2 Saˬmeuˬlaˆ 20:9 - Akha

⁹ “Cawˬ-oˇ, nawˇ jawˇ saˇ doˆ miˇ-a loˇ” lehˇ, Aˬmaˬsaˬ-ahˇ Yoˇbaˬ ehˇ nehˬ-awˇ, aˬ yawꞈ-euˬ aˇ maˇ laꞈ neh Aˬmaˬsaˬ-euˬ mehˬ mahˬ-ahˇ tsuˆ tehˬ-awˇ, mehˬ cuˇ cuˇ nehˬ-eu lehˇ gʼeh-euˬ meh.

2 Saˬmeuˬlaˆ 20:9 Σταυροειδείς Αναφορές

2 Saˬmeuˬlaˆ 15:5

Aˬ cawˬ Aˬbaˇsaˬloˬ-euˬ dawˬ peh jiˆ laˇ-awˇ, aˬ yawꞈ-euˬ mehˬ shi miˇ tsa awˆ byaˆ-awˇ yaw zeu baw nehˬ ngeh, aˬ yawꞈ-euˬ aˬ laꞈ cawˬ ja-awˇ, aˬ cawˬ-ahˇ byaˇ tehˬ-awˇ mehˬ cuˇ cuˇ nehˬ-eu meh.

2 Saˬmeuˬlaˆ 17:25

Aˬbaˇsaˬloˬ-aˬ, Aˬmaˬsaˬ-ahˇ Yoˇbaˬ-euˬ dah zaˇ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ bi geuꞈ-euˬ meh. Aˬmaˬsaˬ-aˬ, Iˇshaˬmeˬlaˇ tsawˇ jeuˬ Yeˬdeuˬ-euˬ aˬ li pyeuꞈ-eu meh. Aˬ yawꞈ-euˬ aˬ ma Aˬbiˇgeˬlaˆ hawˇ-eu Yoˇbaˬ-euˬ aˬ ma Zeˬluˇyaˆ aˬ nyaꞈ nmˇ-aˬ, Naˬhaˇ-euˬ aˬ buˇ pyeuꞈ-eu meh.

2 Saˬmeuˬlaˆ 18:29

Sahˬ paˬ ehˇ-eu, “Ngaˬ li Aˬbaˇsaˬloˬ tiˬ jeˬ-iˬ maˬ gʼeh-aˬ loˇ.” Aˬhiˇmaˆ ehˇ-eu, “Sahˬ paˬ-oˇ, Yoˇbaˬ ngaˬ-ahˇ pyehˬ gʼeh laꞈ ngeh, yaw kʼaˆ-ehˇ luiˬ gʼa luꞈ-eu meh. Ehˇ kʼawꞈ yaw duˬ duˬ-ehˇ tiˬ jeˬ-iˬ maˬ siˬ laˇ-aˬ siˬ.”

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Dawqdaq 26:23

Nui ma laꞈ kʼoeˇ kʼaˇ noeˬ-euˬ loꞈ-ehˇ maˬ ngehˬ-eu tsawˇ gahˇ gahˇ-eu dawˬ-aˬ, jaˆ gʼaˬ lehꞈ guiˇ taˬ-euˬ miˇ tsaˬ oeˬ lahˬ-ahˇ duˇ-eu meh.

Dawqdaq 27:6

Cawˬ yaw muiˬ-aˬ, nawˬ-ahˇ jahˇ coeˬ nehˬ laꞈ kʼawꞈ yaw muiˬ meh. Ehˇ kʼawꞈ, muiˇ-eu tsawˇ haˬ nawˬ-euˬ baꞈ pu-ahˇ byaˇ tawꞈ laˇ ngeh, yaw kʼaˆ kʼaˆ-ehˇ yahˇ-awˬ.

Yeˬlaˬmiˇ 41:2

Iˇshaˬmeˬlaˇ hawˇ-eu aˬ yawꞈ-euˬ tsawˇ haˬ kʼoeˇ tseˇ gʼaˬ mi cehˇ gʼawˇ doˆ-awˇ, Geˬdaˬliˇ-ahˇ sehꞈ-euˬ meh.

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Yaˇ kʼaˬ daˇ 3:15

Kʼoeˇ naˇ, Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ guˇ-eu miˇ neh, aˬ yawꞈ maꞈ-ahˇ bi ka kʼoꞈ-eu gʼaˇ duˬ, Sahˬpaˬ Miˬyehˇ tsawˇ haˬ tiˬ gʼaˬ pyehˬ gʼeh-euˬ meh. Tsawˇ haˬ kʼoeˇ gʼaˬ-aˬ, Beˬyaˬmiˬ tsawˇ jeuˬ Geˬlaˬ-euˬ aˬ li Eˬhuˇdaˆ aˇ ca pyeuꞈ-eu meh. Iˇsaˬleˬlaˆ tsawˇ haˬ deuˬ-aˬ, Eˬhuˇdaˆ-ahˇ kʼehˇ-awˇ, Mawˇbaˆ sahˬ paˬ Eˇgaˬloˬ jawˇ gaˇ laꞈ sawˬ bi sha ha-iˇ-euˬ meh.