2 Saˬmeuˬlaˆ 19:18 - Akha

¹⁸ Sahˬ paˬ-euˬ aˇ muˇ-ahˇ loꞈ piˇ-eu gʼaˇ duˬ maˬ ehˇ, sahˬ paˬ kʼaˇ loˬ-eu jeˬ mˇ nehˬ-eu gʼaˇ duˬ maˬ ehˇ, aˬ yawꞈ maꞈ Yawˇdaˬ lawˇ baˬ tsehˆ doˆ-euˬ meh. Lawˇ baˬ tsehˆ-eu lehˇ sahˬ paˬ lehˬ hmˬ ngeh, Shiˇmiˇ gʼaˬ aˬ yawꞈ-euˬ mehˬ shi miˇ tsa awˆ byaˆ-awˇ ehˇ-eu,

2 Saˬmeuˬlaˆ 19:18 Σταυροειδείς Αναφορές

2 Saˬmeuˬlaˆ 19:17

Beˬyaˬmiˬ tsawˇ jeuˬ tiˬ heˇ gʼaˬ-ahˇ aˬ yawꞈ sheuˬ laꞈ-euˬ meh. Sawˇluˆ pehˬ-euˬ zaˬ kʼaˆ pyeuꞈ-eu Ziˇbaˬ gʼaˬ kʼawꞈ, aˬ yawꞈ-euˬ aˬ li tseˇ ngaˬ gʼaˬ hawˇ-eu aˬ yawꞈ-euˬ zaˬ kʼaˆ nyiˬ tseˇ gʼaˬ sheuˬ-awˇ, sahˬ paˬ-euˬ mehˬ hu Yawˇdaˬ lawˇ baˬ-ahˇ oe keuˆ taˬ-euˬ meh.

2 Saˬmeuˬlaˆ 19:19

“Sahˬ paˬ-oˇ, Yeˬluˇsaˬlehˬ meuˬ-ahˇ neh nawˇ doˆ-iˇ ngeh nah, ngaˬ neh nawˬ-ahˇ mˇ lehˬ-eu iˬ baˇ pyehˬ nehˬ laꞈ-awˬ. Iˬ baˇ kʼoeˇ ngaˬ-euˬ kʼoeˇ taˆ maˬ bi jaˆ ni byehˇ nehˬ laꞈ-awˬ.

2 Saˬmeuˬlaˆ 19:30

Meˬpiˇbawˇshehˆ ehˇ-eu, “Ziˇbaˬ tehꞈ-ehˇ dawˬ tawˆ luꞈ bi geuꞈ jiˇ-awˬ. Nawˬ-euˬ gʼawˇ mawˇ iˇ kahˇ-ahˇ laˬ kʼaˬ tiˬ cehˇ ya gʼoꞈ keuˆ laˇ-euˬ tehꞈ-ehˇ kʼawꞈ, ngaˬ-euˬ gʼaˇ duˬ gʼaˬ miˇ-a.”

2 Saˬmeuˬlaˆ 9:10

Nawˇ hawˇ-eu nawˬ-euˬ aˬ li deuˬ maˬ ehˇ, nawˬ-euˬ zaˬ kʼaˆ deuˬ maˬ ehˇ, nawˬ-euˬ sahˬ paˬ Sawˇluˆ-euˬ deh yaˇ mˇ-awˇ, aˬ yawꞈ-euˬ oeˬ paˬ-euˬ nymˇ jiˇ ya dzaˬ ya dawˇ ni cehˇ tawˬ ahˇ nehˬ-awˬ. Ehˇ kʼawꞈ, Meˬpiˇbawˇshehˆ gʼaˬ-aˬ, aˬ myah luꞈ ngaˬ nehˬ-ehˇ ya dzaˬ ya dawˇ tehꞈ-a.” (Ziˇbaˬ-aˬ, aˬ li tseˇ nyiꞈ li jawˇ-awˇ, zaˬ kʼaˆ nyiˬ tseˇ gʼaˬ jawˇ-eu meh.)

2 Saˬmeuˬlaˆ 9:2

Kʼoeˇ ngeh, Sawˇluˆ-euˬ nymˇ jiˇ laꞈ kʼoeˇ zaˬ kʼaˆ geuꞈ-euˬ, Ziˇbaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-ahˇ Daˬbiˇ jawˇ gaˇ aˬ cawˬ sheuˬ gʼeh nehˬ-euˬ meh. “Nawˇ Ziˇbaˬ ma loˇ” lehˇ, sahˬ paˬ aˬ yawꞈ-ahˇ naˇ haˬ ngeh, “Ngeuˇ ma” lehˇ aˬ yawꞈ ehˇ kʼoꞈ nehˬ-euˬ meh.

1 Sahˬpaˬ 2:8

Beˬyaˬmiˬ miˇ kʼahˬ Baˬhuˇleˬ meuˬ-ahˇ jawˇ-eu Geˬlaˬ-euˬ aˬ li Shiˇmiˇ tiˬ gʼaˬ jawˇ-a siˬ. Maˬhaˬneˬ meuˬ-ahˇ ngaˇ iˇ ngeh nah , aˬ yawꞈ ngaˬ-ahˇ yaˬ kʼehˇ yaw kʼaˆ-ehˇ yaˬ nehˬ laꞈ-euˬ meh. Ehˇ kʼawꞈ, Yawˇdaˬ lawˇ baˬ-ahˇ aˬ yawꞈ-ahˇ ngaˇ paˇ ya tahˬ puˬ ngeh, aˬ yawꞈ-ahˇ ngaˇ maˬ sehꞈ lehˇ, Sahˬpaˬ Miˬyehˇ -euˬ tsawˇ myahˇ uˬ moˆ saˇ jaˇ dzaˬ-euˬ ma.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 81:15

Ngaˬ-ahˇ bye-eu tsawˇ haˬ deuˬ ngaˬ-euˬ mehˬ shi ya awˆ byaˆ-awˇ, mˬ maˬ maˬ byaˆ zaˇ ziˇ kʼehˬ nehˬ kʼaˆ nehˬ ma.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

1 Saˬmeuˬlaˆ 22:15

Aˬ yawꞈ gʼaˇ duˬ Miˬyehˇ-ahˇ ngaˇ mehˬ bawˬ mˇ nehˬ-euˬ ngeuˇ ma. Ehˇ kʼawꞈ, kʼoeˇ ngeh poˆ tehꞈ-ehˇ aˬ yawꞈ gʼaˇ duˬ ngaˇ kʼoeˇ loꞈ-ehˇ mˇ nehˬ haw-euˬ maˬ ngeuˇ. Nawˬ-ahˇ puiˬ-eu lehˇ leh jeh-euˬ lehˇ ehˇ-eu gaˇ kawˆ heu hmˬ-ahˇ taꞈ leˇ-awˇ, ngaˇ hawˇ-eu ngaˬ-euˬ aˬ yuiꞈ aˬ nyiˇ tiˬ gʼaˬ-ahˇ-iˬ nawˇ noeˬ bahˬ-eu maˬ tsaˬ-a. Gaˇ kawˆ heu hmˬ-ahˇ taꞈ leˇ-awˇ ngaˇ tiˬ jeˬ-iˬ maˬ ya siˬ-aˬ.”