2 Saˬmeuˬlaˆ 21:12 - Akha

¹² Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ iˇ-awˇ, Sawˇluˆ hawˇ-eu aˬ yawꞈ-euˬ aˬ li Yawˇnaˆshaˬ-euˬ shaˬ yoeˬ yuˇ laˬ-iˇ-euˬ meh. Giˇlaˬbawˬ gawˬ jawˬ-ahˇ Sawˇluˆ-ahˇ sehꞈ ngeh nah, aˬ yawꞈ nyaꞈ da za-euˬ gʼawˇ mawˇ-ahˇ Piˇliˇtiˆ tsawˇ haˬ deuˬ neh Behˬshaˬ meuˬ laꞈ kʼoeˇ jaˆ-eu tsawˇ haˬ uiˬ leˇ bymˇ leˇ duˬ-ahˇ paꞈ gʼeu taˬ-euˬ gaˇ, Jaˬbehˆ meuˬ-ahˇ jawˇ-eu tsawˇ haˬ deuˬ neh baꞈ kʼoeˬ kʼoꞈ laꞈ-euˬ meh.

2 Saˬmeuˬlaˆ 21:12 Σταυροειδείς Αναφορές

2 Saˬmeuˬlaˆ 1:21

Giˇlaˬbaoˬ gawˬ jawˬ deuˬ kʼoeˇ taˆ, uˬ yehˇ hawˇ-eu ceuˬ maˬ jaˆ-ehˇ, sahˬ lahˬ maˬ dehꞈ ni jaˆ luꞈ-uˇ. Aˬ jeˬ miˇ neh nga lehˇ ehˇ naˇ, baoˬ huiˬ dui dui-eu yehˇ pyeuꞈ-eu, Sawˇluˆ neh baꞈ-euˬ dehˬ daˬ duˬ, shmˇ kaw tehꞈ-ehˇ kʼoeˇ gaˇ ga-eu, aˇ naˆ ni daˬ ga-eu jeˬ nga.

2 Saˬmeuˬlaˆ 1:6

Aˬ yawꞈ ehˇ-eu, “Giˇlaˬbaoˬ gawˬ jawˬ-ahˇ ngaˇ cehˆ keuˆ ngeh, Sawˇluˆ aˬ yawꞈ-euˬ gawˬ yoeˬ-ahˇ gʼoˆ toˆ shaˇ-awˇ yawꞈ luꞈ-awˇ, muiˇ-eu deuˬ-euˬ mahˬ laˆ lawˬ deuˬ hawˇ-eu mahˬ dziˬ luꞈ-eu yehˇ deuˬ aˬ yawꞈ jawˇ gaˇ jiˆ peh laˇ luꞈ gaˇ ya mawˇ-euˬ ma.

2 Saˬmeuˬlaˆ 2:4

Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ Heˬbyoˬ meuˬ-ahˇ laˇ-awˇ, Daˬbiˇ-ahˇ tsiˇ shehˆ daˆ nehˬ-awˇ, Yuˇdaˆ miˇ kʼahˬ-euˬ sahˬ paˬ ka nehˬ-euˬ meh. Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ neh Sawˇluˆ-ahˇ baꞈ pahˬ nehˬ-euˬ gaˇ kawˆ Daˬbiˇ ya gaˬ ngeh,

2 Saˬmeuˬlaˆ 21:11

Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ kʼoeˇ loꞈ-ehˇ jahˇ luꞈ-eu gaˇ kawˆ Daˬbiˇ ya gaˬ ngeh,

2 Saˬmeuˬlaˆ 21:13

Sawˇluˆ hawˇ-eu Yawˇnaˆshaˬ-euˬ shaˬ yoeˬ-ahˇ Daˬbiˇ yuˇ-awˇ, bi paꞈ gʼeu sehꞈ-euˬ tsawˇ haˬ kʼoeˇ shiꞈ gʼaˬ-euˬ shaˬ yoeˬ deuˬ kʼawꞈ gʼoˆ uiˬ-euˬ meh.

1 Laˬsaˬbaˬ 10:1

Piˇliˇtiˆ tsawˇ haˬ deuˬ hawˇ-eu Iˇsaˬleˬlaˆ tsawˇ haˬ deuˬ, Giˇlaˬbaoˬ gawˬ jawˬ kʼoeˇ taˆ guiˇ deuˆ-euˬ meh. Iˇsaˬleˬlaˆ tsawˇ haˬ gʼawˬ mya ni kʼoeˇ gaˇ bi sehꞈ-awˇ, maˬ bi sehꞈ-ehˇ dzeuˇ-iˇ-euˬ deuˬ-aˬ, Sawˇluˆ hawˇ-eu aˬ yawꞈ-euˬ aˬ li deuˬ nehˬ-ehˇ tiˬ kawˆ loꞈ-ehˇ cehˆ-euˬ meh.

1 Laˬsaˬbaˬ 10:12

nui ma kʼaˬ dui dui-eu tsawˇ haˬ deuˬ iˇ-awˇ, Sawˇluˆ hawˇ-eu aˬ yawꞈ-euˬ aˬ li deuˬ-euˬ gʼawˇ mawˇ deuˬ, Jaˬbehˆ meuˬ-ahˇ baꞈ kʼoꞈ laꞈ-euˬ meh. Kʼoeˇ naˇ, tsuiꞈ kaˆ aˇ bawˇ tiˬ bawˇ dawˬ pehˬ-ahˇ duˬ pahˬ nehˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.

1 Laˬsaˬbaˬ 10:8

Guiˇ deuˆ gʼaˬ-awˇ yawˬ nah yawˬ-ahˇ, shiˇ taˬ-euˬ tsawˇ haˬ deuˬ geuꞈ luꞈ dm luꞈ-eu mˇ myawˬ deuˬ poˆ geuꞈ laˇ-eu lehˇ Piˇliˇtiˆ tsawˇ haˬ deuˬ laˇ ngeh, Giˇlaˬbaoˬ gawˬ jawˬ kʼoeˇ taˆ Sawˇluˆ hawˇ-eu aˬ yawꞈ-euˬ aˬ li smˬ li shiˇ taˬ-awˇ ga gaˇ ya mawˇ-euˬ meh.

Yawˇshuˆ 17:11

Aˬshaˬ hawˇ-eu Iˇsaˬkaˬ miˇ kʼahˬ laꞈ kʼoeˇ jaˆ-eu Behˬshahˬ meuˬ, Iˇbaˬleˬ meuˬ hawˇ-eu, meuˬ kʼoeˇ nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ meuˬ zaˬ deuˬ maˬ ehˇ, (iˬ ma laˆ shaˆ lawˇ deh-ahˇ jaˆ-eu) Dawˇlaˆ meuˬ, Eˬdawˇlaˆ meuˬ, Taˬnehˇ meuˬ, Meˬgiˇdoˬ meuˬ hawˇ-eu, kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ maˬ ehˇ, Maˬnaˇseˬ miˇ kʼahˬ-ahˇ taꞈ-eu meh.

1 Saˬmeuˬlaˆ 28:4

Piˇliˇtiˆ yehˇ dawˬ tawˆ luꞈ uiˬ leˇ-awˇ, Shuˇneˬ meuˬ dawˬ peh taˆ tsoˆ-awˇ jawˇ-eu meh. Sawˇluˆ gʼeh, Iˇsaˬleˬlaˆ tsawˇ haˬ deuˬ-ahˇ kuˇ uiˬ-awˇ, Giˇlaˬbawˬ gawˬ jawˬ-ahˇ taˆ tsoˆ-awˇ jawˇ-eu meh.

1 Saˬmeuˬlaˆ 31:1

Piˇliˇtiˆ tsawˇ haˬ deuˬ hawˇ-eu Iˇsaˬleˬlaˆ tsawˇ haˬ deuˬ, Giˇlaˬbawˬ gawˬ jawˬ kʼoeˇ taˆ guiˇ deuˆ-euˬ meh. Iˇsaˬleˬlaˆ tsawˇ haˬ deuˬ gʼawˬ mya ni kʼoeˇ gaˇ bi deuˆ sehꞈ-awˇ, maˬ bi deuˆ sehꞈ-ehˇ dzeˇ-eu deuˬ-aˬ, Sawˇluˆ hawˇ-eu aˬ yawꞈ-euˬ aˬ li deuˬ nehˬ-ehˇ tiˬ kawˆ loꞈ-ehˇ cehˆ-euˬ meh.

1 Saˬmeuˬlaˆ 31:3

Sawˇluˆ-ahˇ yaw kʼaˆ-ehˇ ga jawˬ-awˇ deuˆ-eu miˇ neh, shiˇ taw tehˬ ni bi deuˆ naˇ-euˬ meh.

1 Saˬmeuˬlaˆ 31:4

Kʼoeˇ ngeh, aˬ yawꞈ-euˬ guiˇ deuˆ-eu keu ka baꞈ luꞈ-eu zaˬ guˬ-ahˇ, “Miˬyehˇ maˬ baw-eu Piˇliˇtiˆ tsawˇ haˬ heu deuˬ ngaˬ-ahˇ kʼaˇ gʼeh mawꞈ-eu gʼeh-awˇ maˬ bi sehꞈ mawꞈ nya. Nawˬ-euˬ mi cehˇ gʼeu doˆ-awˇ ngaˬ-ahˇ sehꞈ-awˬ” lehˇ, Sawˇluˆ ehˇ nehˬ-euˬ meh. Ehˇ kʼawꞈ, zaˬ guˬ kʼoeˇ gʼaˬ kʼoeˇ loꞈ-ehˇ maˬ jahˇ peuˬ-a. Kʼoeˇ miˇ neh, yawˬ haˇ yawˬ ha mi cehˇ gʼawˇ daˬ-awˇ, coˬ daˆ sehꞈ-euˬ meh.