2 Saˬmeuˬlaˆ 20:1 - Akha

¹ Giˇlaˇgaˬlaˇ meuˬ laꞈ kʼoeˇ, Beˬyaˬmiˬ tsawˇ jeuˬ Biˇkaˬliˇ-euˬ aˬ li Sheˬba lehˇ myahˇ-euˬ aˬ dzawˬ aˇ gah tiˬ gʼaˬ jawˇ-eu meh. Aˬ yawꞈ daˇ heh baw-awˇ, “Daˬbiˇ-ahˇ aˬ dui maꞈ maˬ taꞈ. Yeˬshehˇ-euˬ aˬ li nehˬ-ehˇ aˬ dui maꞈ nui ma maˬ gm. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ nymˇ-ahˇ yawˬ ha gʼoꞈ-iˇ jiˇ-awˬ” lehˇ guˇ-eu meh.

2 Saˬmeuˬlaˆ 20:1 Σταυροειδείς Αναφορές

Aˇ dahˬ 46:21

Beˬyaˬmiˬ-euˬ aˬ li deuˬ-aˬ, Beˬlaˬ, Beˬkeuˬ, Aˬshaˇbeˬlaˆ, Geˬlaˬ, Neˬmaˬ, Eˇhiˆ, Yoˇshaˆ, Muˇbeˬ, Huˇbeˬ, Aˬlaˬdaˆ, heu deuˬ meh.

2 Saˬmeuˬlaˆ 15:10

Ehˇ kʼawꞈ, Iˇsaˬleˬlaˆ tsawˇ jeuˬ dawˬ tawˆ luꞈ jawˇ gaˇ Aˬbaˇsaˬloˬ tsawˇ haˬ pyehˬ gʼeh-awˇ, “Daˇ heh baw-eu teˇ saˇ-ahˇ naw maꞈ ya gaˬ ngeh, Heˬbyoˬ meuˬ-ahˇ Aˬbaˇsaˬloˬ sahˬ paˬ pyeuꞈ laˇ gʼaˬ-euˬ meh lehˇ guˇ-awˬ” lehˇ bi tsaꞈ gaˬ doe-iˇ-euˬ meh.

2 Saˬmeuˬlaˆ 16:11

Aˬbiˇshaiˇ hawˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ ehˇ nehˬ-eu, “Ngaˬ li maˇ maˇ ni gʼeh-eu gʼaˬ kʼawꞈ, ngaˬ-ahˇ sehꞈ-eu lehˇ leh jeh luꞈ-eu maˬ ngeuˇ-a loˇ. Aˬ jeˬ miˇ neh Beˬyaˬmiˬ tsawˇ jeuˬ heu gʼaˬ-ahˇ naw maꞈ zahˬ leˇ-eu nya. Sahˬpaˬ Miˬyehˇ neh aˬ yawꞈ-ahˇ kʼoeˇ loꞈ-ehˇ yaˬ kʼehˇ bi yaˬ-euˬ meh. Aˬ yawˇ yawꞈ kʼaˇ ehˇ mawꞈ-eu jeˬ ehˇ ehˇ-ehˇ jawˇ luꞈ-uˇ.

2 Saˬmeuˬlaˆ 16:7

Daˬbiˇ-ahˇ Shiˇmiˇ yaˬ kʼehˇ yaˬ-awˇ ehˇ-eu, “Doˆ-iˇ-awˬ. Doˆ-iˇ-awˬ. Aˬ cawˬ-ahˇ sehꞈ-euˬ aˬ dzawˬ aˇ gah nawˇ doˆ-iˇ-awˬ.

2 Saˬmeuˬlaˆ 18:17

Aˬbaˇsaˬloˬ-euˬ gʼawˇ mawˇ-ahˇ, bawˇ tsahˬ-ahˇ jaˆ-eu naꞈ dui dui-eu duˬ kʼahˬ tiˬ kʼahˬ-ahˇ aˬ yawꞈ maꞈ biˬ ahˇ-awˇ, kʼaˬ lo gahˬ tehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-euˬ meh.

2 Saˬmeuˬlaˆ 20:2

Kʼoeˇ miˇ neh, Iˇsaˬleˬlaˆ tsawˇ haˬ deuˬ Daˬbiˇ-ahˇ byehˇ dzeh yaꞈ-awˇ, Sheˬba-euˬ mehˬ nah caw teh-iˇ-euˬ meh. Ehˇ kʼawꞈ, Yuˇdaˆ tsawˇ haˬ deuˬ Daˬbiˇ-ahˇ saˇ jaˇ ziꞈ-awˇ, Yawˇdaˬ lawˇ baˬ-ahˇ neh Yeˬluˇsaˬlehˬ meuˬ-ahˇ keuˆ ni, aˬ yawꞈ-euˬ mehˬ nah caw teh gʼeh-euˬ meh.

2 Saˬmeuˬlaˆ 20:22

Kʼoeˇ naˇ, meuˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ zaˬ miˬ zaˬ kʼoeˇ gʼaˬ mehˬ bawˬ mˇ-awˇ, Sheˬba-euˬ uˬ duˬ deuˆ tsehˆ-awˇ, meuˬ-euˬ lahˇ kʼehˬ laꞈ nyiˇ paw Yoˇbaˬ jawˇ gaˇ biˬ doˆ nehˬ-euˬ meh. Kʼoeˇ naˇ, Yoˇbaˬ daˇ heh baw ngeh, aˬ yawꞈ-euˬ tsawˇ haˬ deuˬ meuˬ kʼoeˇ meuˬ-ahˇ neh doˆ-iˇ-awˇ, yawˬ ha-euˬ nymˇ-ahˇ yawˬ ha gʼoꞈ-iˇ-euˬ meh. Yoˇbaˬ gʼaˬ Yeˬluˇsaˬlehˬ meuˬ-ahˇ sahˬ paˬ jawˇ gaˇ gʼoꞈ leˇ-euˬ meh.

2 Saˬmeuˬlaˆ 23:6

Miˬyehˇ-ahˇ maˬ gʼoe-eu deuˬ-aˬ, aˬ laꞈ neh maˬ toeˬ ciˆ nya-ehˇ, yaˇ dzeˇ biˬ dzeh-awˇ bi jaˆ-euˬ, aˬ gah baw duˆ-ahˇ duˇ-eu meh.

1 Sahˬpaˬ 12:16

Aˬ yawꞈ maꞈ neh shaˇ-euˬ dawˬ-ahˇ sahˬ paˬ Leˬhawˇbamˬ maˬ naˇ haˬ nehˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ heu loꞈ-ehˇ guˇ-eu meh. “Daˬbiˇ-euˬ nymˇ jiˇ kʼoeˇ taˆ yaw cawˆ jeˬ keuˆ le luꞈ-uˇ. Daˬbiˇ neh aˬ dui-ahˇ biꞈ taˬ-euˬ aˬ jeˬ jaˆ ta. Yeˬshehˇ-euˬ aˬ li Daˬbiˇ-ahˇ aˬ dui aˬ jeˬ taꞈ ta. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ iˇ kahˇ-ahˇ yawˬ ha gʼoꞈ leˇ jiˇ-awˬ. Leˬhawˇbamˬ-oˇ, nawˬ-euˬ nymˇ jiˇ-ahˇ nawˇ haw piˇ-awˬ de.” Kʼoeˇ loꞈ-ehˇ guˇ gʼaˬngeh, Iˇsaˬleˬlaˆ tsawˇ haˬ kʼoeˇ deuˬ yawˬ ha-euˬ nymˇ jiˇ kʼaˇ jaˆ gaˇ gʼoꞈ leˇ jiˇ-euˬ meh.

1 Sahˬpaˬ 21:10

Tsawˇ haˬ yaw haiˬ tiˬ gʼaˬ nyiˬ gʼaˬ-ahˇ kʼehˇ-awˇ, Miˬyehˇ hawˇ-eu sahˬ paˬ aˬ nyaꞈ-ahˇ Naˬboˆ neh yaˬ kʼehˇ yaˬ-euˬ meh lehˇ jaˬ myawꞈ bi myawꞈ-awˬ. Kʼoeˇ naˇ, aˬ yawꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo biˬ sehꞈ-awˬ.”

2 Laˬsaˬbaˬ 10:16

Aˬ yawꞈ maꞈ neh shaˇ-euˬ dawˬ-ahˇ sahˬ paˬ Leˬhawˇbamˬ maˬ naˇ haˬ nehˬ gaˇ tsawˇ haˬ kʼoeˇ deuˬ ya mawˇ ngeh, heu loꞈ-ehˇ guˇ-eu meh. “Daˬbiˇ neh aˬ dui-ahˇ biꞈ taˬ-euˬ aˬ jeˬ jaˆ ta. Yeˬshehˇ-euˬ aˬ li-ahˇ aˬ dui maꞈ aˬ jeˬ taꞈ ta. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ iˇ kahˇ-ahˇ gʼoꞈ leˇ jiˇ-awˬ. Daˬbiˇ-oˇ, nawˬ-euˬ nymˇ jiˇ-ahˇ nawˇ haw piˇ-awˬ de.” Kʼoeˇ ngeh jawˇ, Iˇsaˬleˬlaˆ tsawˇ haˬ kʼoeˇ deuˬ, yawˬ ha-euˬ nymˇ jiˇ kʼaˇ jaˆ gaˇ gʼoꞈ leˇ jiˇ-euˬ meh.

2 Laˬsaˬbaˬ 10:6

Kʼoeˇ naˇ, aˬ yawꞈ-euˬ aˬ da Sawˇlaˬmoˬ-ahˇ nui noeˬ nui duˇ biꞈ-euˬ tsawˇ haˬ deuˬ pyeuꞈ-eu tsawˇ mawˬ tsawˇ kʼaˆ deuˬ nehˬ-ehˇ Leˬhawˇbamˬ ja uˇ haw-euˬ meh. “Tsawˇ haˬ heu deuˬ-ahˇ ngaˇ aˬ joˆ-ehˇ ehˇ kʼoꞈ nehˬ-eu tsaˬ nga lehˇ naw maꞈ ehˇ haw sheˇ” lehˇ, aˬ yawꞈ maꞈ-ahˇ aˬ yawꞈ naˇ haˬ-euˬ meh.

Jaceuq 17:13

Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Dawqdaq 26:21

Kʼaˬ gʼeuˬ baˬ da neh miˬ jiˆ neˇ-awˇ, miˬ doꞈ baˬ da neh miˬ lmˇ doˆ-eu loꞈ-ehˇ, dawˬ ja laˆ doˆ-eu deuˬ baˬ da neh iˬ dehˬ iˬ ceh jaˆ-eu meh.

Maˬkuˆ 3:24

Miˇ kʼahˬ tiˬ kʼahˬ laꞈ kʼoeˇ aˇ muˇ gʼawˬ mya muˇ muˇ paˆ-awˇ guiˇ deuˆ naˇ, miˇ kʼahˬ kʼoeˇ kʼahˬ maˬ ziꞈ-aˇ.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Yoˇhaˬ 13:8

Beˬtuˆluˆ ehˇ-eu, “Nawˬ neh ngaˬ-euˬ aˬ kuiˇ tiˬ jawˇ-iˬ maˬ bi dzuiꞈ.” Yeˬsuˇ ehˇ-eu, “Nawˬ-euˬ aˬ kuiˇ ngaˇ maˬ ya dzuiꞈ nehˬ naˇ, nawˇ ngaˬ-ahˇ maˬ paˇ taꞈ nya meh.”

Yaˇ kʼaˬ daˇ 19:22

Aˬ yawꞈ maꞈ laˬ kʼaˬ tiˬ cehˇ jawˇ naˬ mˇ luꞈ ngeh, meuˬ kʼoeˇ meuˬ laꞈ kʼoeˇ jawˇ-eu haiˬ dui dui-eu tsawˇ haˬ tiˬ deuˬ nymˇ kʼoeˇ nymˇ-ahˇ loꞈ jawˬ laˇ-euˬ meh. Tsawˇ haˬ kʼoeˇ deuˬ laˇ gʼoˆ-ahˇ teˇ teˇ-ehˇ, “Nawˬ-eu nymˇ-ahˇ yaꞈ laˇ-euˬ tsawˇ haˬ kʼoeˇ gʼaˬ bi doˆ le-awˬ. Aˬ yawꞈ-ahˇ nga maꞈ kʼaˬ miˬ sheu taꞈ la” lehˇ, nymˇ sahˇ aˬ da aˬ bawˇ tsawˇ mawˬ kʼoeˇ gʼaˬ-ahˇ guˇ-euˬ meh.

Yaˇ kʼaˬ daˇ 3:27

Eˇpaˬleˬ miˇ kʼahˬ gawˬ jawˬ gawˬ duˇ-ahˇ aˬ yawꞈ cehˆ keuˆ ngeh, Iˇsaˬleˬlaˆ tsawˇ haˬ deuˬ-ahˇ daˇ heh baw gaˬ nehˬ-awˇ, guiˇ deuˆ-eu gʼaˇ duˬ kuˇ-euˬ meh. Kʼoeˇ naˇ, gawˬ duˇ-ahˇ neh, aˬ yawꞈ maꞈ-ahˇ aˬ yawꞈ sheuˬ ka gʼeh-euˬ meh.

Luˇta 2:3

Kʼoeˇ naˇ, deh yaˇ-ahˇ Luˇta iˇ-awˇ, cehˇ yehˬ-eu deuˬ-euˬ mehˬ nah caw caw-ehˇ, ga ka yaꞈ-euˬ cehˇ nmˇ deuˬ gʼoˆ-iˇ-euˬ meh. Aˬliˇmaˬlehˇ-euˬ aˬ yuiꞈ aˬ nyiˇ pyeuꞈ-eu Bawˇza-euˬ deh yaˇ-ahˇ, Luˇta iˇ zaˬ-euˬ meh.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 2:12

Eˇliˆ-euˬ aˬ li deuˬ gaˇ dahˇ maˬ tsoeˬ-a. Aˬ yawꞈ maꞈ Sahˬpaˬ Miˬyehˇ-ahˇ yaw zeu maˬ baw-a.

1 Saˬmeuˬlaˆ 30:22

Ehˇ kʼawꞈ, Daˬbiˇ nehˬ-ehˇ iˇ-euˬ nui ma maˬ dawˇ-eu tsawˇ haˬ tiˬ paˆ na deuˬ ehˇ-eu, “Aˬ yawꞈ maꞈ aˬ dui maꞈ nehˬ-ehˇ maˬ oe-euˬ miˇ neh, aˬ dui maꞈ neh deuˆ za-euˬ myawˬ deuˬ aˬ yawꞈ maꞈ-ahˇ maˬ biˇ nehˬ. Aˬ yawꞈ maꞈ-euˬ miˬ zaˬ hawˇ-eu aˬ buˇ aˬ li deuˬ biꞈ kʼoꞈ nehˬ-awˇ, kʼaˇ iˇ-eu paw bi iˇ-awˬ.”