˬ meuˬ deuˬ-aˬ, Kaˬzeˬlaˇ meuˬ, Eˬdeuˬ meuˬ, Yaˬguˇ meuˬ,