2 Saˬmeuˬlaˆ 2:32 - Akha

³² Yoˇbaˬ hawˇ-eu aˬ yawꞈ-euˬ tsawˇ haˬ deuˬ Aˬsaˬheˬlaˇ-euˬ gʼawˇ mawˇ baꞈ-awˇ, Behˬlehˬhehˬ meuˬ-ahˇ jaˆ-eu aˬ yawꞈ pehˬ aˇ jeuˬ-euˬ lmˬ bymˇ-ahˇ baꞈ pahˬ yaꞈ-euˬ meh. Aˬ yawꞈ maꞈ uˬ ciꞈ miˇ lah-ehˇ gʼoꞈ leˇ-awˇ, uˬ bya bya laˇ ngeh Heˬbyoˬ meuˬ-ahˇ gʼoꞈ keuˆ leˇ-euˬ meh.

2 Saˬmeuˬlaˆ 2:32 Σταυροειδείς Αναφορές

Aˇ dahˬ 47:29

Aˬ yawꞈ ziˇ jiˇ-eu dawˬ peh peh laˇ ngeh, aˬ yawꞈ-euˬ aˬ li Yoˇsehˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Nawˬ-euˬ aˬ laꞈ ngaˬ-euˬ shaˬ pyaˬ yaw kaˬ-ahˇ cawˬ ahˇ-awˇ, nawˇ ngaˬ-ahˇ Iˇjiˇtuˆ miˇ kʼahˬ laꞈ kʼoeˇ maˬ baꞈ pahˬ lehˇ saˇ jaˇ dzaˬ-awˬ.

Aˇ dahˬ 47:30

Ngaˬ bawˇ hawˇ-eu ngaˬ da-ahˇ baꞈ pahˬ-euˬ miˇ tsaˬ-ahˇ, ngaˬ-ahˇ bi baꞈ pahˬ mawꞈ miˇ-a. Ngaˬ-ahˇ Iˇjiˇtuˆ miˇ kʼahˬ laꞈ kʼoeˇ neh baꞈ doˆ gʼeh-awˇ, aˬ yawꞈ nyaꞈ-ahˇ baꞈ pahˬ taˬ-euˬ tsahˇ-ahˇ baꞈ pahˬ nehˬ laꞈ-awˬ.” Yoˇsehˆ ehˇ-eu, “Nawˬ neh kʼaˇ ehˇ nehˬ laꞈ-euˬ loꞈ-ehˇ jahˇ nehˬ ma.”

2 Saˬmeuˬlaˆ 2:31

Daˬbiˇ-euˬ tsawˇ haˬ deuˬ-aˬ, Aˬbaˬnaˬ-euˬ tsawˇ haˬ deuˬ pyeuꞈ-eu Beˬyaˬmiˬ tsawˇ jeuˬ smˬ yaˇ koꞈ tseˇ gʼaˬ-ahˇ sehꞈ-eu meh.

2 Saˬmeuˬlaˆ 5:1

Kʼoeˇ naˇ, Iˇsaˬleˬlaˆ tsawˇ jeuˬ dawˬ tawˆ luꞈ, Heˬbyoˬ meuˬ-ahˇ Daˬbiˇ jawˇ gaˇ laˇ-awˇ, heu loꞈ-ehˇ ehˇ-eu meh. “Nga maꞈ-aˬ, nawˬ-euˬ shiˬ shaˬ pyeuꞈ-eu ma.

2 Laˬsaˬbaˬ 16:14

Kʼoeˇ ngeh, Daˬbiˇ-euˬ meuˬ laꞈ kʼoeˇ aˬ yawꞈ-ahˇ bi baꞈ pahˬ-eu gʼaˇ duˬ aˬ yawˇ yawꞈ taꞈ taˬ-euˬ lmˬ bymˇ laꞈ kʼoeˇ, aˬ yawꞈ-ahˇ baꞈ pahˬ-euˬ meh. Aˬ yawꞈ-euˬ gʼawˇ mawˇ-ahˇ laˆ saˆ-eu gʼaˇ duˬ saw dui dui-eu tsiˇ gʼawˬ nya jeˬ aˬ yawꞈ maꞈ zmˬ-awˇ, miˬ dzaˬ jeˆ bymˇ bymˇ ma bymˇ-awˇ, aˬ yawꞈ gʼaˇ duˬ tsawˇ ngoeˇ ngoeˇ-euˬ meh.

2 Laˬsaˬbaˬ 21:1

Yeˬhawˇshaˬpaˇ ziˇ jiˇ-awˇ, Daˬbiˇ-euˬ meuˬ-ahˇ jaˆ-eu sahˬ paˬ deuˬ-euˬ lmˬ bymˇ-ahˇ baꞈ pahˬ nehˬ-euˬ meh. Aˬ yawꞈ-euˬ aˬ li Yeˬhawˇlamˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Yaˇ kʼaˬ daˇ 8:32

Yawˇshaˆ-euˬ aˬ li Giˇdoˬ-aˬ, tsawˇ mawˬ mawˬ laˇ-awˇ, ziˇ dehꞈ jiˇ-euˬ meh. Aˬbyeˇzaˬ aˇ jeuˬ-euˬ meuˬ pyeuꞈ-eu Awˇpaˬlaˇ meuˬ-ahˇ jaˆ-eu aˬ yawꞈ-euˬ aˬ da Yawˇshaˆ-euˬ lmˬ bymˇ-ahˇ, aˬ yawꞈ-ahˇ baꞈ pahˬ-euˬ meh.

1 Saˬmeuˬlaˆ 17:58

“Aˬ li zaˬ guˬ-oˇ, nawˇ aˬ suˇ gʼaˬ-euˬ aˬ li te” lehˇ Sawˇluˆ naˇ haˬ ngeh. “Ngaˇ-aˬ, Behˬlehˬhehˬ meuˬ-ahˇ jawˇ-eu nawˬ-euˬ zaˬ kʼaˆ Yeˬshehˇ-euˬ aˬ li ma” lehˇ, Daˬbiˇ ehˇ kʼoꞈ nehˬ-euˬ meh.