2 Saˬmeuˬlaˆ 22:32 - Akha

³² Sahˬpaˬ Miˬyehˇ gʼaˬ maˬ ngeuˇ-ehˇ, Miˬyehˇ nui gʼaˬ aˬ gaˇ jawˇ ta. Aˬ dui-euˬ Miˬyehˇ maˬ ngeuˇ-ehˇ, lo guˇ tiˬ tsahˇ aˬ gaˇ jaˆ ta.

2 Saˬmeuˬlaˆ 22:32 Σταυροειδείς Αναφορές

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

2 Saˬmeuˬlaˆ 7:22

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ-aˬ, huiˬ dui mahˇ dui dui-eu meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ nya-euˬ ma.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Iˇsaˬyaˇ 44:8

Ngaˬ-euˬ tsawˇ haˬ-oˇ, nawˇ taˬ guˆ. Aˇ hu ba neh iˬ nah keuˆ ni kʼaˇ pyeuꞈ laˇ-euˬ jeˬ-ahˇ, ngaˬ neh ehˇ tsehˆ taˬ-euˬ nawˇ siˬ nya-awˇ, nawˇ saˇ kiˇ pyeuꞈ-eu meh. Miˬ yehˇ nui gʼaˬ jawˇ ta siˬ loˇ. Ngaˇ maˬ gaˬ haw-euˬ baoˬ huiˬ-eu miˬ yehˇ nui gʼaˬ paˇ jawˇ ta loˇ.”

Iˇsaˬyaˇ 45:21

Naw maꞈ gaˇ kawˆ ja duˬ laˇ sheˇ. Tiˬ kawˆ loꞈ-ehˇ bawˬ dzaˬ-awˇ ja duˬ sheˇ. Mehˬ hu paw pyeuꞈ laˇ-eu gaˇ kawˆ deuˬ-ahˇ, aˇ hu ba neh ehˇ jiˇ taˬ-euˬ aˬ suˇ gʼaˬ-aˬ. Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu Miˬyehˇ pyeuꞈ-eu, ngaˇ Sahˬpaˬ Miˬyehˇ neh ehˇ jiˇ taˬ-euˬ maˬ ngeuˇ-a loˇ. Miˬ yehˇ nui gʼaˬ aˬ gaˇ jawˇ ta.

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Dawˬmehˬ 32:31

Muiˇ-eu deuˬ-euˬ miˬ yehˇ kʼoeˇ deuˬ, Iˇsaˬleˬlaˆ Miˬyehˇ naˆ ni, baoˬ maˬ ahˇ-ehˇ gʼaˬ maˬ kʼaˆ-eu, muiˇ-eu deuˬ siˬ duˬ taˬ-euˬ meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.