2 Saˬmeuˬlaˆ 2:27 - Akha

²⁷ Yoˇbaˬ ehˇ-eu, “Nawˇ teu loꞈ-ehˇ maˬ ehˇ law nmˇ-aˬ, ni shawˬ uˬ shawˬ paw keuˆ ni ngaˬ-euˬ tsawˇ haˬ deuˬ naw maꞈ-euˬ mehˬ nah teh teh-ehˇ jawˇ tehꞈ-a lehˇ, dehꞈ luꞈ-eu Miˬyehˇ mehˬ shi ngaˇ kamˬ peuˬ ma.”

2 Saˬmeuˬlaˆ 2:27 Σταυροειδείς Αναφορές

2 Saˬmeuˬlaˆ 2:14

Kʼoeˇ ngeh, “Aˬ dui maꞈ nyiˬ paw luꞈ zaˬ guˬ tseˇ doˆ-awˇ, guiˇ deuˆ-eu keu ka biꞈ-awˇ bi deuˆ ceh ceh haw kaˇ-euˇ” lehˇ, Yoˇbaˬ-ahˇ Aˬbaˬnaˬ ehˇ nehˬ ngeh, “Bi deuˆ ceh ceh haw-awˬ tawˇ” lehˇ, Yoˇbaˬ ehˇ kʼoꞈ nehˬ-euˬ meh.

2 Saˬmeuˬlaˆ 2:26

Yoˇbaˬ-ahˇ Aˬbaˬnaˬ guˇ-awˇ ehˇ nehˬ-eu, “Aˬ dui maꞈ aˬ myah luꞈ heu loꞈ-ehˇ tehꞈ-ehˇ deuˆ ceh ceh ma loˇ. Aˇ saˬ saˬ laˇ ngeh, nui ma naˇ-eu jeˬ maˬ ngeuˇ naˇ, nui jeˬ tiˬ jeˬ-iˬ maˬ dzeˇ-ehˇ pyeuˬ-iˇ tehꞈ-a lehˇ, nawˬ-ahˇ maˬ noeˬ mawˇ laˇ nya loˇ. Nga maꞈ kʼawꞈ naw maꞈ-ahˇ aˬ yuiꞈ aˬ nyiˇ taꞈ-eu miˇ kʼahˬ zaˬ deuˬ tehꞈ ma. Nawˬ-euˬ tsawˇ haˬ deuˬ-ahˇ nga maꞈ-euˬ mehˬ nah taˬ paˇ teh lehˇ aˬ myah ehˇ nehˬ-eu gʼeh te.”

2 Saˬmeuˬlaˆ 2:28

Kʼoeˇ naˇ, Yoˇbaˬ daˇ heh baw-awˇ, aˬ yawꞈ-euˬ tsawˇ haˬ deuˬ Iˇsaˬleˬlaˆ tsawˇ haˬ deuˬ-euˬ mehˬ nah maˬ paˇ teh ni bi naˬ leˇ-awˇ, guiˇ maˬ deuˆ ni byehˇ-euˬ meh.

Yawˇbaˆ 27:2

“Ngaˬ-euˬ kʼoeˇ taˆ yaw tsaˬ yaw dawˇ jeˬ maˬ bi keuˆ le-ehˇ, ngaˇ yaw dehꞈ dehꞈ-eu jeˬ-ahˇ kʼaˬ jehꞈ ni bi pyeuꞈ laˇ-euˬ gʼaˬ pyeuꞈ-eu, Baoˬ huiˬ-eu Miˬyehˇ mehˬ shi ngaˇ heu loꞈ-ehˇ ehˇ tsehˆ-eu ma.

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 20:18

Bawˬ toˆ yaw muiˬ suˇ teˇ naˇ, suˇ dawˬ maˬ kuꞈ gaˇ guiˇ taˬ deuˆ.

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Iˇsaˬyaˇ 47:7

Aˬ myah luꞈ sahˬ paˬ ma ya geuꞈ ma lehˇ nawˇ noeˬ tmˬ-awˇ, gaˇ kawˆ heu deuˬ-ahˇ nawˇ maˬ shaˇ sawˇ ni, mehˬ hu paw pyeuꞈ laˇ-eu gaˇ kawˆ maˬ shaˇ noeˬ-a.

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.