2 Saˬmeuˬlaˆ 18:14 - Akha

¹⁴ Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.

2 Saˬmeuˬlaˆ 18:14 Σταυροειδείς Αναφορές

2 Saˬmeuˬlaˆ 12:10

Ngaˬ-euˬ ehˇ dawˬ-ahˇ nawˇ maˬ naˇ haˬ-ehˇ, Uˇliˇyaˆ-euˬ miˬ zaˬ-ahˇ sheuˬ geuꞈ-euˬ miˇ neh, mi cehˇ laꞈ-ahˇ ya shiˇ-eu jeˬ, nawˬ-eu nymˇ jiˇ kʼoeˇ taˆ tiˬ ziˇ saˇ-iˬ tiˬ ziˇ maˬ tsehˆ leˇ ni keuˆ le tehꞈ-a.

2 Saˬmeuˬlaˆ 14:30

Kʼoeˇ miˇ neh, Aˬbaˇsaˬloˬ aˬ yawꞈ-euˬ zaˬ kʼaˆ deuˬ-ahˇ ehˇ nehˬ-eu, “Haw sheˇ. Ngaˬ-euˬ deh yaˇ dawˬ peh jaˆ-eu Yoˇbaˬ-euˬ deh yaˇ-ahˇ cehˇ dehꞈ luꞈ-eu maˬ ngeuˇ nga loˇ. Iˇ-awˇ miˬ dzaˬ keuˬ dzeh nehˬ-awˬ.”

2 Saˬmeuˬlaˆ 18:15

Kʼoeˇ naˇ, Yoˇbaˬ-euˬ yehˇ tseˇ gʼaˬ ga uˇ le-awˇ, Aˬbaˇsaˬloˬ-ahˇ sehꞈ-euˬ meh.

2 Saˬmeuˬlaˆ 18:5

Yoˇbaˬ, Aˬbiˇshaiˇ hawˇ-eu Iˇtehˇ aˬ ha smˇ gʼaˬ-ahˇ, “Ngaˬ-euˬ myaˆ pyawˬ-ahˇ haw-eu laꞈ kʼoeˇ, aˬ li zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de” lehˇ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ kʼoeˇ loꞈ-ehˇ ehˇ nehˬ gaˇ, yehˇ dawˬ tawˆ luꞈ ya gaˬ-euˬ meh.

2 Saˬmeuˬlaˆ 19:1

Sahˬ paˬ Daˬbiˇ Aˬbaˇsaˬloˬ gʼaˇ duˬ tsawˇ ngoeˇ ngoeˇ luꞈ-eu gaˇ kawˆ, Yoˇbaˬ-ahˇ aˬ cawˬ ehˇ nehˬ-euˬ meh.

2 Saˬmeuˬlaˆ 19:11

Iˇsaˬleˬlaˆ tsawˇ haˬ deuˬ kʼoeˇ loꞈ-ehˇ ehˇ luꞈ-eu gaˇ kawˆ, sahˬ paˬ Daˬbiˇ-ahˇ gaˬ leˇ-euˬ meh. Kʼoeˇ ngeh, piˇ ma Zaˬdoˆ hawˇ-eu piˇ ma Aˬbyaˬdaˬ aˬ nyaꞈ-ahˇ, Yuˇdaˆ tsawˇ haˬ aˬ yuiꞈ aˬ tsu deuˬ jawˇ gaˇ heu loꞈ-ehˇ bi ehˇ gaˬ-iˇ-euˬ meh. “Sahˬpaˬ-ahˇ sheuˬ kʼoꞈ laˬ laˇ-eu gʼaˇ duˬ naw maꞈ aˬ jeˬ miˇ neh aˬ cawˬ jeˬ nahˬ ga te. Iˇsaˬleˬlaˆ tsawˇ haˬ deuˬ-euˬ dawˬ sahˬ paˬ jawˇ gaˇ gaˬ keuˆ le gʼaˬ-euˬ meh.

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Jaceuq 37:35

Leˬbaˬnoˬgawˬjawˬ-ahˇuˆ-eu, shuˬliˇbawˇma yaw goˇloꞈ-ehˇ, aˬcawˬ-ahˇnawˬdzaˬkʼaˆdzaˬ-eu, yaw haiˬtiˬgʼaˬmawˇhaw-euˬma.

Jaceuq 45:5

Nawˬ-euˬ kaˆ myaˬ taˆ dui dui-awˇ, muiˇ-eu deuˬ-euˬ nui ma-ahˇ beuˆ tsoˆ-eu laꞈ kʼoeˇ, aˬ cawˬ tsawˇ jeuˬ deuˬ nawˬ-euˬ aˬ kuiˇ dawˬ peh ya coˬ lah tehꞈ-a.

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yaˇ kʼaˬ daˇ 4:21

Siˇseˬlaˇ-aˬ, gʼaˬ doeˇ cehˆ doeˇ dui dui-eu miˇ neh, yuꞈ kʼaˆ-euˬ meh. Kʼoeˇ ngeh, Yeˬlaˇ-aˬ, diˬ puˬ tiˬ hmˬ hawˇ-eu, sehˬ gʼawˆ taꞈ cmˬ tiˬ hmˬ yuˇ-awˇ, aˬ yawꞈ jawˇ gaˇ aˬ za za-ehˇ iˇ-awˇ, uˬ duˬ-ahˇ taꞈ cmˬ diˬ-awˇ, miˇ tsa diˬ tsoˆ gʼeh-euˬ meh.

Yaˇ kʼaˬ daˇ 5:26

Tiˬ paw laꞈ-ahˇ sehˬ gʼawˆ taꞈ cmˬ aˬ yawꞈ tuˆ tehˬ-awˇ, tiˬ paw laꞈ-ahˇ laꞈ saˇ maˇ-euˬ diˬ puˬ tuˆ tehˬ-euˬ meh. Siˇseˬlaˇ-euˬ uˬ duˬ-ahˇ aˬ yawꞈ taꞈ-awˇ, uˬ duˬ kmˬ taꞈ paˆ nehˬ-awˇ, uˬ duˬ taꞈ byoe doˆ-euˬ meh.

Yaˇ kʼaˬ daˇ 5:31

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ dawˬ tawˆ luꞈ, kʼoeˇ loꞈ-ehˇ shiˇ luꞈ-uˇ. Ehˇ kʼawꞈ, nawˬ-eu cawˬ deuˬ-aˬ, doˆ laˇ luꞈ-eu nahˇ ma loꞈ-ehˇ bya luꞈ-uˇ.” Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.