2 Saˬmeuˬlaˆ 18:2 - Akha

² Kʼoeˇ naˇ, aˇ muˇ muˇ ma smˬ muˇ biˇ-awˇ, Yoˇbaˬ, Yoˇbaˬ-euˬ aˬ nyiˇ Aˬbiˇshaiˇ hawˇ-eu Gaˬdaˇ meuˬ-ahˇ jawˇ-awˇ laˇ-euˬ Iˇtehˇ aˬ ha smˇ gʼaˬ-ahˇ, tiˬ gʼaˬ tiˬ muˇ sheuˬ-awˇ bi doˆ-iˇ-euˬ meh. “Ngaˬ-euˬ gʼawˇ mawˇ kʼawꞈ naw maꞈ nehˬ-ehˇ iˇ ma” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 18:2 Σταυροειδείς Αναφορές

2 Saˬmeuˬlaˆ 17:11

Ngaˇ heu loꞈ-ehˇ nui noeˬ nui duˇ biꞈ mawꞈ-eu ma. Iˇsaˬleˬlaˆ miˇ kʼahˬ heu dzeˇ kʼoeˇ dzeˇ doˆ ni kʼaˇ jawˇ-eu tsawˇ haˬ deuˬ-ahˇ, iˬ ma laˆ shaˆ lawˇ deh-ahˇ ga-eu kʼaˇ shuiꞈ myaˆ ni kuˇ uiˬ taˬ-awˇ, nawˬ-euˬ gʼawˇ mawˇ aˬ yawꞈ maꞈ kʼoeˇ taˆ aˬ yuiꞈ geuꞈ-awˇ guiˇ deuˆ-eu tsaˬ tehꞈ-a.

2 Saˬmeuˬlaˆ 21:17

Ehˇ kʼawꞈ, Zeˬluˇyaˆ-euˬ aˬ li Aˬbiˇshaiˇ gʼaˬ Daˬbiˇ-ahˇ caw ba le-awˇ, huiˬ dui goˇ dui dui-eu tsawˇ haˬ kʼoeˇ gʼaˬ-ahˇ deuˆ ceh ceh-awˇ sehꞈ-euˬ meh. Kʼoeˇ ngeh poˆ neh naˇ, guiˇ deuˆ gaˇ Daˬbiˇ-euˬ gʼawˇ mawˇ tiˬ jawˇ-iˬ maˬ paˇ bi oe-eu gʼaˇ duˬ, Daˬbiˇ-euˬ tsawˇ haˬ deuˬ neh Daˬbiˇ-ahˇ saˇ jaˇ bi dzaˬ-euˬ meh. “Nawˇ-aˬ, Iˇsaˬleˬlaˆ miˇ kʼahˬ-euˬ nui ma taˬ duˬ pyeuꞈ-eu miˇ neh, nawˬ-ahˇ nga maꞈ maˬ bi shiˇ peuˬ nya” lehˇ aˬ yawꞈ maꞈ ehˇ-eu meh.

2 Saˬmeuˬlaˆ 23:18

Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ-aˬ, tsawˇ myahˇ doˆ-eu yehˇ smˬ tseˇ gʼaˬ laꞈ kʼoeˇ aˬ yuiꞈ geuꞈ-euˬ gʼaˬ meh. Aˬ yawꞈ-aˬ, aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ guiˇ deuˆ ceh ceh-awˇ sehꞈ jiˇ nehˬ-euˬ miˇ neh, smˬ tseˇ gʼaˬ laꞈ kʼoeˇ tsawˇ myahˇ doˆ-eu gʼaˬ pyeuꞈ laˇ-euˬ meh.

2 Saˬmeuˬlaˆ 8:16

Zeˬluˇyaˆ-euˬ aˬ li Yoˇbaˬ gʼaˬ, Daˬbiˇ-euˬ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

1 Sahˬpaˬ 2:28

Yoˇbaˬ-aˬ, Aˬbaˇsaˬloˬ jawˇ paw maˬ pyawˬ-euˬ kʼawꞈ, Aˬdawˇniˇyaˆ jawˇ paw pyawˬ-euˬ miˇ neh, kʼaˇ pyeuꞈ laˇ-euˬ gaˇ kawˆ deuˬ-ahˇ aˬ yawꞈ ya gaˬ ngeh, Sahˬpaˬ Miˬyehˇ jawˇ-eu Sehˬ gʼawˆ-ahˇ cehˆ leˇ-awˇ, lawˇ duˬ-euˬ laꞈ coeˇ-ahˇ tsoꞈ-eu uˬ coeˇ -ahˇ tuˆ tehˬ-awˇ jawˇ-euˬ meh.

Jaceuq 3:6

Muiˇ-eu tsawˇhaˬ aˇheˇaˇmuiˇ, jawˬlahˇle gaˇkʼawꞈngaˇmaˬguˆ.

Yaˇ kʼaˬ daˇ 7:16

Aˬ yawꞈ-euˬ tsawˇ haˬ smˬ yaˇ gʼaˬ-ahˇ, smˬ muˇ muˇ-awˇ, aˬ yawꞈ gʼaˬ yawꞈ-ahˇ daˇ heh tiˬ hmˬ hawˇ-eu tsiˇ kʼmˬ ciˬ ahˇ taˬ-euˬ ciˬ cuˇ tiˬ siˬ biꞈ nehˬ-euˬ meh.

Yaˇ kʼaˬ daˇ 7:19

Sehˇ gʼahˇ ceh laˇ mawꞈ-awˇ, taˆ-ahˇ loꞈ-eu tsawˇ haˬ deuˬ dzeˇ paˇ paˇ gʼaˬ-eu nehˬ-ehˇ, Giˇdoˬ hawˇ-eu aˬ yawꞈ-euˬ aˇ muˇ tiˬ yaˇ gʼaˬ, taˆ gaˇ dzeˇ oe keuˆ-euˬ meh. Kʼoeˇ ngeh, aˬ yawꞈ maꞈ daˇ heh baw-awˇ, aˬ yawꞈ maꞈ yuˇ luꞈ-eu ciˬ cuˇ kʼoˆ paˆ-euˬ meh.

Yaˇ kʼaˬ daˇ 9:43

Kʼoeˇ ngeh, aˬ yawꞈ-euˬ tsawˇ haˬ sheuˬ-awˇ, smˬ muˇ biˇ-awˇ, deh ga-ahˇ dzuˇ zaꞈ-awˇ loꞈ-euˬ meh. Meuˬ laꞈ kʼoeˇ neh tsawˇ haˬ doˆ le gaˇ aˬ yawꞈ ya mawˇ ngeh, tsawˇ haˬ kʼoeˇ deuˬ-ahˇ sehꞈ-eu lehˇ, dzuˇ zaꞈ luꞈ gaˇ neh aˬ yawꞈ doˆ laˇ-euˬ meh.

1 Saˬmeuˬlaˆ 11:11

Yawˬ nah yawˬ uˬ shawˬ yaw naꞈ-ehˇ, Sawˇluˆ aˬ yawꞈ-euˬ tsawˇ haˬ deuˬ-ahˇ smˬ muˇ biˇ-awˇ, uˬ bya bya laˇ-eu nehˬ-ehˇ Aˬmoˬ tsawˇ haˬ deuˬ-euˬ taˆ-ahˇ uˇ leˇ-awˇ guiˇ deuˆ-euˬ meh. Nah loˆ ceh laˇ ngeh, Aˬmoˬ tsawˇ haˬ gʼawˬ mya ni aˬ yawꞈ maꞈ deuˆ sehꞈ-euˬ meh. Maˬ shiˇ-ehˇ dzeˇ-eu tsawˇ haˬ deuˬ kʼawꞈ, tiˬ paw tiˬ gʼaˬ-ehˇ cehˆ byaˆ jiˇ-euˬ meh.