2 Saˬmeuˬlaˆ 19:27 - Akha

²⁷ Kʼoeˇ naˇ, ngaˬ-euˬ gaˇ kawˆ aˬ yawꞈ nawˬ-ahˇ jaˬ myawꞈ myawꞈ nehˬ laˇ-euˬ meh. Ehˇ kʼawꞈ nawˇ-aˬ Miˬyehˇ-euˬ mˬ taˆ gʼaˬ kʼehˇ-ahˇ duˇ-eu miˇ neh, nawˬ neh tsaˬ meh lehˇ kʼaˇ noeˬ-euˬ loꞈ-ehˇ mˇ-awˬ.

2 Saˬmeuˬlaˆ 19:27 Σταυροειδείς Αναφορές

2 Saˬmeuˬlaˆ 14:17

Ngaˬ-euˬ saˇ jaˇ baˬ da neh, ngaˇ guˆ kʼaˇ maˬ za ni ya dehꞈ tehꞈ-a lehˇ yawˬ haˇ yawˬ ha ehˇ-euˬ ma. Aˬ jeˬ miˇ neh ehˇ naˇ, sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ-ahˇ duˇ-awˇ, yaw muiˬ yaw doeˇ tseˇ paˆ nya-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ.”

2 Saˬmeuˬlaˆ 14:20

Ehˇ kʼawꞈ, nymˬ-mˇ pyeuꞈ luꞈ-eu gaˇ kawˆ heu bi muiˬ laˇ-eu gʼaˇ duˬ aˬ yawꞈ heu loꞈ-ehˇ mˇ-euˬ meh. Sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ loꞈ-ehˇ tsawˇ gahˇ ahˇ-awˇ, kʼaˇ pyeuꞈ laˇ-euˬ jeˬ dawˬ tawˆ luꞈ-ahˇ siˬ nya mawˇ nya law hawˇ nga.”

2 Saˬmeuˬlaˆ 16:3

Aˬ yawꞈ-ahˇ sahˬpaˬ Daˬbiˇ naˇ haˬ-eu, “Nawˬ-euˬ sahˬ paˬ Sawˇluˆ-euˬ oeˬ paˬ pyeuꞈ-eu Meˬpiˇbawˇshehˆ kʼoeˇ gʼaˬ aˬ lehˬ.” Ziˇbaˬ ehˇ-eu, “Aˬ yawꞈ Yeˬluˇsaˬlehˬ meuˬ-ahˇ jawˇ yaꞈ-euˬ meh. Aˬ jeˬ miˇ neh ehˇ naˇ, aˬ yawꞈ aˬ bawˇ-euˬ miˇ kʼahˬ aˬ yawꞈ paˇ za kʼoꞈ ni, Iˇsaˬleˬlaˆ tsawˇ haˬ deuˬ jahˇ tehꞈ-a lehˇ aˬ yawꞈ noeˬ tmˬ taˬ-euˬ meh.”

2 Saˬmeuˬlaˆ 16:4

Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”

2 Saˬmeuˬlaˆ 19:17

Beˬyaˬmiˬ tsawˇ jeuˬ tiˬ heˇ gʼaˬ-ahˇ aˬ yawꞈ sheuˬ laꞈ-euˬ meh. Sawˇluˆ pehˬ-euˬ zaˬ kʼaˆ pyeuꞈ-eu Ziˇbaˬ gʼaˬ kʼawꞈ, aˬ yawꞈ-euˬ aˬ li tseˇ ngaˬ gʼaˬ hawˇ-eu aˬ yawꞈ-euˬ zaˬ kʼaˆ nyiˬ tseˇ gʼaˬ sheuˬ-awˇ, sahˬ paˬ-euˬ mehˬ hu Yawˇdaˬ lawˇ baˬ-ahˇ oe keuˆ taˬ-euˬ meh.

2 Saˬmeuˬlaˆ 9:13

Aˬ kuiˇ nyiˬ pyawˬ luꞈ kuiˇ kuˆ kuˆ-eu Meˬpiˇbawˇshehˆ-aˬ, hawˬ aˬ yawꞈ byawˇ yawꞈ sahˬ paˬ nehˬ-ehˇ dzaˬ dzaˬ-ehˇ, Yeˬluˇsaˬlehˬ meuˬ-ahˇ jawˇ-euˬ meh.

2 Saˬmeuˬlaˆ 9:3

Sahˬ paˬ aˬ yawꞈ-ahˇ ehˇ nehˬ-eu, “Sawˇluˆ-euˬ nymˇ jiˇ laꞈ kʼoeˇ tsawˇ haˬ tiˬ gʼaˬ na dzeˇ-a siˬ loˇ. Dzeˇ lawˬ naˇ, Miˬyehˇ ngaˬ-ahˇ saˇ jaˇ dzaˬ taˬ-euˬ loꞈ-ehˇ, aˬ yawꞈ-ahˇ ngaˇ gʼawˬ shaˬ gaˬ nehˬ ma.” Ziˇbaˬ ehˇ-eu, “Yawˇnaˆshaˬ-euˬ aˬ li tiˬ li dzeˇ-a siˬ. Ehˇ kʼawꞈ, kuiˇ kuˆ kuˆ-eu tsawˇ haˬ tiˬ gʼaˬ meh.”

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 15:3

dawˬdoeˇmaˬngehˬdaˆ-eu tsawˇ haˬ, cawˬ-ahˇ maˬmˇlehˬ-eu tsawˇhaˬ, yawˬha dawˬpeh jawˇ-eu deuˬ-ahˇ, maˬja bu ni dehꞈ-eu tsawˇhaˬ,

Doˆ-iˇ 20:16

“Aˬ cawˬ gʼaˇ duˬ, maˬ tsaˬ maˬ dawˇ-eu saˇ kiˇ, nawˇ maˬ ya kamˬ-a.

Yeˬlaˬmiˇ 9:4

Mehˇ nmˇ kʼaˇ ngeuˇ-eu deuˬ Yaˬkoˆ loꞈ-ehˇ tsawˇ gahˇ gahˇ-awˇ, cawˬ kʼaˇ ngeuˇ-eu jaˬ myawꞈ mehˇ shuiˇ myaˬ-eu miˇ neh, yawˬ ha-euˬ cawˬ-ahˇ ya yahˇ-awˇ, mehˇ nmˇ yaw kaˬ maˬ jah coeˇ-a.

1 Saˬmeuˬlaˆ 29:9

Daˬbiˇ-ahˇ Aˬkiˇ ehˇ nehˬ-eu, “Nawˇ ehˇ-eu tsaˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ loꞈ-ehˇ nawˇ saˇ jaˇ ziꞈ meh lehˇ ngaˇ jah-eu ma. Ehˇ kawꞈ, nawˬ-ahˇ nga maꞈ nehˬ-ehˇ guiˇ deuˆ gaˇ maˬ bi le nya-a lehˇ, sahˬ paˬ nui deuˬ ehˇ-eu meh.