2 Saˬmeuˬlaˆ 2:5 - Akha5 tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Naw maꞈ-euˬ sahˬ paˬ-ahˇ baꞈ pahˬ nehˬ-euˬ laꞈ kʼoeˇ, naw maꞈ saˇ jaˇ ziꞈ-eu gaˇ kawˆ bi siˬ bi mawˇ-euˬ miˇ neh, Sahˬpaˬ Miˬyehˇ naw maꞈ-ahˇ guiˬ lahˬ biꞈ luꞈ-uˇ. Δείτε το κεφάλαιο |
2 Saˬmeuˬlaˆ 2:5
16 Σταυροειδείς Αναφορές
Nawˇ heu gaˇ cehˆ jawˇ le-euˬ maˬ myahˇ laˇ-euˬ miˇ neh, nawˬ-ahˇ ngaˇ doe doe-ehˇ sheuˬ-awˇ cah paˬ-ehˇ maˬ gʼeh-a. Kʼoeˇ uˬ taꞈ, ngaˇ aˬ geu paw ya iˇ-eu gaˇ kawˆ kʼawꞈ maˬ ehˇ duˬ nya-a siˬ. Kʼoeˇ miˇ neh, nawˬ-euˬ tsawˇ haˬ deuˬ-ahˇ sheuˬ-awˇ gʼoꞈ-iˇ-awˬ. Sahˬpaˬ Miˬyehˇ nawˬ-ahˇ saˇ jaˇ ziꞈ-awˇ, gʼawˬ shaˬ gaˬ nehˬ laꞈ luꞈ-uˇ.”
Giˇlaˆ miˇ kʼahˬ Jaˬbehˆ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ iˇ-awˇ, Sawˇluˆ hawˇ-eu aˬ yawꞈ-euˬ aˬ li Yawˇnaˆshaˬ-euˬ shaˬ yoeˬ yuˇ laˬ-iˇ-euˬ meh. Giˇlaˬbawˬ gawˬ jawˬ-ahˇ Sawˇluˆ-ahˇ sehꞈ ngeh nah, aˬ yawꞈ nyaꞈ da za-euˬ gʼawˇ mawˇ-ahˇ Piˇliˇtiˆ tsawˇ haˬ deuˬ neh Behˬshaˬ meuˬ laꞈ kʼoeˇ jaˆ-eu tsawˇ haˬ uiˬ leˇ bymˇ leˇ duˬ-ahˇ paꞈ gʼeu taˬ-euˬ gaˇ, Jaˬbehˆ meuˬ-ahˇ jawˇ-eu tsawˇ haˬ deuˬ neh baꞈ kʼoeˬ kʼoꞈ laꞈ-euˬ meh.
Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ neh ehˇ taˬ-euˬ loꞈ-ehˇ nga nyaꞈ maˬ mˇ naˇ, Miˬyehˇ nga nyaꞈ-ahˇ sehꞈ luꞈ-uˇ. Nga nyaꞈ neh mˇ yaꞈ-eu gaˇ kawˆ tsawˇ haˬ tiˬ gʼaˬ-ahˇ-iˬ nawˇ maˬ ehˇ nehˬ ni jawˇ naˇ, miˇ kʼahˬ heu kʼahˬ Sahˬpaˬ Miˬyehˇ nga maꞈ-ahˇ biꞈ laꞈ ngeh, nawˬ-ahˇ yaw muiˬ paˬ-ehˇ haw nehˬ ma.”
Ehˇ kʼawꞈ, aˬ yawꞈ maꞈ gaˇ pehˇ le luꞈ ngeh, aˬ yawꞈ nyaꞈ-ahˇ Nawˇmi heu loꞈ-ehˇ ehˇ nehˬ-euˬ meh. “Iˇ kahˇ paw gʼoꞈ-iˇ-awˇ naw nyaꞈ-euˬ aˬ ma nehˬ-ehˇ jawˇ yaꞈ-awˬ. Ngaˬ-ahˇ maˬ ehˇ, shiˇ dzeuˇ gʼaˬ-euˬ ngaˬ li nyiˬ gʼaˬ-ahˇ maˬ ehˇ, naw nyaꞈ yaw muiˬ jeˬ mˇ nehˬ laꞈ-euˬ loꞈ-ehˇ, naw nyaꞈ-ahˇ Sahˬpaˬ Miˬyehˇ yaw muiˬ jeˬ mˇ nehˬ luꞈ-uˇ.
Bawˇza ehˇ-eu, “Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˬ-euˬ kʼaˬ dzeˇ zaˬ-euˬ aˇ jeuˬ aˇ ca-ahˇ, nawˇ saˇ jaˇ ziꞈ dui dui-eu gaˇ kawˆ, nymˬ-mˇ nawˇ mˇ-eu heu naˆ maˬ tseˇ, nawˬ-euˬ zahˇ shaˇ aˬ ma-ahˇ nawˬ neh mˇ nehˬ-euˬ gaˇ deuˬ, saˇ kiˇ pyeuꞈ luꞈ meh. Iˬ nah keuˆ ni, smˇ muiˬ muiˬ gaˇ maˬ ehˇ, iˇ shaˬ shaˬ gaˇ maˬ ehˇ, zaˬ guˬ tiˬ gʼaˬ na-ahˇ dahˬ dzaˬ-iˇ ma lehˇ nawˇ maˬ noeˬ-a.
Ba la tiˬ siˬ ehˇ gʼaˬ ni myahˇ laˇ ngeh, Aˬmoˬ sahˬ paˬ Naˬhaˆ-aˬ, aˬ yawꞈ-euˬ guiˇ maꞈ sheuˬ-awˇ, Giˇlaˆ miˇ kʼahˬ Jaˬbehˆ meuˬ-ahˇ loꞈ jawˬ le-euˬ meh. Kʼoeˇ ngeh, Jaˬbehˆ meuˬ-ahˇ jawˇ-eu tsawˇ haˬ deuˬ sahˬ paˬ Naˬhaˆ-ahˇ, “Nga maꞈ nehˬ-ehˇ saˇ jaˇ dzaˬ nehˬ laꞈ-awˬ. Nawˇ uˆ lahˇ-eu uˬ moˆ nga maꞈ jawˇ ma” lehˇ ehˇ nehˬ-euˬ meh.
“Ni shawˬ nah nah loˆ maˬ ceh laˇ mi naˆ-ehˇ ka kʼoꞈ laˇ ma lehˇ, naw maꞈ-euˬ tsawˇ haˬ deuˬ-ahˇ ehˇ nehˬ leˇ-awˬ” lehˇ, Jaˬbehˆ meuˬ-ahˇ neh oe-awˇ dawˬ tsaꞈ tsaꞈ le-euˬ tsawˇ haˬ kʼoeˇ deuˬ-ahˇ aˬ yawꞈ maꞈ ehˇ nehˬ-euˬ meh. Jaˬbehˆ meuˬ-ahˇ jawˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, laˬ kʼaˬ cehˇ dui dui-eu meh.
Διαφημίσεις