2 Saˬmeuˬlaˆ 17:3 - Akha

³ Kʼoeˇ naˇ, zaˬ miˬ zaˬ-ahˇ yawˬ ha-euˬ kʼaˬ dzeˇ zaˬ jawˇ gaˇ sheuˬ kʼoꞈ laꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ dawˬ tawˆ luꞈ-ahˇ, nawˇ jawˇ gaˇ ngaˇ sheuˬ kʼoꞈ laꞈ ma. Tsawˇ haˬ tiˬ gʼaˬ-ahˇ tehꞈ-ehˇ nawˇ sehꞈ mawꞈ-eu nui ma jaˆ-eu loꞈ-ehˇ, nui deuˬ-ahˇ tiˬ jeˬ-iˬ maˬ bi ca laˇ.”

2 Saˬmeuˬlaˆ 17:3 Σταυροειδείς Αναφορές

2 Saˬmeuˬlaˆ 17:4

Heu-aˬ, muiˬ-eu nui noeˬ nui duˇ meh lehˇ, Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ noeˬ-euˬ meh.

2 Saˬmeuˬlaˆ 3:21

Daˬbiˇ-ahˇ Aˬbaˬnaˬ ehˇ nehˬ-eu, “Sahˬ paˬ-oˇ, nymˬ-mˇ ngaˇ iˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ nawˇ jawˇ paw uˇ laˇ ni jahˇ ma. Nawˬ-ahˇ sahˬ paˬ bi geuꞈ-eu gʼaˇ duˬ, aˬ yawꞈ maꞈ ha geuꞈ tehꞈ-a. Kʼoeˇ ngeh poˆ jawˇ, nawˬ neh kʼaˇ noeˬ-euˬ loꞈ-ehˇ pyeuˬ laˇ-awˇ, miˇ kʼahˬ heu kʼahˬ kʼahˬ lah ni-ahˇ nawˇ ya uˆ lahˇ tehꞈ-a.” Kʼoeˇ ngeh, Aˬbaˬnaˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ Daˬbiˇ kamˬ-awˇ, Aˬbaˬnaˬ-ahˇ bi doˆ-iˇ-euˬ meh.

Iˇsaˬyaˇ 48:22

“Iˬ baˇ zaˬ deuˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 57:21

Iˬ baˇ mˇ-eu tsawˇ haˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.