2 Saˬmeuˬlaˆ 19:13 - Akha

¹³ Aˬmaˬsaˬ-ahˇ kʼawꞈ heu loꞈ-ehˇ bi ehˇ gaˬ-iˇ-eu gʼaˇ duˬ, aˬ yawꞈ nyaꞈ-ahˇ Daˬbiˇ ehˇ nehˬ-euˬ meh. “Nawˇ-aˬ, ngaˬ-euˬ aˬ yuiꞈ aˬ nyiˇ ma. Iˬ nah neh dahˬ beh-awˇ, Yoˇbaˬ-euˬ dah zaˇ, ngaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ nawˬ-ahˇ ngaˇ bi geuꞈ ma. Ngaˬ neh ehˇ taˬ-euˬ loꞈ-ehˇ ngaˇ maˬ jahˇ naˇ, Miˬyehˇ ngaˬ-ahˇ sehꞈ luꞈ-uˇ lehˇ ehˇ nehˬ-awˬ.”

2 Saˬmeuˬlaˆ 19:13 Σταυροειδείς Αναφορές

Aˇ dahˬ 29:14

Kʼoeˇ ngeh, “Nawˇ-aˬ, aˬ diˇ aˬ maˇ ngaˬ-euˬ shiˬ shaˬ pyeuꞈ-eu nga” lehˇ, Yaˬkoˆ-ahˇ Laˬbaˬ ehˇ nehˬ-euˬ meh.

2 Saˬmeuˬlaˆ 17:25

Aˬbaˇsaˬloˬ-aˬ, Aˬmaˬsaˬ-ahˇ Yoˇbaˬ-euˬ dah zaˇ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ bi geuꞈ-euˬ meh. Aˬmaˬsaˬ-aˬ, Iˇshaˬmeˬlaˇ tsawˇ jeuˬ Yeˬdeuˬ-euˬ aˬ li pyeuꞈ-eu meh. Aˬ yawꞈ-euˬ aˬ ma Aˬbiˇgeˬlaˆ hawˇ-eu Yoˇbaˬ-euˬ aˬ ma Zeˬluˇyaˆ aˬ nyaꞈ nmˇ-aˬ, Naˬhaˇ-euˬ aˬ buˇ pyeuꞈ-eu meh.

2 Saˬmeuˬlaˆ 18:11

Yoˇbaˬ ehˇ-eu, “Nawˇ aˬ yawꞈ-ahˇ mawˇ-euˬ jeˬ maˇ-iˬ, aˬ jeˬ miˇ neh tiˬ poˆ tehꞈ-ehˇ maˬ sehꞈ yaꞈ teˬ. Nawˇ aˬ yawꞈ-ahˇ sehꞈ yaꞈ law nmˇ-aˬ, pyuˇ maˇ byaˆ tseˇ byaˆ hawˇ-eu, guiˇ deuˆ-eu tsawˇ haˬ deuˬ zmˬ-eu joꞈ paꞈ tiˬ kahˇ ngaˇ nawˬ-ahˇ biꞈ-eu ma tawˇ.”

2 Saˬmeuˬlaˆ 20:4

“Yuˇdaˆ tsawˇ haˬ deuˬ-ahˇ kuˇ uiˬ-awˇ, saˇ pehˬ nah ngaˇ jawˇ gaˇ sheuˬ keuˆ laꞈ-awˬ” lehˇ, Aˬmaˬsaˬ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

2 Saˬmeuˬlaˆ 5:1

Kʼoeˇ naˇ, Iˇsaˬleˬlaˆ tsawˇ jeuˬ dawˬ tawˆ luꞈ, Heˬbyoˬ meuˬ-ahˇ Daˬbiˇ jawˇ gaˇ laˇ-awˇ, heu loꞈ-ehˇ ehˇ-eu meh. “Nga maꞈ-aˬ, nawˬ-euˬ shiˬ shaˬ pyeuꞈ-eu ma.

2 Saˬmeuˬlaˆ 8:16

Zeˬluˇyaˆ-euˬ aˬ li Yoˇbaˬ gʼaˬ, Daˬbiˇ-euˬ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.

Luˇta 1:17

Nawˇ kʼaˇ shiˇ gaˇ ngaˇ shiˇ-awˇ, kʼoeˇ gaˇ aˬ cawˬ ngaˬ-ahˇ baꞈ pahˬ luꞈ-uˇ. Shiˇ-awˇ shiˇ gʼawˬ-euˬ jeˬ maˬ ngeuˇ-ehˇ, nawˬ-ahˇ ngaˇ gʼawˬ-iˇ naˇ, kʼaˆ dui dui-eu Sahˬpaˬ Miˬyehˇ-euˬ kʼehˬ-eu kʼaˆ-eu jeˬ, ngaˬ-ahˇ keuˆ le luꞈ-uˇ.”