2 Saˬmeuˬlaˆ 18:3 - Akha

³ Ehˇ kʼawꞈ, aˬ yawꞈ maꞈ ehˇ-eu, “Nawˇ nga maꞈ nehˬ-ehˇ maˬ iˇ nya-a. Nga maꞈ guiˇ deuˆ-eu maˬ gʼaˬ leˇ-ehˇ cehˆ byaˆ kʼawꞈ, aˬ yawꞈ maꞈ gʼaˇ duˬ ehˇ nyaꞈ maˬ nyeuˆ-a. Nga maꞈ tiˬ paˆ paˆ bi sehꞈ jiˇ gaˇ keuˆ kʼawꞈ, aˬ yawꞈ maꞈ gʼaˇ duˬ jiˇ jeuˬ maˬ ahˇ-a. Ehˇ kʼawꞈ, nawˇ-aˬ, nga maꞈ tiˬ muiˇ gʼaˬ tawˬ-eu meh. Teu miˇ neh, meuˬ heu meuˬ laꞈ kʼoeˇ nawˇ jawˇ yaꞈ-awˇ, nga maꞈ-ahˇ caw jaw nehˬ laꞈ naˇ muiˬ dzehˬ tehꞈ-a.”

2 Saˬmeuˬlaˆ 18:3 Σταυροειδείς Αναφορές

2 Saˬmeuˬlaˆ 10:11

Aˬbiˇshaiˇ-ahˇ Yoˇbaˬ ehˇ nehˬ-eu, “Suˇliˆ tsawˇ haˬ deuˬ ngaˬ-ahˇ deuˆ gʼaˬ luꞈ-eu ya mawˇ naˇ, nawˇ caw ba le lawˬ. Aˬmoˬ tsawˇ haˬ deuˬ nawˬ-ahˇ deuˆ gʼaˬ luꞈ-eu ya mawˇ naˇ, ngaˇ caw ba le ma.

2 Saˬmeuˬlaˆ 17:2

Nymˇ ciꞈ Daˬbiˇ-euˬ mehˬ nah ngaˇ caw teh-iˇ ma. Aˬ yawꞈ gʼaˬ doeˇ doeˇ-awˇ nui ma cawˆ dui dui luꞈ ngeh, ngaˇ aˬ yawꞈ-ahˇ guiˇ deuˆ ma. Aˬ yawꞈ tsawˬ guˆ-iˇ-awˇ, aˬ yawꞈ-euˬ tsawˇ haˬ deuˬ cehˆ byoˆ jiˇ tehꞈ-a. Sahˬ paˬ-ahˇ tehꞈ-ehˇ ngaˇ sehꞈ ma.

2 Saˬmeuˬlaˆ 21:17

Ehˇ kʼawꞈ, Zeˬluˇyaˆ-euˬ aˬ li Aˬbiˇshaiˇ gʼaˬ Daˬbiˇ-ahˇ caw ba le-awˇ, huiˬ dui goˇ dui dui-eu tsawˇ haˬ kʼoeˇ gʼaˬ-ahˇ deuˆ ceh ceh-awˇ sehꞈ-euˬ meh. Kʼoeˇ ngeh poˆ neh naˇ, guiˇ deuˆ gaˇ Daˬbiˇ-euˬ gʼawˇ mawˇ tiˬ jawˇ-iˬ maˬ paˇ bi oe-eu gʼaˇ duˬ, Daˬbiˇ-euˬ tsawˇ haˬ deuˬ neh Daˬbiˇ-ahˇ saˇ jaˇ bi dzaˬ-euˬ meh. “Nawˇ-aˬ, Iˇsaˬleˬlaˆ miˇ kʼahˬ-euˬ nui ma taˬ duˬ pyeuꞈ-eu miˇ neh, nawˬ-ahˇ nga maꞈ maˬ bi shiˇ peuˬ nya” lehˇ aˬ yawꞈ maꞈ ehˇ-eu meh.

1 Sahˬpaˬ 22:31

Suˇliˆ sahˬ paˬ-aˬ, aˬ yawꞈ-euˬ mahˬ laˆ lawˬ deuˬ kʼoeˇ taˆ uˆ lahˇ-eu yaw huiˬ smˬ tseˇ gʼaˬ-ahˇ, “Iˇsaˬleˬlaˆ sahˬ paˬ-ahˇ maˬ ngeuˇ naˇ tiˬ gʼaˬ-ahˇ-iˬ taˬ deuˆ” lehˇ ehˇ nehˬ taˬ-euˬ meh.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

1 Saˬmeuˬlaˆ 18:7

Zaˬ miˬ zaˬ kʼoeˇ deuˬ kʼoeˇ loꞈ-ehˇ bawˬ-iˬ gʼeh-eu laꞈ kʼoeˇ, “Sawˇluˆ aˇ heˇ gʼaˬ sehꞈ-awˇ, Daˬbiˇ aˇ muiˇ gʼaˬ sehꞈ-euˬ meh” lehˇ aˬ yawꞈ maꞈ caˇ-eu meh.