2 Saˬmeuˬlaˆ 21:6 - Akha

⁶ Kʼoeˇ miˇ neh, aˬ yawꞈ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ shiꞈ gʼaˬ nga maꞈ-ahˇ a nehˬ laꞈ-awˬ. Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu Sawˇluˆ jawˇ-euˬ Giˇbyoˬ meuˬ-ahˇ, Sahˬpaˬ Miˬyehˇ mehˬ shi aˬ yawꞈ maꞈ-ahˇ nga maꞈ paꞈ gʼeu sehꞈ ma.” Sahˬ paˬ ehˇ-eu, “Aˬ yawꞈ maꞈ-ahˇ naw maꞈ-euˬ aˬ laꞈ laꞈ kʼoeˇ ngaˇ a nehˬ-eu ma.”

2 Saˬmeuˬlaˆ 21:6 Σταυροειδείς Αναφορές

Aˇ dahˬ 40:19

Smˬ nah laꞈ kʼoeˇ, sahˬ paˬ nawˬ-ahˇ pyehˬ doˆ-awˇ, nawˬ-euˬ uˬ duˬ toˆ tsehˆ-awˇ, nawˬ-euˬ gʼawˇ mawˇ-ahˇ aˇ bawˇ tiˬ bawˇ kʼoeˇ taˆ paꞈ gʼeu taˬ tehꞈ-a. Kʼoeˇ ngeh, aˇ jiˇ deuˬ oe-awˇ, nawˬ-euˬ shaˬ jiˇ-ahˇ toˆ dzaˬ tehꞈ-a.”

Aˇ dahˬ 40:22

Ehˇ kʼawꞈ, kaˬ muˇ jahˇ-eu gʼaˬ-ahˇ-aˬ, bi sehꞈ-euˬ meh. Yawˬ jeˬ na luꞈ Yoˇsehˆ neh ehˇ taˬ-euˬ loꞈ-ehˇ pyeuꞈ laˇ-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

2 Saˬmeuˬlaˆ 18:10

Daˬbiˇ-euˬ tsawˇ haˬ tiˬ gʼaˬ Yoˇbaˬ jawˇ gaˇ iˇ-awˇ, “Aˬbaˇsaˬloˬ tsuiꞈ kaˆ aˇ bawˇ-ahˇ ngeuˬ luꞈ-eu ngaˇ mawˇ yaꞈ-euˬ ma” lehˇ ehˇ nehˬ-euˬ meh.

2 Saˬmeuˬlaˆ 19:28

Ngaˬ da-euˬ nymˇ kʼahˬ zaˬ dawˬ tawˆ luꞈ nawˬ-euˬ mehˬ shi ya shiˇ jiˇ paˬ-ehˇ tsaˬ laˇ ngeh, nawˬ-euˬ hawˬ jeh-ahˇ nawˬ nehˬ-ehˇ ya dzaˬ ya dawˇ taꞈ-eu guiˬ lahˬ, nawˇ ngaˬ-ahˇ biꞈ laꞈ-euˬ meh. Kʼoeˇ uˬ taꞈ, nawˬ-ahˇ ngaˇ aˬ geu jeˬ paˇ shaˇ kʼmˬ nmˇ.”

1 Laˬsaˬbaˬ 12:3

Aˬ yawꞈ maꞈ kʼoeˇ taˆ uˆ lahˇ-eu gʼaˬ-aˬ, Giˇbyaˬ meuˬ-ahˇ jawˇ-eu Sheˬmawˬ-euˬ aˬ li Aˬheˇzaˬ hawˇ-eu Yawˇshaˆ aˬ nyaꞈ nmˇ meh. Yehˇ deuˬ-aˬ, Aˬzaˇmaˬbehˇ-euˬ aˬ li Yeˬzeˬlaˇ hawˇ-eu Peˬlehˆ, Aˬnaˬtawˇ meuˬ-ahˇ jawˇ-eu Beˬlaˬkaˬ hawˇ-eu Yeˬhuˇ, Tsawˇ myahˇ doˆ-eu “Yehˇ smˬ tseˇ gʼaˬ” laꞈ kʼoeˇ aˬ yuiꞈ tiˬ gʼaˬ pyeuꞈ-eu Giˇbyoˬ meuˬ-ahˇ jawˇ-eu Iˇshaˬmaˇyaˬ, Geˬdeˬlahˇ meuˬ-ahˇ jawˇ-eu Yeˬlaˬmiˇ, Yaˬhaˬzeˬlaˇ, Yoˇhaˬnaˬ, Yawˇzaˬbaˆ, Haˬliˇpaˬ meuˬ-ahˇ jawˇ-eu Eˬluˇzeˬ, Yeˬliˇmoˆ, Beˬliˇyaˬ, Sheˬmaˬliˇ, Sheˬpaˬtiˇ, Kawˇlaˆ aˇ jeuˬ Eˇlaˬkaˬnaˬ, Iˇshaˬyaˆ, Aˬzaˬyeˬlaˇ, Joeˬzeuˬ, Yaˬshawˇbamˬ, Geˬdawˬ meuˬ-ahˇ jawˇ-eu Yeˬhawˇlamˬ-euˬ aˬ li Joeˬlahˬ hawˇ-eu Zeˬbaˬdiˇ heu deuˬ meh.

Eˇzaˬlaˬ 6:11

Ngaˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ jawˇ naˇ, aˬ yawꞈ-euˬ nymˇ nyoeˇ ngawˬ kʼehꞈ-awˇ, daˇ ceh pyaꞈ ceh-awˇ, aˬ yawꞈ-euˬ gʼawˇ mawˇ-ahˇ daˇ siˇ siˇ byoe nehˬ-awˬ. Aˬ yawꞈ-euˬ nymˇ-ahˇ kʼawꞈ deh byaˆ-awˇ, aˬ nyoˬ ceˬ ceˬ bymˇ taˬ-euˬ loꞈ-ehˇ bi jaˆ-awˬ.

Maꞈtehˬ 27:5

Yuˇdaˆ-aˬ, pyuˇ maˇ byaˆ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ biˬ ahˇ yaꞈ-awˇ doˆ-iˇ-euˬ meh. Kʼoeˇ naˇ, yawˬ haˇ yawˬ ya paꞈ gʼeu sehꞈ-iˇ-euˬ meh.

Gʼaˬkʼehˇ 13:21

Kʼoeˇ naˇ, aˬ yawꞈ maꞈ sahˬ paˬ shaˇ ngeh, Miˬyehˇ neh a yawꞈ maꞈ-ahˇ Beˬyaˬmiˬ tsawˇ jeuˬ Giˇshaˆ-euˬ aˬ li Sawˇluˆ biꞈ nehˬ-awˇ, aˬ yawꞈ maꞈ kʼoeˇ taˆ sahˬ paˬ geuꞈ-awˇ oeˬ tseˇ kʼoꞈ bi uˆ lahˇ-euˬ meh.

Dawˬmehˬ 21:22

“Tsawˇ haˬ tiˬ gʼaˬ na yaw haiˬ jeˬ mˇ-euˬ miˇ neh, aˬ cawˬ neh bi sehꞈ-awˇ, aˬ yawꞈ-euˬ gʼawˇ mawˇ kʼawˇ zeuˇ-ahˇ paꞈ gʼeu-awˇ bi jaˆ ngeh,

Yawˇshuˆ 10:26

Kʼoeˇ naˇ, sahˬ paˬ kʼoeˇ deuˬ-ahˇ Yawˇshuˆ sehꞈ-awˇ, aˇ bawˇ ngaˬ bawˇ-ahˇ paꞈ gʼeu-awˇ, uˬ ciꞈ paw keuˆ ni bi ga gʼeu-euˬ meh.

Yawˇshuˆ 8:29

Aˬiˇ sahˬ paˬ-ahˇ, aˇ bawˇ tiˬ bawˇ-ahˇ aˬ yawꞈ paꞈ gʼeu sehꞈ nehˬ-awˇ, uˬ ciꞈ paw keuˆ ni kʼoeˇ loꞈ-ehˇ bi jaˆ-euˬ meh. Nahˇ ma ga ahˇ ngeh, “Shiˇ-euˬ sahˬ paˬ kʼoeˇ gʼaˬ-euˬ gʼawˇ mawˇ yuˇ gʼeh-awˬ” lehˇ Yawˇshuˆ dawˬ biꞈ-awˇ, meuˬ lahˇ laˇ gʼoˆ dawˬ peh baꞈ dzeh-awˇ bi jaˆ-euˬ meh. Kʼoeˇ-euˬ kʼoeˇ taˆ kʼaˬ lo lo bymˇ bymˇ ma aˬ yawꞈ maꞈ baꞈ bymˇ-awˇ, kʼaˬ lo lo bymˇ kʼoeˇ, iˬ nah keuˆ ni kʼoeˇ gaˇ jaˆ luꞈ-eu meh.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 10:24

Kʼoeˇ ngeh, “Heu-aˬ, Sahˬpaˬ Miˬyehˇ neh tseˇ doˆ-euˬ gʼaˬ meh. Aˬ dui laꞈ kʼoeˇ aˬ yawꞈ-ahˇ duˇ-eu tiˬ gʼaˬ-iˬ maˬ jawˇ-a” lehˇ, aˬ yawꞈ maꞈ-ahˇ Saˬmeuˬlaˆ ehˇ nehˬ-euˬ meh. Iˇsaˬleˬlaˆ tsawˇ haˬ dawˬ tawˆ luꞈ, “Sahˬ paˬ ziˇ baw ziˇ za luꞈ-uˇ” lehˇ guˇ-euˬ meh.

1 Saˬmeuˬlaˆ 10:26

Sawˇluˆ gʼeh Giˇbyaˬ meuˬ-ahˇ gʼoꞈ-iˇ-euˬ meh. Miˬyehˇ neh nui ma laˆ saˆ nehˬ-euˬ baoˬ ahˇ-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

1 Saˬmeuˬlaˆ 11:4

Dawˬ tsaꞈ tsaꞈ le-euˬ tsawˇ haˬ deuˬ, Sawˇluˆ jawˇ-eu Giˇbyaˬ meuˬ-ahˇ oe keuˆ-awˇ gaˇ kawˆ kʼoeˇ dzawˇ nehˬ ngeh, kʼoeˇ gaˇ jawˇ-eu tsawˇ haˬ deuˬ noeˬ shaˬ dui dui-eu laꞈ kʼoeˇ ngoeˇ-eu meh.

1 Saˬmeuˬlaˆ 24:21

Ehˇ kʼawꞈ, ngaˬ-euˬ tsawˇ myahˇ maˬ ehˇ, ngaˬ-euˬ nymˇ jiˇ-euˬ tsawˇ myahˇ maˬ ehˇ, maˬ ya bi byoˆ-iˇ-eu gʼaˇ duˬ, ngaˬ-euˬ zaˬ deuˬ uˆ deuˬ-ahˇ nawˇ maˬ sehꞈ ni taˬ nehˬ ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ ngaˬ-ahˇ saˇ jaˇ dzaˬ-awˬ.”

1 Saˬmeuˬlaˆ 24:22

Kʼoeˇ ngeh, Sawˇluˆ nehˬ-ehˇ Daˬbiˇ saˇ jaˇ dzaˬ-euˬ meh. Kʼoeˇ naˇ, Sawˇluˆ gʼoꞈ-iˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ kʼawꞈ, ziꞈ dah ni gʼeh-eu dzuˇ zaꞈ duˬ-ahˇ gʼoꞈ leˇ-euˬ meh.