2 Saˬmeuˬlaˆ 22:1 - Akha

¹ Sawˇluˆ-euˬ aˬ laꞈ laꞈ kʼoeˇ hawˇ-eu, muiˇ-eu tsawˇ haˬ nui deuˬ-euˬ aˬ laꞈ laꞈ kʼoeˇ Daˬbiˇ-ahˇ Sahˬpaˬ Miˬyehˇ ka kʼoꞈ nehˬ ngeh, Sahˬpaˬ Miˬyehˇ-ahˇ caˇ dawˬ heu bymˇ Daˬbiˇ caˇ nehˬ-euˬ meh.

2 Saˬmeuˬlaˆ 22:1 Σταυροειδείς Αναφορές

2 Saˬmeuˬlaˆ 12:7

Daˬbiˇ-ahˇ Naˬdaˬ ehˇ nehˬ-eu, “Tsawˇ haˬ kʼoeˇ gʼaˬ nawˇ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Iˇsaˬleˬlaˆ tsawˇ jeuˬ kʼoeˇ taˆ ngaˇ nawˬ-ahˇ sahˬ paˬ ka nehˬ-awˇ, Sawˇluˆ-euˬ aˬ laꞈ laꞈ kʼoeˇ nawˬ-ahˇ ka kʼoꞈ taˬ-euˬ ma.

2 Saˬmeuˬlaˆ 22:49

Muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ ngaˬ-ahˇ gʼeu doˆ-euˬ meh. Ngaˬ-ahˇ muiˇ-eu deuˬ-euˬ kʼoeˇ taˆ, nawˇ ngaˬ-ahˇ ciˬ huiˬ laꞈ-euˬ meh. Yaw haiˬ mˇ-eu deuˬ-euˬ laꞈ-ahˇ, nawˇ ngaˬ-ahˇ ka kʼoꞈ laꞈ-euˬ meh.

1 Laˬsaˬbaˬ 16:7

Kʼoeˇ ngeh nah, Aˬsaˆ hawˇ-eu aˬ yawꞈ-euˬ tsawˇ jeuˬ Leˬbiˇ tsawˇ haˬ kʼoeˇ deuˬ-ahˇ, Daˬbiˇ neh Sahˬpaˬ Miˬyehˇ-ahˇ ja ceuˬ-eu caˇ dawˬ bi caˇ beh beh-euˬ meh.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Doˆ-iˇ 15:1

Kʼoeˇ naˇ, Moˇseˬ hawˇ-eu Iˇsaˬleˬlaˆ tsawˇ haˬ deuˬ, caˇ dawˬ heu bymˇ caˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. “Sahˬpaˬ Miˬyehˇ-aˬ, baoˬ yaw shehꞈ kʼahˬ sehˇ huiˬ-awˇ guiˇ deuˆ gʼaˬ-euˬ miˇ neh, aˬ yawꞈ-ahˇ ngaˇ ja ceuˬ ma. Mahˬ kʼoeˇ deuˬ hawˇ-eu mahˬ dziˬ-eu tsawˇ haˬ deuˬ-ahˇ iˬ ma laˆ shaˆ laꞈ kʼoeˇ aˬ yawꞈ biˬ puꞈ jiˇ-euˬ meh.

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

Dawˬmehˬ 31:30

Kʼoeˇ naˇ, Iˇsaˬleˬlaˆ tsawˇ haˬ deuˬ naˇ haˬ luꞈ ngeh, caˇ dawˬ heu bymˇ bymˇ lah ni Moˇseˬ caˇ mehˬ nehˬ-euˬ meh.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Yaˇ kʼaˬ daˇ 5:1

Kʼoeˇ ngeh nah, Diˬboˇlaˬ hawˇ-eu Aˬbiˇnamˬ-euˬ aˬ li Baˬyehˇ aˬ nyaꞈ caˇ dawˬ heu bymˇ caˇ-euˬ meh.

1 Saˬmeuˬlaˆ 23:14

Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, gawˬ jawˬ gawˬ duˇ-ahˇ Daˬbiˇ cehˆ zaꞈ-awˇ jawˇ-euˬ meh. Kʼoeˇ ngeh, aˬ yawꞈ-ahˇ poˆ mawˇ-eu gʼaˇ duˬ, Sawˇluˆ maˬ naˬ leˇ ni leh jeh luꞈ-eu meh. Ehˇ kʼawꞈ, Miˬyehˇ aˬ yawꞈ-ahˇ Sawˇluˆ-euˬ aˬ laꞈ laꞈ kʼoeˇ maˬ a nehˬ-a.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”

1 Saˬmeuˬlaˆ 25:29

Tsawˇ haˬ tiˬ gʼaˬ na nawˬ-ahˇ guiˇ deuˆ le-awˇ, nawˬ-ahˇ sehꞈ-eu lehˇ leh jeh ngeh, aˇ poeˬ kʼaˆ-eu pyuˇ shuiˇ myawˬ gahˬ-ahˇ aˬ cawˬ haw piˇ-eu loꞈ-ehˇ, Sahˬpaˬ Miˬyehˇ nawˬ-ahˇ haw piˇ nehˬ laꞈ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kʼawꞈ, caˬ oeˬ neh bi beuˆ byoˆ gʼeh-euˬ caˬ oeˬ miˬ siˬ loꞈ-ehˇ, Sahˬpaˬ Miˬyehˇ neh bi beuˆ byoˆ tehꞈ-a.

1 Saˬmeuˬlaˆ 26:24

Iˬ nah ngaˇ nawˬ-ahˇ maˬ sehꞈ ni bi dzeuˇ-iˇ-euˬ loꞈ-ehˇ, ngaˬ-ahˇ kʼawꞈ Sahˬpaˬ Miˬyehˇ kʼoeˇ loꞈ-ehˇ jahˇ nehˬ laꞈ-awˇ, shaˬ-eu zahˬ-eu jeˬ laꞈ kʼoeˇ bi buˬ-iˇ laꞈ luꞈ-uˇ”

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”