2 Saˬmeuˬlaˆ 21:7 - Akha

⁷ Ehˇ kʼawꞈ, Yawˇnaˆshaˬ-euˬ aˬ li pyeuꞈ-eu Sawˇluˆ-euˬ oeˬ paˬ Meˬpiˇbawˇshehˆ gʼaˬ-ahˇ Daˬbiˇ bi dzeuˇ-iˇ-euˬ meh. Aˬ jeˬ miˇ neh ehˇ naˇ, Yawˇnaˆshaˬ aˬ yawꞈ nyaꞈ yaw kaˬ muiˬ-eu shawˇ-eu saˇ jaˇ dzaˬ taˬ-eu jaˆ-eu meh.

2 Saˬmeuˬlaˆ 21:7 Σταυροειδείς Αναφορές

2 Saˬmeuˬlaˆ 16:4

Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”

2 Saˬmeuˬlaˆ 19:25

Sahˬ paˬ-ahˇ tahˬ puˬ le-eu lehˇ, Yeˬluˇsaˬlehˬ meuˬ-ahˇ neh Meˬpiˇbawˇshehˆ oe keuˆ ngeh, “Meˬpiˇbawˇshehˆ-oˇ, aˬ jeˬ miˇ neh ngaˬ-euˬ mehˬ nah nawˇ maˬ caw teh le teˬ” lehˇ, aˬ yawꞈ-ahˇ sahˬ paˬ naˇ haˬ-euˬ meh.

2 Saˬmeuˬlaˆ 4:4

Sawˇluˆ-euˬ aˬ li Yawˇnaˆshaˬ o neh aˬ li tiˬ li jawˇ yaꞈ-euˬ meh. Aˬ li kʼoeˇ li-aˬ, kuiˇ shiˇ shiˇ-eu tsawˇ haˬ meh. Sawˇluˆ hawˇ-eu Yawˇnaˆshaˬ aˬ nyaꞈ da zaˬ shiˇ-euˬ gaˇ kawˆ Yeˬzaˬleˬlaˇ meuˬ-ahˇ gaˬ keuˆ laˇ ngeh, aˬ yawꞈ-euˬ aˇ kʼoꞈ ngaˬ kʼoꞈ byah-eu meh. Kʼoeˇ ngeh, aˬ yawꞈ-ahˇ haw-eu zaˬ miˬ zaˬ gʼaˬ neh, aˬ yawꞈ-ahˇ ciˬ-awˇ cehˆ-euˬ meh. Ehˇ kʼawꞈ, tehˬ law tsaˇ law-ehˇ cehˆ-euˬ miˇ neh bi ga ka-awˇ, aˬ kuiˇ kuiˇ shiˇ ga shiˇ-euˬ meh. Aˬ yawꞈ-euˬ tsawˇ myahˇ-aˬ, Meˬpiˇbawˇshehˆ meh.

2 Saˬmeuˬlaˆ 9:1

Tiˬ nah keuˆ laˇ ngeh, Daˬbiˇ heu loꞈ-ehˇ ehˇ-eu meh. “Sawˇluˆ-euˬ nymˇ jiˇ laꞈ kʼoeˇ tsawˇ haˬ tiˬ gʼaˬ na dzeˇ-a siˬ loˇ. Dzeˇ lawˬ naˇ, Yawˇnaˆshaˬ-ahˇ ngaˇ noeˬ keuˆ-awˇ, tsawˇ haˬ kʼoeˇ gʼaˬ-ahˇ ngaˇ gʼawˬ shaˬ gaˬ nehˬ ma.”

2 Saˬmeuˬlaˆ 9:10

Nawˇ hawˇ-eu nawˬ-euˬ aˬ li deuˬ maˬ ehˇ, nawˬ-euˬ zaˬ kʼaˆ deuˬ maˬ ehˇ, nawˬ-euˬ sahˬ paˬ Sawˇluˆ-euˬ deh yaˇ mˇ-awˇ, aˬ yawꞈ-euˬ oeˬ paˬ-euˬ nymˇ jiˇ ya dzaˬ ya dawˇ ni cehˇ tawˬ ahˇ nehˬ-awˬ. Ehˇ kʼawꞈ, Meˬpiˇbawˇshehˆ gʼaˬ-aˬ, aˬ myah luꞈ ngaˬ nehˬ-ehˇ ya dzaˬ ya dawˇ tehꞈ-a.” (Ziˇbaˬ-aˬ, aˬ li tseˇ nyiꞈ li jawˇ-awˇ, zaˬ kʼaˆ nyiˬ tseˇ gʼaˬ jawˇ-eu meh.)

2 Saˬmeuˬlaˆ 9:6

Sawˇluˆ-euˬ aˬ li Yawˇnaˆshaˬ-euˬ aˬ li Meˬpiˇbawˇshehˆ laˇ keuˆ-awˇ, Daˬbiˇ-euˬ mehˬ shi awˆ byaˆ-awˇ yaw zeu baw nehˬ-euˬ meh. “Nawˇ Meˬpiˇbawˇshehˆ ma loˇ” lehˇ Daˬbiˇ naˇ haˬ ngeh, “Ngeuˇ ma” lehˇ aˬ yawꞈ ehˇ-eu meh.

2 Saˬmeuˬlaˆ 9:7

Daˬbiˇ ehˇ-eu, “Taˬ guˆ. Nawˬ da Yawˇnaˆshaˬ baˬ da neh ngaˇ nawˬ-ahˇ gʼawˬ shaˬ gaˬ nehˬ ma. Nawˬ bawˇ Sawˇluˆ-euˬ miˇ tsaˬ dawˬ tawˆ luꞈ nawˬ-ahˇ ngaˇ biꞈ kʼoꞈ-awˇ, nawˇ ngaˬ nehˬ-ehˇ aˬ myah luꞈ ya dzaˬ ya dawˇ taꞈ tehꞈ-a.”

Dawˬ tsoˆ 8:2

Sahˬ paˬ-euˬ ehˇ dawˬ naˇ haˬ-awˬ. Maˬ shaˇ noeˬ ni Miˬyehˇ-ahˇ saˇ jaˇ dzaˬ-eu taˬ tehˬ.

1 Saˬmeuˬlaˆ 18:3

Yawˇnaˆshaˬ-aˬ, maˬ shiˇ tiˬ ziˇ Daˬbiˇ nehˬ-ehˇ cawˬ cawˬ daˆ leꞈ-eu gʼaˇ duˬ saˇ jaˇ dzaˬ-euˬ meh. Aˬ jeˬ miˇ neh ehˇ naˇ, Daˬbiˇ-ahˇ aˬ yawꞈ nui kʼahˇ shiˇ dui dui-eu meh.

1 Saˬmeuˬlaˆ 20:12

Daˬbiˇ-ahˇ Yawˇnaˆshaˬ ehˇ nehˬ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ aˇ nyaꞈ yaw kaˬ-ahˇ tsawˇ kaˬ geuꞈ luꞈ-uˇ. Ni shawˬ hawˇ-eu saˇ pehˬ nah laꞈ kʼoeˇ, ngaˬ da-ahˇ ngaˇ naˇ haˬ ma. Aˬ yawꞈ nawˬ-euˬ kʼoeˇ taˆ nui ma taˬ-eu yaw muiˬ naˇ, gaˇ kawˆ kʼoeˇ nawˇ jawˇ gaˇ ngaˇ bi gaˬ keuˆ le ma.

1 Saˬmeuˬlaˆ 20:15

ngaˬ-euˬ nymˇ jiˇ-ahˇ, maˬ shiˇ tiˬ ziˇ nawˇ saˇ jaˇ ziꞈ-awˬ. Nawˬ-ahˇ muiˇ-eu tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ jiˇ ngeh,

1 Saˬmeuˬlaˆ 20:17

Yawˇnaˆshaˬ-ahˇ Daˬbiˇ gaˬ ni, Yawˇ naˆshaˬ neh Daˬbiˇ-ahˇ saˇ jaˇ paˇ bi dzaˬ poˆ-euˬ meh. Aˬ jeˬ miˇ neh ehˇ naˇ, Yawˇnaˆshaˬ-aˬ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-eu meh.

1 Saˬmeuˬlaˆ 20:42

Kʼoeˇ naˇ, Yawˇnaˆshaˬ Daˬbiˇ-ahˇ ehˇ nehˬ-eu, “Miˬyehˇ nawˬ nehˬ-ehˇ jawˇ luꞈ-uˇ. Aˇ nyaꞈ neh dzaˬ taˬ-euˬ muiˬ-eu shawˇ-eu saˇ jaˇ-ahˇ, nawˬ-euˬ zaˬ deuˬ uˆ deuˬ hawˇ-eu ngaˬ-euˬ zaˬ deuˬ uˆ deuˬ maˬ ehˇ, mˬ maˬ maˬ byaˆ zaˇ ziˇ ziꞈ ni, Sahˬpaˬ Miˬyehˇ saˇ kiˇ geuꞈ luꞈ-uˇ.” Kʼoeˇ naˇ, Daˬbiˇ doˆ-iˇ-awˇ, Yawˇnaˆshaˬ meuˬ-ahˇ gʼoꞈ-iˇ-euˬ meh.

1 Saˬmeuˬlaˆ 20:8

Nawˬ neh ngaˬ nehˬ-ehˇ dzaˬ taˬ-euˬ muiˬ-eu shawˇ-eu saˇ jaˇ-ahˇ nawˇ ziꞈ-eu laꞈ kʼoeˇ, ngaˬ-ahˇ kʼoeˇ loꞈ-ehˇ tiˬ poˆ caw ba nehˬ laꞈ-awˬ. Ehˇ kʼawꞈ, ngaˇ iˬ baˇ ahˇ-eu ngeuˇ naˇ, nawˇ ngaˬ-ahˇ sehꞈ-awˬ. Nawˬ da neh ngaˬ-ahˇ bi sehꞈ-eu gʼaˇ duˬ, nawˇ ngaˬ-ahˇ nawˬ da jawˇ gaˇ sheuˬ gʼeh sheuˬ gʼeh-ehˇ jeuˬ-eu maˬ loˬ-aˇ.”

1 Saˬmeuˬlaˆ 23:18

Aˬ yawꞈ nyaꞈ tiˬ gʼaˬ tiˇ gʼaˬ maˬ byehˇ ni cawˬ cawˬ taꞈ-eu gʼaˇ duˬ, muiˬ-eu shawˇ-eu saˇ jaˇ dzaˬ taꞈ-euˬ meh. Kʼoeˇ naˇ, Daˬbiˇ gʼaˬ Hawˇlehˆ-ahˇ jawˇ yaꞈ-awˇ, Yawˇnaˆshaˬ gʼaˬ gʼoꞈ ka-iˇ-euˬ meh.

1 Saˬmeuˬlaˆ 24:22

Kʼoeˇ ngeh, Sawˇluˆ nehˬ-ehˇ Daˬbiˇ saˇ jaˇ dzaˬ-euˬ meh. Kʼoeˇ naˇ, Sawˇluˆ gʼoꞈ-iˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ kʼawꞈ, ziꞈ dah ni gʼeh-eu dzuˇ zaꞈ duˬ-ahˇ gʼoꞈ leˇ-euˬ meh.