2 Saˬmeuˬlaˆ 2:13 - Akha

¹³ Zeˬluˇyaˆ-euˬ aˬ li Yoˇbaˬ hawˇ-eu Daˬbiˇ-euˬ gaˇ mˇ-eu yaw huiˬ yaw mahˇ deuˬ aˬ yawꞈ maꞈ-ahˇ Giˇbyoˬ lah dawˬ peh tahˬ puˬ-awˇ, lah-euˬ kʼoeˇ baˬ heu baˬ-ehˇ, aˇ muˇ muˇ-awˇ nuiˇ luꞈ-eu meh.

2 Saˬmeuˬlaˆ 2:13 Σταυροειδείς Αναφορές

2 Saˬmeuˬlaˆ 2:18

Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.

2 Saˬmeuˬlaˆ 20:23

Yoˇbaˬ-aˬ, Iˇsaˬleˬlaˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh. Yeˬhawˇyaˬdaˬ-euˬ aˬ li Baˬnaˇyaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh.

2 Saˬmeuˬlaˆ 20:8

Giˇbyoˬ meuˬ dawˬ peh jaˆ-eu kʼaˬ lo lo ma dawˬ peh aˬ yawꞈ maꞈ iˇ keuˆ ngeh, Aˬmaˬsaˬ-ahˇ tahˬ puˬ-euˬ meh. Yoˇbaˬ gʼaˬ guiˇ deuˆ-eu keu ka dm luꞈ-awˇ, aˬ yawꞈ-euˬ joꞈ paꞈ-ahˇ mi cehˇ dawꞈ luꞈ-eu meh. Aˬ yawꞈ mehˬ hu paw doˆ laˇ-eu nehˬ-ehˇ, aˬ yawꞈ-euˬ mi cehˇ kʼoeˇ kahˇ ga doˆ le-euˬ meh.

2 Saˬmeuˬlaˆ 23:24

Tsawˇ myahˇ doˆ-eu yehˇ smˬ tseˇ gʼaˬ laꞈ kʼoeˇ ahˇ-eu deuˬ-aˬ, Yoˇbaˬ-euˬ aˬ nyiˇ Aˬsaˬheˬlaˇ Behˬlehˬhehˬ meuˬ-ahˇ jawˇ-eu Doˇdoˬ-euˬ aˬ li Eˇlaˬhaˬnaˬ

2 Saˬmeuˬlaˆ 8:16

Zeˬluˇyaˆ-euˬ aˬ li Yoˇbaˬ gʼaˬ, Daˬbiˇ-euˬ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

1 Sahˬpaˬ 1:7

Sahˬ paˬ Daˬbiˇ-euˬ dmˇ ma Zeˬluˇyaˆ-euˬ aˬ li Yoˇbaˬ hawˇ-eu piˇ ma Aˬbyaˬdaˬ aˬ nyaꞈ-ahˇ aˬ yawꞈ mehˬ bawˬ mˇ haw ngeh, aˬ yawꞈ nyaꞈ kʼawꞈ aˬ yawꞈ jawˇ paw pyawˬ ma lehˇ ehˇ nehˬ-euˬ meh.

1 Sahˬpaˬ 2:5

“Tiˬ jeˬ paˇ jaˆ-a siˬ. Iˇsaˬleˬlaˆ guiˇ maꞈ kʼoeˇ taˆ uˆ lahˇ-eu deuˬ pyeuꞈ-eu Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ sehꞈ-eu laꞈ kʼoeˇ, Yoˇbaˬ neh ngaˬ-ahˇ mˇ coeˬ nehˬ laꞈ-euˬ jeˬ-ahˇ nawˇ siˬ nya meh. Guiˇ deuˆ ngeh aˬ yawꞈ nyaꞈ neh aˬ cawˬ-ahˇ deuˆ sehꞈ-euˬ aˇ poeˬ, guiˇ maˬ deuˆ-ehˇ ciˬ cuˇ ni jawˇ luꞈ ngeh aˬ yawꞈ nyaꞈ-ahˇ Yoˇbaˬ laꞈ poˆ poˆ kʼoꞈ nehˬ-euˬ gaˇ kawˆ nawˇ siˬ nya meh. Iˬ baˇ maˬ ahˇ-eu tsawˇ haˬ-ahˇ aˬ yawꞈ sehꞈ-euˬ miˇ neh, aˬ yawꞈ-euˬ yaw lehˬ ngaˬ-euˬ kʼoeˇ taˆ keuˆ le-awˇ, ngaˇ ya daˬ luꞈ-eu ma.

1 Laˬsaˬbaˬ 11:6

“Yeˬbuˇ tsawˇ haˬ-ahˇ sehꞈ beh beh-euˬ gʼaˬ, guiˇ maꞈ kʼoeˇ taˆ uˆ lahˇ-eu gʼaˬ bi geuꞈ ma” lehˇ, Daˬbiˇ ehˇ-euˬ meh. Zeˬluˇyaˆ-euˬ aˬ li Yoˇbaˬ-aˬ, aˬ cawˬ mehˬ hu guiˇ daˬ daˬ-awˇ, guiˇ maꞈ kʼoeˇ taˆ uˆ lahˇ-eu gʼaˬ pyeuꞈ laˇ-euˬ meh.

1 Laˬsaˬbaˬ 2:16

aˬ ha mehˇ nmˇ meh. Yeˬshehˇ-aˬ, Zeˬluˇyaˆ hawˇ-eu Aˬbiˇgeˬlaˆ lehˇ myahˇ-euˬ aˬ buˇ nyiˬ buˇ kʼawꞈ jawˇ-eu meh. Yeˬshehˇ-euˬ aˬ buˇ Zeˬluˇyaˆ-aˬ, Aˬbiˇshehˇ, Yoˇbaˬ, Aˬsaˬheˬlaˇ lehˇ myahˇ-euˬ aˬ li smˬ li jawˇ-eu meh.

1 Laˬsaˬbaˬ 27:7

Ba la oeˬ siˬ tiˬ siˬ-ahˇ gaˇ ya mˇ-eu aˇ muˇ oeˬ muˇ tiˬ muˇ kʼoeˇ taˆ aˬ yuiꞈ geuꞈ-eu gʼaˬ-aˬ, Yoˇbaˬ-euˬ aˬ nyiˇ Aˬsaˬheˬlaˇ meh. Aˬ yawꞈ-euˬ aˬ li Zeˬbaˬdiˇ gʼaˬ aˬ yawꞈ-euˬ dah zaˇ aˬ yuiꞈ geuꞈ daˆ leꞈ-euˬ meh. Aˬ yawꞈ-euˬ aˇ muˇ zaˬ nyiˬ muiˇ oeˬ heˇ gʼaˬ byah-eu meh.

Yeˬlaˬmiˇ 41:12

Kʼoeˇ miˇ neh, aˬ yawꞈ maꞈ tsawˇ haˬ sheuˬ-awˇ, aˬ yawꞈ-euˬ mehˬ nah teh-iˇ-awˇ, Giˇbyoˬ meuˬ-ahˇ jaˆ-eu lah duˬ duˬ ma dawˬ peh aˬ yawꞈ-ahˇ deuˆ gʼaˬ-euˬ meh.

1 Saˬmeuˬlaˆ 26:6

Heˬtaˆ tsawˇ haˬ Aˬhiˇmaˬlehˇ hawˇ-eu, Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ aˬ nyaꞈ-ahˇ, “Naw nyaꞈ ngaˬ nehˬ-ehˇ Sawˇluˆ-euˬ taˆ-ahˇ aˬ geu gʼaˬ iˇ nmˇ” lehˇ Daˬbiˇ naˇ haˬ ngeh, “Ngaˇ iˇ ma” lehˇ Aˬbiˇshaiˇ ehˇ-eu meh.