2 Saˬmeuˬlaˆ 21:1 - Akha

¹ Daˬbiˇ sahˬ paˬ geuꞈ-awˇ uˆ lahˇ-euˬ aˇ yamˬ laꞈ kʼoeˇ, mehꞈ dui shuꞈ dui dui-eu aˇ kʼoꞈ smˇ kʼoꞈ keuˆ le-euˬ meh. Gaˇ kawˆ kʼoeˇ Sahˬpaˬ Miˬyehˇ-ahˇ Daˬbiˇ naˇ haˬ ngeh, “Sawˇluˆ hawˇ-eu aˬ yawꞈ-euˬ nymˇ kʼahˬ zaˬ deuˬ aˬ cawˬ-ahˇ sehꞈ-euˬ iˬ baˇ pi luꞈ-eu meh. Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ sehꞈ-euˬ meh” lehˇ, Sahˬpaˬ Miˬyehˇ ehˇ-eu meh.

2 Saˬmeuˬlaˆ 21:1 Σταυροειδείς Αναφορές

Aˇ dahˬ 12:10

Kaˬnaˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le-euˬ miˇ neh, Iˇjiˇtuˆ miˇ kʼahˬ laꞈ kʼoeˇ tiˬ kʼehˬ tiˬ yamˬ cehˆ jawˇ-iˇ-eu gʼaˇ duˬ, laꞈ oˆ paw Aˬbyaˬ iˇ ka gʼeh-euˬ meh.

Aˇ dahˬ 26:1

Aˬbyaˬhaˬ-euˬ ziˇ-ahˇ keuˆ le-euˬ mehꞈ-eu shuꞈ-eu kʼoeˇ poˆ dzeuˇ-awˇ, miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ tiˬ poˆ paˇ keuˆ le-euˬ meh. Iˇtsaˆ-aˬ, Geˬlawˬ meuˬ-ahˇ, Piˇliˇtiˆ sahˬpaˬ Aˬbiˇmaˬlehˆ jawˇ gaˇ le-euˬ meh.

Aˇ dahˬ 41:57

Mehꞈ dui shuꞈ dui dui-eu jeˬ miˇ tsaˬ kʼoeˇ taˆ byah jiˇ-euˬ miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ Yoˇsehˆ jawˇ gaˇ cehˇ zeuˇ dzaˬ le-euˬ meh.

Aˇ dahˬ 42:5

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-euˬ miˇ neh, Yaˬkoˆ-euˬ aˬ li kʼoeˇ deuˬ cehˇ zeuˇ dzaˬ-iˇ-eu lehˇ, aˬ cawˬ nehˬ-ehˇ iˇ gʼeh-euˬ meh.

Aˇ dahˬ 43:1

Kaˬnaˬ miˇ kʼahˬ laꞈ kʼoeˇ, mehꞈ-eu shuꞈ-eu jeˬ yaw beh naˆ maˬ tseˇ paˇ kʼaˆ dzehˬ laˇ-euˬ meh.

2 Saˬmeuˬlaˆ 16:8

Sawˇluˆ-euˬ miˇ kʼahˬ nawˬ neh yuˇ geuꞈ-euˬ meh. Nymˬ-mˇ poˆ jawˇ-aˬ, Sawˇluˆ-euˬ aˇ jeuˬ aˇ ca deuˬ-ahˇ nawˬ neh sehꞈ-euˬ aˇ poeˬ, Sahˬpaˬ Miˬyehˇ nawˬ-ahˇ paˇ kʼehˬ poˆ luꞈ-eu meh. Sahˬpaˬ Miˬyehˇ neh nawˬ-euˬ miˇ kʼahˬ nawˬ li Aˬbaˇsaˬloˬ-ahˇ biꞈ-euˬ meh. Nawˇ-aˬ, aˬ cawˬ-ahˇ sehꞈ-euˬ tsawˇ haˬ pyeuꞈ-eu miˇ neh, ya luˬ ya seˇ-iˇ-eu keuˆ le-euˬ maˬ ngeuˇ nya loˇ.”

2 Saˬmeuˬlaˆ 20:26

Yaˬiˇlaˆ meuˬ-ahˇ jawˇ-eu Iˇyaˬ gʼaˬ kʼawꞈ, Daˬbiˇ-euˬ piˇ ma tiˬ gʼaˬ pyeuꞈ-eu meh.

2 Saˬmeuˬlaˆ 21:5

Aˬ yawꞈ maꞈ ehˇ-eu, “Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ nga maꞈ-euˬ tsawˇ haˬ tiˬ gʼaˬ-iˬ maˬ bi dzeˇ yaꞈ ni sehꞈ jiˇ mawꞈ-eu meh.

2 Saˬmeuˬlaˆ 24:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-awˇ, Daˬbiˇ-ahˇ gʼoe-eu laꞈ kʼoeˇ, Iˇsaˬleˬlaˆ tsawˇ haˬ deuˬ kʼoeˇ taˆ shaˬ-eu zahˬ-eu jeˬ bi keuˆ le-euˬ meh.

2 Saˬmeuˬlaˆ 5:19

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-awˬ loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ, Sahˬpaˬ Miˬyehˇ ehˇ-eu meh.

2 Saˬmeuˬlaˆ 5:23

Sahˬpaˬ Miˬyehˇ-ahˇ Daˬbiˇ mehˬ bawˬ tiˬ poˆ paˇ mˇ haw ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Heu paw dzeˇ coeˇ-ahˇ neh aˬ yawꞈ maꞈ-ahˇ guiˇ taˬ deuˆ-iˇ. Boeˬ dzaˇ aˇ bawˇ bawˇ yaˇ paw neh iˇ jaw gʼeh-awˇ, aˬ yawꞈ maꞈ-ahˇ guiˇ deuˆ-eu gʼaˇ duˬ lehˬ hmˬ dah taˬ-awˇ jawˇ-awˬ.

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

2 Sahˬpaˬ 6:25

Kʼoeˇ loꞈ-ehˇ loꞈ jawˬ taˬ-euˬ baˬ da neh, meuˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, mahˬ tahˬ laˆ uˬ duˬ tiˬ siˬ-euˬ pyuˇ maˇ byaˆ yehꞈ tseˇ byaˆ poeˬ keuˆ-awˇ, nuiˆ gahˬ tiˬ kaˇ saˆ-euˬ pyuˇ maˇ byaˆ ngaˬ byaˆ poeˬ keuˆ-euˬ meh.

2 Sahˬpaˬ 8:1

Eˇliˇshehˇ neh bi gʼoꞈ dehꞈ laˇ-euˬ aˬ li kʼoeˇ li-euˬ aˬ ma pyeuꞈ-eu Suˇneˬ meuˬ-ahˇ jawˇ-eu zaˬ miˬ zaˬ kʼoeˇ gʼaˬ-ahˇ Eˇliˇshehˇ ehˇ nehˬ-eu,, “Nawˬ-euˬ nymˇ kʼahˬ zaˬ deuˬ sheuˬ-awˇ tiˬ gaˇ paw jawˇ-iˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh-eu meh.”

Yawˇbaˆ 10:2

Miˬyehˇ-oˇ, ngaˬ-ahˇ taˬ jahˇ doeˇ nehˬ laꞈ. Aˬ jeˬ baˬ da neh ngaˬ-ahˇ heu loꞈ-ehˇ jahˇ nehˬ laꞈ te lehˇ ehˇ nehˬ laꞈ sheˇ.

Jaceuq 27:8

Ngaˬ-euˬmyaˆpyawˬ-ahˇ poˆ-awˬlehˇ, nawˇngaˬ-ahˇehˇnehˬlaꞈngeh jawˇ, nawˬ-euˬmyaˆpyawˬngaˇpoˆma lehˇ, nui ma laꞈkʼoeˇngaˇehˇ-euˬma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Bawˇtsahˬ 27:21

Uˇleˬ hawˇ-eu Duˇmeˬ zmˬ-eu laꞈ kʼoeˇ ngaˬ-eu nui kʼahˇ-ahˇ siˬ nya-eu piˇ ma Eˇlaˬzaˬ-ahˇ aˬ yawꞈ ya gʼoe meh. Yawˬ jeˬ na luꞈ laꞈ kʼoeˇ, Eˇlaˬzaˬ neh mehˬ nehˬ tsoˆ nehˬ-euˬ loꞈ-ehˇ, Yawˇshuˆ hawˇ-eu Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ ya mˇ meh.”

Yawˇshuˆ 7:1

Yeˬliˇkoˇ meuˬ-ahˇ kʼaˇ jaˆ-eu, ya laˆ luˬ ya laˆ seˇ nehˬ-eu mˇ myawˬ aˬ geu jeˬ maˬ kaˬ, maˬ ya yuˇ geuꞈ-a lehˇ Sahˬpaˬ Miˬyehˇ neh dawˬ biꞈ taˬ-euˬ gaˇ maˬ naˇ haˬ geuꞈ-eu iˬ baˇ, Iˇsaˬleˬlaˆ tsawˇ haˬ deuˬ laꞈ kʼoeˇ jaˆ laˇ-euˬ meh. Aˬkaˬ lehˇ myahˇ-euˬ tsawˇ haˬ tiˬ gʼaˬ dawˬ kʼoeˇ dawˬ-ahˇ maˬ naˇ haˬ geuꞈ-euˬ baˬ da neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ meh. Aˬkaˬ-aˬ, Kaˬmiˬ-euˬ aˬ li pyeuꞈ-awˇ, Zaˬbaˬdiˇ-euˬ oeˬ paˬ pyeuꞈ-eu meh. Aˬ yawꞈ-aˬ, Yuˇdaˆ tsawˇ jeuˬ Zeˬlahˬ aˇ jeuˬ meh.

Yawˇshuˆ 9:20

Aˬ dui-euˬ saˇ jaˇ baˬ da neh, aˬ yawꞈ maꞈ-ahˇ tiˬ jeˬ-iˬ maˬ jahˇ ni ya bi dehꞈ meh. Kʼoeˇ loꞈ-ehˇ maˬ bi dehꞈ naˇ, Miˬyehˇ aˬ dui maꞈ-ahˇ kʼehˬ nehˬ laꞈ tehꞈ-a.

Luˇta 1:1

Aˇ hu ba, Iˇsaˬleˬlaˆ miˇ kʼahˬ laꞈ kʼoeˇ sahˬpaˬ tiˬ gʼaˬ-iˬ maˬ jawˇ le mi naˆ-ehˇ, mehꞈ-eu shuꞈ-eu jeˬ tiˬ poˆ keuˆ le-euˬ meh. Kʼoeˇ ngeh, Behˬlehˬhehˬ meuˬ-ahˇ jawˇ-eu tsawˇ haˬ tiˬ gʼaˬ aˬ yawꞈ-euˬ nymˇ dahˬ hawˇ-eu aˬ yawꞈ-euˬ aˬ li nyiˬ gʼaˬ sheuˬ-awˇ, Mawˇbaˆ miˇ kʼahˬ-ahˇ tiˬ kʼehˬ cehˆ jawˇ-iˇ-euˬ meh.

1 Saˬmeuˬlaˆ 10:22

“Maˬ laˇ keuˆ jiˇ-euˬ tsawˇ haˬ jawˇ ta siˬ loˇ” lehˇ, Sahˬpaˬ Miˬyehˇ-ahˇ aˬ yawꞈ maꞈ naˇ haˬ ngeh, “Myawˬ baꞈ gahˬ taˬ-euˬ naˇ kʼah Sawˇluˆ dzuˇ zaꞈ luꞈ meh” lehˇ Sahˬpaˬ Miˬyehˇ ehˇ-eu meh.

1 Saˬmeuˬlaˆ 23:11

Kiˇlahˬ meuˬ-ahˇ jawˇ-eu tsawˇ haˬ deuˬ, ngaˬ-ahˇ Sawˇluˆ-euˬ aˬ laꞈ laꞈ kʼoeˇ a nehˬ tehꞈ-a loˇ. Ngaˬ neh ya gaˬ taˬ-euˬ loꞈ-ehˇ, Sawˇluˆ aˬ diˇ oe tehꞈ-a loˇ. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, gaˇ kawˆ heu ngaˬ-ahˇ tiˬ poˆ ehˇ nehˬ laꞈ-eu gʼaˇ duˬ, ngaˇ nawˬ-ahˇ shaˇ-eu ma.” Sahˬpaˬ Miˬyehˇ ehˇ-eu, “Sawˇluˆ aˬ diˇ oe tehꞈ-a.”

1 Saˬmeuˬlaˆ 23:2

Kʼoeˇ miˇ neh, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-eu gʼaˇ duˬ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. “Aˬ yawꞈ maꞈ-ahˇ guiˇ deuˆ-iˇ-awˇ, Kiˇlahˬ meuˬ-ahˇ ka kʼoꞈ nehˬ-awˬ” lehˇ, Sahˬpaˬ Miˬyehˇ ehˇ-eu meh.

1 Saˬmeuˬlaˆ 23:4

Kʼoeˇ miˇ neh, Sahˬpaˬ Miˬyehˇ-ahˇ Daˬbiˇ tiˬ poˆ paˇ naˇ haˬ-euˬ meh. Sahˬpaˬ Miˬyehˇ ehˇ-eu, “Kiˇlahˬ meuˬ-ahˇ guiˇ deuˆ-iˇ-awˬ. Aˬ jeˬ miˇ neh ehˇ naˇ, naw maꞈ-ahˇ Piˇliˇtiˆ tsawˇ haˬ deuˬ kʼoeˇ taˆ ngaˇ bi gʼaˬ leˇ ma.”