2 Saˬmeuˬlaˆ 20:6 - Akha

⁶ Kʼoeˇ ngeh, Aˬbiˇshaiˇ-ahˇ sahˬ paˬ ehˇ nehˬ-eu, “Sheˬba gʼaˬ Aˬbaˇsaˬloˬ naˆ maˬ tseˇ aˬ dui-ahˇ laˆ bahˬ tehꞈ-a. Ngaˬ-euˬ tsawˇ haˬ deuˬ sheuˬ-awˇ aˬ yawꞈ-euˬ mehˬ nah teh-iˇ-awˬ. Kʼoeˇ loꞈ-ehˇ maˬ jahˇ naˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meuˬ deuˬ-ahˇ aˬ yawꞈ cehˆ uˇ-iˇ-awˇ, aˬ dui-euˬ laꞈ-ahˇ neh cehˆ buˬ tehꞈ-a.”

2 Saˬmeuˬlaˆ 20:6 Σταυροειδείς Αναφορές

2 Saˬmeuˬlaˆ 10:14

Suˇliˆ tsawˇ haˬ deuˬ cehˆ byaˆ gaˇ Aˬmoˬ tsawˇ haˬ deuˬ ya mawˇ ngeh, Aˬbiˇshaiˇ-ahˇ deuˆ ceh maˬ ceh ni, meuˬ laꞈ kʼoeˇ cehˆ gʼoꞈ uˇ leˇ jiˇ-euˬ meh. Kʼoeˇ naˇ, Yoˇbaˬ-aˬ, Aˬmoˬ tsawˇ haˬ deuˬ-ahˇ guiˇ maˬ deuˆ ni, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

2 Saˬmeuˬlaˆ 11:11

Uˇliˇyaˆ ehˇ-eu, “Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ aˬ cawˬ-ahˇ guiˇ deuˆ luꞈ-awˇ, Dawˬ ma saˇ jaˇ Bahˬ keuˆ kʼawꞈ, aˬ yawꞈ maꞈ nehˬ-ehˇ jaˆ-eu meh. Nga maꞈ kʼoeˇ taˆ uˆ lahˇ-eu Yoˇbaˬ hawˇ-eu aˬ yawꞈ-euˬ guiˇ maꞈ deuˬ kʼoeˇ taˆ aˬ yuiꞈ geuꞈ luꞈ-eu deuˬ, deh ga-ahˇ guiˇ daˬ daˬ-awˇ jawˇ luꞈ-eu meh. Aˬ yawꞈ maꞈ kʼoeˇ loꞈ-ehˇ guiˇ deuˆ deuˆ-ehˇ jawˇ ngeh, ngaˇ iˇ kahˇ-ahˇ gʼoꞈ-iˇ-awˇ dzaˬ byawˬ dawˇ byawˬ-eu laꞈ kʼoeˇ, ngaˬ-euˬ miˬ zaˬ nehˬ-ehˇ aˬ joˆ-ehˇ yuꞈ taꞈ-iˇ nmˇ. Yawˬ ha-euˬ gʼawˇ mawˇ yaw muiˬ yaw shawˇ shawˇ-ehˇ ya jawˇ-eu, heu loꞈ-ehˇ gʼeh-eu guiˇ deuˆ luꞈ-eu aˇ yamˬ-ahˇ, kʼoeˇ loꞈ-ehˇ gʼeh-eu jeˬ ngaˇ maˬ mˇ.”

2 Saˬmeuˬlaˆ 18:12

Tsawˇ haˬ kʼoeˇ gʼaˬ ehˇ-eu, “Nawˇ ngaˬ-ahˇ pyuˇ maˇ byaˆ tiˬ heˇ byaˆ biꞈ laꞈ kʼawꞈ, sahˬ paˬ-euˬ aˬ li-ahˇ laꞈ noeˇ neh tehꞈ-ehˇ kʼawꞈ ngaˇ maˬ toeˬ ciˆ leˇ. Nawˇ hawˇ-eu, Aˬbiˇshaiˇ, Iˇtehˇ nawˬ ha smˇ gʼaˬ-ahˇ, ‘Ngaˬ-euˬ myaˆ pyawˬ-ahˇ haw-eu laꞈ kʼoeˇ, zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de’ lehˇ, sahˬ paˬ dawˬ biꞈ-eu nga maꞈ dawˬ tawˆ luꞈ gaˬ jiˇ-euˬ ma.

2 Saˬmeuˬlaˆ 18:2

Kʼoeˇ naˇ, aˇ muˇ muˇ ma smˬ muˇ biˇ-awˇ, Yoˇbaˬ, Yoˇbaˬ-euˬ aˬ nyiˇ Aˬbiˇshaiˇ hawˇ-eu Gaˬdaˇ meuˬ-ahˇ jawˇ-awˇ laˇ-euˬ Iˇtehˇ aˬ ha smˇ gʼaˬ-ahˇ, tiˬ gʼaˬ tiˬ muˇ sheuˬ-awˇ bi doˆ-iˇ-euˬ meh. “Ngaˬ-euˬ gʼawˇ mawˇ kʼawꞈ naw maꞈ nehˬ-ehˇ iˇ ma” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 19:7

Nymˬ-mˇ iˇ-awˇ, nawˬ-euˬ tsawˇ haˬ deuˬ-ahˇ dawˬ yaw muiˬ paˬ-ehˇ ngehˬ cawˬ nehˬ-iˇ-awˬ. Nawˇ kʼoeˇ loꞈ-ehˇ maˬ jahˇ naˇ, nyi shawˬ uˬ bya bya laˇ ngeh, aˬ yawꞈ maꞈ nawˬ nehˬ-ehˇ tiˬ gʼaˬ-iˬ maˬ jawˇ ni doˆ-iˇ jiˇ tehꞈ-a lehˇ, sahˬ paˬ Miˬyehˇ-euˬ tsawˇ myahˇ uˬ moˆ ngaˇ ehˇ tsehˆ peuˬ ma. Kʼoeˇ-aˬ, nawˬ-euˬ tiˬ ziˇ kʼaˇ ya tahˬ puˬ-euˬ shaˬ zahˬ dawˬ tawˆ luꞈ kʼoeˇ taˆ, doeˇ dui dui-eu jeˬ pyeuꞈ tehꞈ-a.”

2 Saˬmeuˬlaˆ 2:18

Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.

2 Saˬmeuˬlaˆ 21:17

Ehˇ kʼawꞈ, Zeˬluˇyaˆ-euˬ aˬ li Aˬbiˇshaiˇ gʼaˬ Daˬbiˇ-ahˇ caw ba le-awˇ, huiˬ dui goˇ dui dui-eu tsawˇ haˬ kʼoeˇ gʼaˬ-ahˇ deuˆ ceh ceh-awˇ sehꞈ-euˬ meh. Kʼoeˇ ngeh poˆ neh naˇ, guiˇ deuˆ gaˇ Daˬbiˇ-euˬ gʼawˇ mawˇ tiˬ jawˇ-iˬ maˬ paˇ bi oe-eu gʼaˇ duˬ, Daˬbiˇ-euˬ tsawˇ haˬ deuˬ neh Daˬbiˇ-ahˇ saˇ jaˇ bi dzaˬ-euˬ meh. “Nawˇ-aˬ, Iˇsaˬleˬlaˆ miˇ kʼahˬ-euˬ nui ma taˬ duˬ pyeuꞈ-eu miˇ neh, nawˬ-ahˇ nga maꞈ maˬ bi shiˇ peuˬ nya” lehˇ aˬ yawꞈ maꞈ ehˇ-eu meh.

2 Saˬmeuˬlaˆ 23:18

Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ-aˬ, tsawˇ myahˇ doˆ-eu yehˇ smˬ tseˇ gʼaˬ laꞈ kʼoeˇ aˬ yuiꞈ geuꞈ-euˬ gʼaˬ meh. Aˬ yawꞈ-aˬ, aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ guiˇ deuˆ ceh ceh-awˇ sehꞈ jiˇ nehˬ-euˬ miˇ neh, smˬ tseˇ gʼaˬ laꞈ kʼoeˇ tsawˇ myahˇ doˆ-eu gʼaˬ pyeuꞈ laˇ-euˬ meh.

2 Saˬmeuˬlaˆ 3:30

Yoˇbaˬ hawˇ-eu Aˬbiˇshaiˇ aˬ nyaꞈ nmˇ-aˬ, kʼoeˇ loꞈ-ehˇ jahˇ-awˇ, Giˇbyoˬ meuˬ-ahˇ guiˇ deuˆ ngeh aˬ yawꞈ nyaꞈ nmˇ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ aˇ poeˬ, Aˬbaˬnaˬ-ahˇ paˇ sehꞈ poˆ-euˬ meh.

2 Saˬmeuˬlaˆ 3:39

Ngaˇ-aˬ, Miˬyehˇ neh tseˇ doˆ-euˬ sahˬ paˬ tiˬ gʼaˬ pyeuꞈ kʼawꞈ, iˬ nah ngaˬ-ahˇ gʼaˬ byehˆ byehˆ dui dui nya. Zeˬluˇyaˆ-euˬ aˬ li heu deuˬ ngaˬ-euˬ mehˬ shi yaw haiˬ jeˬ mˇ-euˬ heu aˇ dzehˬ dzeuˇ nya. Yaw haiˬ jeˬ mˇ-eu deuˬ-ahˇ aˬ yawꞈ ha mehˇ nmˇ neh kʼaˇ mˇ neh-euˬ loꞈ-ehˇ, aˬ yawꞈ ha mehˇ nmˇ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ luꞈ-uˇ.”

1 Sahˬpaˬ 1:33

Aˬ yawꞈ maꞈ-ahˇ sahˬ paˬ ehˇ nehˬ-eu, “Ngaˬ-euˬ saˇ naˇ gaˇ mˇ-eu yaw huiˬ yaw mahˇ deuˬ-ahˇ naw maꞈ sheuˬ-awˇ, ngaˬ li Sawˇlaˬmoˬ-ahˇ ngaˬ-euˬ mahˬ shaˆ lawˬ bi dziˬ-awˇ, Giˇhoˬ iˇ cuꞈ lawˇ gawˆ-ahˇ sheuˬ gʼeh-awˬ.

1 Laˬsaˬbaˬ 11:20

Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ-aˬ, “Tsawˇ myahˇ doˆ-eu yehˇ smˬ tseˇ gʼaˬ” laꞈ kʼoeˇ, aˬ yuiꞈ geuꞈ-euˬ gʼaˬ meh. Aˬ yawꞈ-aˬ, aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ deuˆ ceh ceh-awˇ sehꞈ jiˇ-euˬ miˇ neh, “Smˬ tseˇ gʼaˬ” laꞈ kʼoeˇ tsawˇ myahˇ doˆ-eu gʼaˬ pyeuꞈ laˇ-eu meh.

1 Laˬsaˬbaˬ 18:12

Zeˬluˇyaˆ-euˬ aˬ li Aˬbiˇshaiˇ-aˬ, Saˬdeuꞈ deh kʼawꞈ-ahˇ Eˬdoˬ tsawˇ haˬ deuˬ-ahˇ guiˇ deuˆ gʼaˬ-awˇ, tiˬ muiˇ yehꞈ heˇ gʼaˬ deuˆ sehꞈ nehˬ-euˬ meh.

Yeˬlaˬmiˇ 8:14

Miˬyehˇ-euˬ tsawˇ haˬ deuˬ ehˇ-eu, “Aˬ jeˬ miˇ neh aˬ dui maꞈ dzuˇ dzuˇ-ehˇ jawˇ te. Ziꞈ dah ni gʼeh-eu meuˬ deuˬ-ahˇ cehˆ-awˇ, kʼoeˇ gaˇ shiˇ leˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ dui kʼoeˇ taˆ shiˇ-eu jeˬ bi keuˆ le-euˬ meh. Aˬ dui aˬ yawꞈ-ahˇ mˇ lehˬ-euˬ miˇ neh, aˬ dui-ahˇ dzaˇ doꞈ bi dawˇ laꞈ-euˬ meh.

Maˬkuˆ 3:24

Miˇ kʼahˬ tiˬ kʼahˬ laꞈ kʼoeˇ aˇ muˇ gʼawˬ mya muˇ muˇ paˆ-awˇ guiˇ deuˆ naˇ, miˇ kʼahˬ kʼoeˇ kʼahˬ maˬ ziꞈ-aˇ.

1 Saˬmeuˬlaˆ 26:6

Heˬtaˆ tsawˇ haˬ Aˬhiˇmaˬlehˇ hawˇ-eu, Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ aˬ nyaꞈ-ahˇ, “Naw nyaꞈ ngaˬ nehˬ-ehˇ Sawˇluˆ-euˬ taˆ-ahˇ aˬ geu gʼaˬ iˇ nmˇ” lehˇ Daˬbiˇ naˇ haˬ ngeh, “Ngaˇ iˇ ma” lehˇ Aˬbiˇshaiˇ ehˇ-eu meh.