2 Saˬmeuˬlaˆ 18:18 - Akha

¹⁸ Aˬbaˇsaˬloˬ yawˬ dehꞈ dehꞈ ngeh, aˬ yawꞈ-ahˇ bi noeˬ keuˆ-eu gʼaˇ duˬ, sahˬ paˬ-euˬ deh kʼawꞈ lehˇ kuˇ-eu jawˇ duˬ-ahˇ kʼaˬ lo ka tuˇ yaꞈ-euˬ meh. Aˬ jeˬ miˇ neh ehˇ naˇ, aˬ yawꞈ zaˬ maˬ jawˇ-eu miˇ neh, aˬ yawꞈ-euˬ tsawˇ myahˇ maˬ bi byoˆ-iˇ ni pi ka gʼeh-eu gʼaˬ maˬ jawˇ-a. Aˬ yawꞈ neh ka tuˇ yaꞈ-euˬ kʼaˬ lo kʼoeˇ-ahˇ, aˬ yawꞈ-euˬ tsawˇ myahˇ myahˇ nehˬ-awˇ, iˬ nah keuˆ ni Aˬbaˇsaˬloˬ-ahˇ noeˬ keuˆ-eu kʼaˬ lo kʼawˇ zeuˇ lehˇ kuˇ luꞈ-eu meh.

2 Saˬmeuˬlaˆ 18:18 Σταυροειδείς Αναφορές

Aˇ dahˬ 11:4

“Aˬ dui maꞈ maˬ ya gʼawˬ maˬ ya gʼehˇ-iˇ-eu gʼaˇ duˬ maˬ ehˇ, tsawˇ myahˇ doˆ-awˇ kʼahˬ sehˇ jaˆ-eu tsawˇ haˬ deuˬ pyeuꞈ laˇ-eu gʼaˇ duˬ maˬ ehˇ, meuˬ tiˬ meuˬ teˬ-awˇ, mˬ-ahˇ tuˆ-eu nymˇ nymˇ ma tiˬ nymˇ gawˬ kaˇ-euˇ” lehˇ, aˬ yawꞈ maꞈ ehˇ-eu meh.

Aˇ dahˬ 11:9

Meuˬ kʼoeˇ meuˬ-ahˇ Baˬbuˇloˬ lehˇ kuˇ-euˬ meh. Aˬ jeˬ miˇ neh ehˇ naˇ, meuˬ kʼoeˇ meuˬ laꞈ kʼoeˇ tsawˇ haˬ zaˬ deuˬ dawˬ maˬ ngehˬ cawˬ taꞈ nya ni, aˬ yawꞈ maꞈ-euˬ dawˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-awˇ, aˬ yawꞈ maꞈ-ahˇ miˇ kʼahˬ doe ni bi jawˇ byaˆ jiˇ-euˬ meh.

Aˇ dahˬ 14:17

Sahˬ paˬ Sheˬdawˇlawˇmaˬ hawˇ-eu aˬ yawꞈ-euˬ cawˬ sahˬ paˬ deuˬ-ahˇ Aˬbyaˬ guiˇ deuˆ gʼaˬ-awˇ gʼoꞈ laˇ ngeh, Sawˇdoˬ sahˬ paˬ gʼaˬ Shaˬbehˇ deh ga ga ma-ahˇ keuˆ ni oe keuˆ-awˇ ha laˬ le-euˬ meh. Deh ga kʼoeˇ ga-ahˇ sahˬ paˬ-euˬ deh ga lehˇ kʼawꞈ kuˇ-eu meh.

2 Saˬmeuˬlaˆ 14:27

Aˬbaˇsaˬloˬ-aˬ, aˬ li smˬ li hawˇ-eu, Taˬmaˬ lehˇ myahˇ-euˬ pyawˬ naˬ aˇ gʼehˇ muiˬ dui dui-eu aˬ buˇ tiˬ buˇ jawˇ-eu meh.

Jaceuq 109:13

Aˬ yawꞈ-euˬ zaˬ deuˬ uˆ deuˬ shiˇ jiˇ-awˇ, zaˬ ziˇ-ahˇ aˬ yawꞈ-euˬ tsawˇ myahˇ byoˆ-iˇ luꞈ-uˇ.

Jaceuq 49:11

Aˬ yawꞈ maꞈ deh ma baw-awˇ dehꞈ yaꞈ-euˬ kʼawꞈ, lmˬ bymˇ aˬ yawꞈ maꞈ-euˬ nymˇ pyeuꞈ-awˇ, mˬ maˬ maˬ byaˆ zaˇ ziˇ kʼoeˇ gaˇ ya jawˇ-eu meh.

Iˇsaˬyaˇ 22:16

“Gawˬ duˇ baˬ gʼa lo guˇ-ahˇ, yawˬ ha-euˬ lmˬ bymˇ yawˬ ha byoe taˬ paˬ-ehˇ, nawˇ aˇ naˆ ni huiˬ-eu tsawˇ haˬ te.

Yeˬlaˬmiˇ 22:30

“Tsawˇ haˬ heu gʼaˬ zaˬ maˬ jawˇ le nya-ehˇ, maˬ dehꞈ tuˇ laˇ nya-eu tsawˇ haˬ meh lehˇ boꞈ ahˇ taˬ-awˬ. Daˬbiˇ-euˬ dzoeˬ dzaˬ oꞈ-awˇ neh, Yuˇdaˆ miˇ kʼahˬ-ahˇ uˆ lahˇ-eu gʼaˇ duˬ, aˬ yawꞈ zaˬ maˬ jawˇ le-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Bawˇtsahˬ 32:42

Noˇbaˬ-aˬ, Jeˇnaˆ meuˬ hawˇ-eu kʼoeˇ gaˇ taꞈ-eu pu deuˬ-ahˇ deuˆ za-awˇ, aˬ yawꞈ-euˬ tsawˇ myahˇ yuˇ-awˇ, Noˇbaˬ meuˬ lehˇ myahˇ nehˬ-euˬ meh.

1 Saˬmeuˬlaˆ 15:12

Yawˬ nah yawˬ uˬ shawˬ yaw naꞈ-ehˇ, Sawˇluˆ jawˇ gaˇ le-eu lehˇ Saˬmeuˬlaˆ doˆ-iˇ-euˬ meh. Sawˇluˆ Gaˬlaˬmeˬlaˇ meuˬ-ahˇ le dzeuˇ-awˇ, aˬ yawꞈ-ahˇ bi noeˬ keuˆ-eu gʼaˇ duˬ kʼaˬ lo tiˬ siˬ kaˬ tuˇ gʼaˬ-awˇ, Giˇlaˇgaˬlaˇ meuˬ paw paˇ le gʼeh leꞈ-euˬ gaˇ kawˆ Saˬmeuˬlaˆ ya gaˬ-euˬ meh.