2 Saˬmeuˬlaˆ 22:45 - Akha

⁴⁵ Aˬ cawˬ tsawˇ jeuˬ boeˇ miˬ siˬ kʼaˬ, ngaˬ-euˬ gaˇ kawˆ naˬ gaˬ leˇ ngeh, ngaˬ-euˬ mehˬ shi awˆ byaˆ le-awˇ, ngaˬ-euˬ ehˇ dawˬ naˇ haˬ-eu meh.

2 Saˬmeuˬlaˆ 22:45 Σταυροειδείς Αναφορές

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 81:15

Ngaˬ-ahˇ bye-eu tsawˇ haˬ deuˬ ngaˬ-euˬ mehˬ shi ya awˆ byaˆ-awˇ, mˬ maˬ maˬ byaˆ zaˇ ziˇ kʼehˬ nehˬ kʼaˆ nehˬ ma.

Iˇsaˬyaˇ 56:3

Sahˬpaˬ Miˬyehˇ-euˬ tsawˇ haˬ deuˬ jawˇ gaˇ, jawˇ ahˇ laˇ-euˬ boeˇ miˬ siˬ kʼaˬ deuˬ-euˬ kʼaˬ meh, “Sahˬpaˬ Miˬyehˇ-euˬ aˇ maꞈ aˇ muˇ laꞈ kʼoeˇ, ngaˬ-ahˇ aˬ diˇ teh dzeh nehˬ laꞈ tehꞈ-a” lehˇ taˬ bi ehˇ. Aˇ caˆ pyehˆ gʼaˬ-euˬ kʼaˬ dzeˇ zaˬ deuˬ kʼawꞈ, “Zaˬ maˬ jawˇ le nya-eu miˇ neh, aˇ bawˇ baw guˇ-ahˇ duˇ leˇ-awˇ, Sahˬpaˬ Miˬyehˇ-euˬ tsawˇ haˬ deuˬ-ahˇ maˬ taꞈ nya-a” lehˇ taˬ bi ngehˬ.

Iˇsaˬyaˇ 56:6

Boeˇ miˬ siˬ kʼaˬ deuˬ Sahˬpaˬ Miˬyehˇ-euˬ gaˇ mˇ-awˇ, aˬ yawꞈ-euˬ tsawˇ myahˇ-ahˇ gaˬ-eu laꞈ kʼoeˇ, aˬ yawꞈ-ahˇ uˬ duˬ tahˬ luꞈ-eu uˬ taꞈ, jawˇ nah-ahˇ maˬ laˆ jawꞈ ni lah daw-awˇ, Sahˬpaˬ Miˬyehˇ-euˬ dawˬ ma saˇ jaˇ-ahˇ ziꞈ-eu, Sahˬpaˬ Miˬyehˇ jawˇ paw pyawˬ-eu tsawˇ haˬ deuˬ-ahˇ,

Gʼaˬkʼehˇ 8:13

Siˇmoˬ kʼoeˇ gʼaˬ kʼawꞈ jah laˇ-awˇ, iˇ cuꞈ shawˇ-awˇ Piˇliˇpuˆ-ahˇ maˬ gʼawˬ-iˇ ni jawˇ-euˬ meh. Kʼaˆ jeˬ-ehˇ gʼeh-eu jeˬ hawˇ-eu zahˬ leˇpaˬ-ehˇ gʼeh-eu jeˬ mˇ gaˇ aˬ yawꞈ ya mawˇ ngeh, zahˬ dui dui leˇ-euˬ meh.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.