2 Saˬmeuˬlaˆ 21:22 - Akha

²² Tsawˇ haˬ kʼoeˇ oeˬ gʼaˬ-aˬ, Gaˬdaˇ meuˬ-ahˇ jawˇ-eu huiˬ dui goˇ dui dui-eu tsawˇ haˬ deuˬ-euˬ zaˬ deuˬ uˆ deuˬ pyeuꞈ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ neh aˬ ha oeˬ gʼaˬ-ahˇ sehꞈ-euˬ meh.

2 Saˬmeuˬlaˆ 21:22 Σταυροειδείς Αναφορές

2 Saˬmeuˬlaˆ 21:16

Nyiˬ jawꞈ-i dzehˬ ni kah-eu guiˬ shuiˇ gahˬ baꞈ luꞈ-awˇ, mi cehˇ yaw shuiꞈ tiˬ kahˇ shaꞈ luꞈ-eu Iˇshaˬbiˇbeˬnoˆ lehˇ myahˇ-euˬ huiˬ dui dui-eu tsawˇ haˬ tiˬ gʼaˬ, Daˬbiˇ-ahˇ aˬ yawꞈ sehꞈ nya ma lehˇ noeˬ luꞈ-eu meh.

2 Saˬmeuˬlaˆ 21:21

Iˇsaˬleˬlaˆ tsawˇ haˬ deuˬ-ahˇ aˬ yawꞈ yehˬ bawˬ sehˇ lu-ehˇ ehˇ-awˇ lmˬ lmˬ-ehˇ jawˇ ngeh, Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˆshaˬ neh aˬ yawꞈ-ahˇ sehꞈ-euˬ meh.

1 Laˬsaˬbaˬ 20:8

Daˬbiˇ hawˇ-eu aˬ yawꞈ-euˬ tsawˇ haˬ deuˬ neh bi sehꞈ-euˬ tsawˇ haˬ kʼoeˇ smˇ gʼaˬ-aˬ, aˇ hu Gaˬdaˇ meuˬ-ahˇ jawˇ-euˬ tsawˇ haˬ tsawˇ ma deuˬ-euˬ zaˬ deuˬ uˆ deuˬ meh.

Jaceuq 108:13

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Jaceuq 118:15

Sahˬpaˬ Miˬyehˇ-euˬ tsawˇ haˬ deuˬ-euˬ sehˬ gʼawˆ-ahˇ, guiˇ deuˆ gʼaˬ-awˇ guˇ luꞈ gaˇ naˇ haˬ sheˇ. Sahˬpaˬ Miˬyehˇ-euˬ baoˬ neh deuˆ gʼaˬ-euˬ meh.

Jaceuq 60:12

Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Dawˬ tsoˆ 9:11

Nahˇ ma heu siˬ uˬ moˆ ngaˇ heu loꞈ-ehˇ tiˬ jeˬ paˇ ya mawˇ-euˬ ma. Kawˇ dui dui-eu deuˬ aˬ myah luꞈ cehˆ ceh ceh-eu gʼaˬ leˇ-eu maˬ ngeuˇ-ehˇ, nui ma yaw kʼaˬ deuˬ aˬ myah luꞈ guiˇ deuˆ-eu gʼaˬ leˇ-eu maˬ ngeuˇ-a. Tsawˇ gahˇ ahˇ-eu deuˬ aˬ myah luꞈ ya dzaˬ ya dawˇ-eu maˬ ngeuˇ-ehˇ, nui noeˬ kuꞈ-eu deuˬ aˬ myah luꞈ smˇ muiˬ muiˬ laˇ-eu maˬ ngeuˇ-a. Bym dui nya dui dui-eu deuˬ kʼawꞈ, aˬ myah luꞈ myaˆ pyawˬ naˇ mehˇ jaˆ-eu maˬ ngeuˇ-a. Tsawˇ haˬ yawˬ gʼaˬ na luꞈ guiˬ lahˬ doeˇ-eu aˇ yamˬ aˇ law baw-eu meh.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

Yawˇshuˆ 14:12

Ngaˇ hawˇ-eu ngaˬ-euˬ tsawˇ haˬ deuˬ kʼoeˬ sho haw leˇ-euˬ gaˇ kawˆ paˇ dzawˇ poˆ nehˬ ngeh nah, Sahˬpaˬ Miˬyehˇ ngaˬ-ahˇ saˇ jaˇ dzaˬ-euˬ loꞈ-ehˇ, gawˬ jawˬ gawˬ duˇ gahˬ kaˬ kʼoeˇ ngaˬ-ahˇ biꞈ nehˬ laꞈ-awˬ. Huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ, goˇ dui dui-eu meuˬ lahˇ laꞈ kʼoeˇ jawˇ luꞈ meh lehˇ naw maꞈ-ahˇ nga maꞈ ehˇ nehˬ-euˬ ma. Sahˬpaˬ Miˬyehˇ neh ehˇ taˬ-euˬ loꞈ-ehˇ, ngaˬ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ maꞈ-ahˇ ngaˇ teh doˆ nya-eu duˇ.”