Tseˇ oeˬ kʼoꞈ tiˬ kʼoꞈ keuˆ laˇ ngeh jawˇ, sahˬ paˬ Sheˬdawˇlawˇmaˬ hawˇ-eu aˬ yawꞈ-ahˇ nui ma taꞈ-eu sahˬ paˬ deuˬ oe ka-awˇ, Aˬshaˇteˬyoˇkaˬneˬ meuˬ-ahˇ jawˇ-eu Leˬpeˬ tsawˇ jeuˬ-ahˇ maˬ ehˇ, Haˬmaˇ meuˬ-ahˇ jawˇ-eu Zuˬzmˬ tsawˇ jeuˬ-ahˇ maˬ ehˇ, Kiˇlaˬdeˬ meuˬ-euˬ deh ga-ahˇ jawˇ-eu Eˇmiˬ tsawˇ jeuˬ-ahˇ maˬ ehˇ,
2 Saˬmeuˬlaˆ 21:16 - Akha16 Nyiˬ jawꞈ-i dzehˬ ni kah-eu guiˬ shuiˇ gahˬ baꞈ luꞈ-awˇ, mi cehˇ yaw shuiꞈ tiˬ kahˇ shaꞈ luꞈ-eu Iˇshaˬbiˇbeˬnoˆ lehˇ myahˇ-euˬ huiˬ dui dui-eu tsawˇ haˬ tiˬ gʼaˬ, Daˬbiˇ-ahˇ aˬ yawꞈ sehꞈ nya ma lehˇ noeˬ luꞈ-eu meh. Δείτε το κεφάλαιο |
2 Saˬmeuˬlaˆ 21:16
20 Σταυροειδείς Αναφορές
Aˇ nah aˇ yamˬ kʼoeˇ yamˬ laꞈ kʼoeˇ maˬ ehˇ, kʼoeˇ sawˇ miˇ tsa dehꞈ ka leꞈ-euˬ aˇ nah aˇ yamˬ deuˬ laꞈ kʼoeˇ maˬ ehˇ, mˬ taˆ zaˬ yo deuˬ hawˇ-eu miˇ tsa zaˬ miˬ deuˬ sheuˬ dahˬ dzaˬ taꞈ-awˇ dehꞈ le-euˬ, aˇ gahˬ aˇ goˇ muiˬ dui dui-eu tsawˇ haˬ zaˬ deuˬ jawˇ-euˬ meh. Tsawˇ haˬ kʼoeˇ deuˬ-aˬ, huiˬ-eu gaˇ deuˬ mˇ-awˇ tsawˇ myahˇ doˆ dui dui-euˬ, aˇ hu ba-euˬ tsawˇ haˬ deuˬ pyeuꞈ-eu meh.
Kʼoeˇ naˇ, Gaˬdaˇ meuˬ-ahˇ guiˇ tiˬ poˆ paˇ deuˆ-euˬ meh. Meuˬ kʼoeˇ meuˬ laꞈ kʼoeˇ, guiˇ deuˆ-eu nui ma ahˇ dui dui-eu tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, huiˬ dui goˇ dui dui-eu tsawˇ haˬ tiˬ gʼaˬ pyeuꞈ-awˇ, aˬ laꞈ nyiˬ laꞈ luꞈ laꞈ noeˇ koꞈ noeˇ tsoꞈ-awˇ, aˬ kuiˇ nyiˬ kuiˇ luꞈ kuiˇ noeˇ koꞈ noeˇ tsoꞈ-eu meh.
Miˇ kʼahˬ kʼoeˇ kʼahˬ-euˬ laꞈ oˆ dzaˬ-ahˇ jeˬ huˬ le-awˇ, huiˬ dui goˇ dui dui-eu Aˬnaˬkaˆ tsawˇ jeuˬ-euˬ zaˬ deuˬ uˆ deuˬ pyeuꞈ-eu Aˬhiˇmaˬ aˇ jeuˬ, Sheˬshaiˇ aˇ jeuˬ hawˇ-eu Taˬlaˬmehˇ aˇ jeuˬ deuˬ jawˇ-eu Heˬbyoˬ meuˬ-ahˇ le keuˆ-euˬ meh. (Heˬbyoˬ meuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Zoˇnaˆ meuˬ taꞈ-ehˇ shiꞈ kʼoꞈ huˬ-ehˇ teˬ taˬ-euˬmeuˬ pyeuꞈ-eu meh.)
Ehˇ kʼawꞈ, kʼoeˇ gaˇ jawˇ-eu tsawˇ haˬ deuˬ gʼaˬ kʼaˆ dui dui-awˇ, aˬ yawꞈ maꞈ-euˬ meuˬ deuˬ kʼawꞈ, huiˬ dui dui-awˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meh. Kʼoeˇ naˆ tehꞈ-ehˇ maˬ ngeuˇ ni, huiˬ dui goˇ dui dui-eu tsawˇ haˬ deuˬ-euˬ zaˬ deuˬ uˆ deuˬ kʼawꞈ kʼoeˇ gaˇ jawˇ luꞈ gaˇ ya mawˇ-euˬ ma.
Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.
(Sahˬ paˬ Awˇgaˆ-aˬ, Leˬpeˬ tsawˇ jeuˬ-euˬ sahˬ paˬ deuˬ laꞈ kʼoeˇ aˇ saˬ saˬ-eu gʼaˬ pyeuꞈ-eu meh. Aˬ yawꞈ-ahˇ duˬ pahˬ-eu mawˇ dmˬ kʼaˬ lo neh taꞈ-awˇ, yaw mahˇ paw gʼoeˬ caˆ byah-awˇ, yaw jeˇ paw oeˬ caˆ byah-eu meh. Mawˇ dmˬ kʼoeˇ hmˬ-aˬ, Aˬmoˬ tsawˇ haˬ deuˬ-euˬ Laˬbah meuˬ-ahˇ iˬ nah keuˆ ni jaˆ luꞈ-eu meh.)
Διαφημίσεις