2 Saˬmeuˬlaˆ 21:10 - Akha

¹⁰ Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ gʼaˬ, tsawˇ shiˇ kʼoeˇ deuˬ ga-eu dawˬ peh kʼaˬ lo kʼoeˇ taˆ guˬ daˇ pehˇ zeuˇ saˬ paˇ neh sehˬ gʼawˆ gʼawˆ-awˇ, cehˇ yehˬ dahˬ beh ngeh yamˬ-ahˇ neh yehˇ gʼahˇ ahˇ le ngeh keuˆ ni loꞈ-euˬ meh. Shiˇ taˬ-euˬ tsawˇ haˬ kʼoeˇ deuˬ-ahˇ, nah gʼahˇ paw aˇ jiˇ maˬ ya bi dzaˬ-eu gʼaˇ duˬ maˬ ehˇ, uˬ ciꞈ paw haiˬ-eu jeˬ zaˬ deuˬ maˬ ya bi dzaˬ-eu gʼaˇ duˬ maˬ ehˇ, aˬ yawꞈ loꞈ piˇ-euˬ meh.

2 Saˬmeuˬlaˆ 21:10 Σταυροειδείς Αναφορές

Aˇ dahˬ 40:19

Smˬ nah laꞈ kʼoeˇ, sahˬ paˬ nawˬ-ahˇ pyehˬ doˆ-awˇ, nawˬ-euˬ uˬ duˬ toˆ tsehˆ-awˇ, nawˬ-euˬ gʼawˇ mawˇ-ahˇ aˇ bawˇ tiˬ bawˇ kʼoeˇ taˆ paꞈ gʼeu taˬ tehꞈ-a. Kʼoeˇ ngeh, aˇ jiˇ deuˬ oe-awˇ, nawˬ-euˬ shaˬ jiˇ-ahˇ toˆ dzaˬ tehꞈ-a.”

2 Saˬmeuˬlaˆ 21:11

Sawˇluˆ-euˬ ma nyiˇ pyeuꞈ-eu Aˬiˇyaˬ-euˬ aˬ buˇ Yiˇzaˬpaˬ kʼoeˇ loꞈ-ehˇ jahˇ luꞈ-eu gaˇ kawˆ Daˬbiˇ ya gaˬ ngeh,

2 Saˬmeuˬlaˆ 3:7

Tiˬ nah keuˆ laˇ ngeh, Aˬbaˬnaˬ-ahˇ Aˬiˇyaˬ-euˬ aˬ buˇ pyeuꞈ-eu Sawˇluˆ-euˬ ma nyiˇ Yiˇzaˬpaˬ nehˬ-ehˇ yuꞈ taꞈ-euˬ meh lehˇ, Sawˇluˆ-euˬ aˬ li Iˇshaˬbawˇshehˆ neh bi dehˬ lehꞈ-euˬ meh.

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬsaˬgeˬlaˇ 39:4

Gawˇgaˆ hawˇ-eu aˬ yawꞈ-euˬ guiˇ maꞈ deuˬ maˬ ehˇ, aˬ yawꞈ jawˇ paw kʼaˇ pyawˬ-eu deuˬ maˬ ehˇ, Iˇsaˬleˬlaˆ gawˬ jawˬ deuˬ kʼoeˇ taˆ coˬ sehꞈ jiˇ-awˇ, aˬ yawꞈ maꞈ-euˬ gʼawˇ mawˇ, aˇ jiˇ hawˇ-eu bawˇ tsahˬ jeˬ zaˬ deuˬ neh bi dzaˬ ma.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Yawˇlaˆ 1:18

Gaˆ dzaˬ kʼaˇ maˬ za-eu miˇ neh, mawˇ neˇ deuˬ mahˇ mahˇ-ehˇ jawˇ-awˇ, yawˇ deuˬ tsoˆ leˇ-awˇ jawˇ-eu meh.

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Zaˬkaˬliˇ 10:1

Yeˇ gʼahˇ jiˇ taw uˬ yehˇ jaˆ ni, Sahˬpaˬ Miˬyehˇ-ahˇ shaˇ geuꞈ-awˬ. Jaˬ lehˇ lehˇ ma hawˇ-eu mˬ dmˇ, Sahˬpaˬ Miˬyehˇ neh beh-euˬ meh. Uˬ yehˇ aˬ yawꞈ neh bi yehˇ-awˇ, tsawˇ haˬ-euˬ yaˇ yawˬ kawˬ na luꞈ, nyoeˇ laˇ ni aˬ yawꞈ jahˇ-eu meh.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

Dawˬmehˬ 21:13

Kʼoeˇ naˇ, mehˬ tsoeˬ bi dm paˇ-awˬ. Aˬ yawꞈ nawˬ-euˬ nymˇ-ahˇ jawˇ-awˇ, ba la tiˬ siˬ byah ni aˬ yawꞈ-euˬ aˬ ma aˬ da-ahˇ noeˬ-eu laꞈ kʼoeˇ tsawˇ ngoeˇ ngoeˇ tehꞈ-a. Kʼoeˇ naˇ, aˬ yawꞈ-ahˇ nawˇ sheuˬ nya meh.

Dawˬmehˬ 21:22

“Tsawˇ haˬ tiˬ gʼaˬ na yaw haiˬ jeˬ mˇ-euˬ miˇ neh, aˬ cawˬ neh bi sehꞈ-awˇ, aˬ yawꞈ-euˬ gʼawˇ mawˇ kʼawˇ zeuˇ-ahˇ paꞈ gʼeu-awˇ bi jaˆ ngeh,

Dawˬmehˬ 21:23

uˬ ciꞈ uˬ bya bya ni maˬ ya bi jaˆ-a. Aˬ yawꞈ ngeh nah neh ya duˬ pahˬ meh. Aˬ jeˬ miˇ neh ehˇ naˇ, tsawˇ shiˇ-euˬ gʼawˇ mawˇ kʼawˇ zeuˇ-ahˇ paꞈ-awˇ bi ga gʼeu-euˬ jeˬ-aˬ, Miˬyehˇ-euˬ yaˬ kʼehˇ yaˬ-eu jeˬ bi keuˆ le-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-euˬ miˇ kʼahˬ-ahˇ nawˇ maˬ ya laˆ jawꞈ ni, tsawˇ shiˇ-euˬ gʼawˇ mawˇ kʼoeˇ duˬ pahˬ-awˬ.

1 Saˬmeuˬlaˆ 17:44

“Laˇ-awˬ, kʼoeˇ taˆ paw zaw-eu aˇ jiˇ deuˬ hawˇ-eu bawˇ tsahˬ jeˬ zaˬ deuˬ-ahˇ, nawˬ-eu shaˬ jiˇ bi dzaˬ ma” lehˇ, Daˬbiˇ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 17:46

Iˬ nah Sahˬpaˬ Miˬyehˇ-aˬ, nawˬ-euˬ gʼawˇ mawˇ-ahˇ ngaˬ-euˬ aˬ laꞈ laꞈ kʼoeˇ a nehˬ laꞈ tehꞈ-a. Nawˬ-ahˇ ngaˇ deuˆ gʼaˬ-awˇ, nawˬ-euˬ uˬ duˬ ngaˇ toˆ tsehˆ ma. Kʼoeˇ naˇ, shiˇ taˬ-awˇ ga-eu Piˇliˇtiˆ yehˇ deuˬ, aˇ jiˇ hawˇ-eu bawˇ tsahˬ jeˬ zaˬ deuˬ-ahˇ ngaˇ bi dzaˬ ma. Kʼoeˇ ngeh, Iˇsaˬleˬlaˆ tsawˇ jeuˬ nehˬ-ehˇ Miˬyehˇ jawˇ-eu gaˇ kawˆ, miˇ kʼahˬ dawˬ tawˆ luꞈ ya siˬ tehꞈ-a.