2 Saˬmeuˬlaˆ 19:39 - Akha

³⁹ Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ tsehˆ doˆ-euˬ meh. Baˬziˇlehˇ-ahˇ aˬ yawꞈ mehˬ cuˇ cuˇ nehˬ-awˇ, dawˬ ngehˬ gʼeh nehˬ yaꞈ-euˬ meh. Kʼoeˇ naˇ, Baˬziˇlehˇ gʼoꞈ leˇ-euˬ meh.

2 Saˬmeuˬlaˆ 19:39 Σταυροειδείς Αναφορές

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 31:55

Laˬbaˬ-aˬ, yawˬ nah yawˬ uˬ shawˬ yaw naꞈ-ehˇ, aˬ yawꞈ-euˬ aˬ buˇ deuˬ hawˇ-eu, aˬ yawꞈ-euˬ oeˬ paˬ oeˬ ma deuˬ-ahˇ mehˬ cuˇ cuˇ yaꞈ-awˇ gʼoꞈ-iˇ-euˬ meh.

Aˇ dahˬ 45:15

Yoˇsehˆ ngoeˇ ngoeˇ-ehˇ, aˬ ha mehˇ nmˇ tiˬ gʼaˬ saˇ-iˬ tiˬ gʼaˬ-ahˇ byaˇ cuꞈ-awˇ, mehˬ cuˇ cuˇ nehˬ-euˬ meh. Kʼoeˇ naˇ, aˬ ha mehˇ nmˇ aˬ yawꞈ nehˬ-ehˇ dawˬ ja ja cawˬ-euˬ meh.

Aˇ dahˬ 47:10

Kʼoeˇ naˇ, sahˬ paˬ-ahˇ dawˬ ngehˬ gʼeh nehˬ yaꞈ-awˇ, Yaˬkoˆ doˆ-iˇ-euˬ meh.

Aˇ dahˬ 47:7

Kʼoeˇ naˇ, Yoˇsehˆ neh aˬ yawꞈ aˬ da Yaˬkoˆ-ahˇ sahˬ paˬ jawˇ gaˇ sheuˬ gʼeh-awˇ, sahˬ paˬ-ahˇ Yaˬkoˆ dawˬ ngehˬ gʼeh nehˬ-euˬ meh.

2 Saˬmeuˬlaˆ 13:25

“Ngaˬ li-oˇ, ngaˇ maˬ paˇ oe ma. Nga maꞈ dawˬ tawˆ luꞈ oe naˇ, nawˬ-euˬ gʼaˇ duˬ yaw shaˬ nga” lehˇ, Aˬbaˇsaˬloˬ-ahˇ sahˬ paˬ ehˇ nehˬ-euˬ meh. Aˬbaˇsaˬloˬ kuˇ dui dui kʼawꞈ, aˬ yawꞈ maˬ iˇ nehˬ ni, Aˬbaˇsaˬloˬ-ahˇ bi gʼoꞈ-iˇ-euˬ meh.

2 Saˬmeuˬlaˆ 14:33

Sahˬ paˬ Daˬbiˇ jawˇ gaˇ Yoˇbaˬ le-awˇ, Aˬbaˇsaˬloˬ neh kʼaˇ bi ehˇ-euˬ jeˬ dzawˇ nehˬ leˇ-euˬ meh. Kʼoeˇ ngeh, sahˬ paˬ neh Aˬbaˇsaˬloˬ-ahˇ bi kuˇ laˬ-iˇ-awˇ, Aˬbaˇsaˬloˬ laˇ-awˇ, sahˬ paˬ-euˬ mehˬ shi miˇ tsa awˆ byaˆ-eu laꞈ kʼoeˇ, yaw zeu baw nehˬ-euˬ meh. Aˬbaˇsaˬloˬ-ahˇ sahˬ paˬ mehˬ cuˇ cuˇ-awˇ ha geuꞈ nehˬ-euˬ meh.

2 Saˬmeuˬlaˆ 19:38

Sahˬ paˬ ehˇ-eu, “Aˬ yawꞈ-ahˇ ngaˇ sheuˬ gʼeh-awˇ, nawˬ neh kʼaˇ bi geuꞈ mawꞈ-eu jeˬ bi geuꞈ ma. Kʼoeˇ uˬ taꞈ, nawˇ kʼaˇ shaˇ-eu jeˬ kʼawꞈ, nawˬ-ahˇ ngaˇ biꞈ ma.”

2 Saˬmeuˬlaˆ 6:18

Aˬ yawꞈ lawˇ gʼaˬ shehˇ gʼaˬ ngeh, Sahˬpaˬ Miˬyehˇ-euˬ tsawˇ myahˇ uˬ moˆ, tsawˇ haˬ aˇ maꞈ-ahˇ dawˬ ngehˬ gʼeh nehˬ-euˬ meh.

2 Saˬmeuˬlaˆ 6:20

Daˬbiˇ aˬ yawꞈ-euˬ miˬ sawˇ zaˬ deuˬ-ahˇ dawˬ ngehˬ gʼeh nehˬ-eu lehˇ iˇ kahˇ gʼoꞈ leˇ ngeh, Miˇkaˬlaˇ doˆ le-awˇ ehˇ-eu, “Iˇsaˬleˬlaˆ sahˬ paˬ iˬ nah kʼahˬ sehˇ jaˆ dui dui ngaˇ. Aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ zaˬ miˬ zaˬ zaˬ kʼaˆ deuˬ mehˬ shi tsawˇ uˬ tiˬ gʼaˬ loꞈ-ehˇ teuˆ teuˆ-ehˇ, maˬ gaˇ dui dui ngaˇ.”

1 Sahˬpaˬ 19:20

Kʼoeˇ ngeh, Eˇliˇshehˇ mawˇ neˇ-ahˇ byehˇ dzeh yaꞈ-awˇ, Eˇliˇyaˆ-euˬ mehˬ nah cehˆ gʼeh-awˇ, “Nawˬ-euˬ mehˬ nah ngaˇ maˬ caw teh le mi naˆ-ehˇ, ngaˬ ma ngaˬ da jawˇ gaˇ gʼoꞈ-iˇ-awˇ, mehˬ cuˇ bi cuˇ-iˇ nehˬ laꞈ” lehˇ ehˇ-eu meh. Eˇliˇyaˆ gʼeh, “Muiˬ tehꞈ-a. Gʼoꞈ-iˇ nya tehꞈ-a. Nawˬ-ahˇ ngaˇ maˬ laˆ tsoeˬ” lehˇ ehˇ-eu meh.

Bawˇtsahˬ 24:25

Kʼoeˇ naˇ, Baˬlamˬ lehˬ hmˬ-awˇ gʼoꞈ-iˇ-euˬ meh. Baˬlehˇ gʼaˬ gʼeh, yawˬ ha-euˬ gaˇ ma yawˬ ha iˇ gʼeh-euˬ meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

1 Teˇsaˬloˇni 5:26

Aˬ yuiꞈ aˬ nyiˇ Ka li zaˬ dawˬ tawˆ luꞈ-ahˇ muiˬ-eu shawˇ-eu laꞈ kʼoeˇ mehˬ cuˇ cuˇ-awˇ ha-awˬ.

Luˇta 1:14

Kʼoeˇ ngeh, aˬ yawꞈ nyaꞈ tiˬ poˆ paˇ ngoeˇ-euˬ meh. Kʼoeˇ naˇ, Awˇpaˬ gʼaˬ, Nawˇmi-ahˇ mehˬ cuˇ cuˇ nehˬ yaꞈ-awˇ, gʼoꞈ-iˇ-euˬ meh. Ehˇ kʼawꞈ, Luˇta gʼaˬ Nawˇmi-ahˇ maˬ byehˇ coeˇ-a.

1 Saˬmeuˬlaˆ 24:22

Kʼoeˇ ngeh, Sawˇluˆ nehˬ-ehˇ Daˬbiˇ saˇ jaˇ dzaˬ-euˬ meh. Kʼoeˇ naˇ, Sawˇluˆ gʼoꞈ-iˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ kʼawꞈ, ziꞈ dah ni gʼeh-eu dzuˇ zaꞈ duˬ-ahˇ gʼoꞈ leˇ-euˬ meh.