2 Saˬmeuˬlaˆ 17:17 - Akha

¹⁷ Aˬbyaˬdaˬ-euˬ aˬ li Yawˇnaˆshaˬ hawˇ-eu Zaˬdoˆ-euˬ aˬ li Aˬhiˇmaˆ aˬ nyaꞈ-aˬ, Yeˬluˇsaˬlehˬ-euˬ meuˬ meuˬ taw Eˬloˇgeˬ iˇ cuꞈ iˇ byoe dawˬ peh loꞈ luꞈ-eu meh. Aˬ cawˬ mawˇ gaˇ guˆ-eu miˇ neh, meuˬ laꞈ kʼoeˇ aˬ yawꞈ nyaꞈ maˬ uˇ leˇ peuˬ-a. Zaˬ miˬ zaˬ zaˬ kʼaˆ tiˬ gʼaˬ, kʼaˇ pyeuꞈ laˇ-euˬ gaˇ kawˆ deuˬ aˬ yawꞈ nyaꞈ-ahˇ dzawˇ nehˬ le-awˇ, gaˇ kawˆ kʼoeˇ aˬ yawꞈ nyaꞈ sahˬ paˬ Daˬbiˇ-ahˇ paˇ tsaꞈ gaˬ-iˇ-euˬ meh.

2 Saˬmeuˬlaˆ 17:17 Σταυροειδείς Αναφορές

2 Saˬmeuˬlaˆ 15:27

Zaˬdoˆ-ahˇ aˬ yawꞈ tiˬ poˆ paˇ ehˇ nehˬ-eu, “Heu gaˇ haw sheˇ. Nawˬ li Aˬhiˇmaˆ hawˇ-eu Aˬbyaˬdaˬ-euˬ aˬ li Yawˇnaˆshaˬ-ahˇ sheuˬ-awˇ, nui ma saˇ lehˆ ni taˬ-eu laꞈ kʼoeˇ meuˬ-ahˇ gʼoꞈ jawˇ-iˇ-awˬ.

2 Saˬmeuˬlaˆ 15:35

Piˇ ma Zaˬdoˆ hawˇ-eu piˇ ma Aˬbyaˬdaˬ aˬ yawꞈ nyaꞈ kʼawꞈ kʼoeˇ gaˇ jawˇ tehꞈ-a. Sahˬ paˬ-euˬ hawˇ nymˇ laꞈ kʼoeˇ pyeuꞈ laˇ luꞈ-eu gaˇ kawˆ-ahˇ, nawˬ neh kʼaˇ ya gaˬ-euˬ loꞈ-ehˇ aˬ yawꞈ nyaꞈ-ahˇ ehˇ nehˬ-awˬ.

2 Saˬmeuˬlaˆ 15:36

Aˬ yawꞈ nyaꞈ nehˬ-ehˇ, aˬ yawꞈ nyaꞈ-euˬ aˬ li Aˬhiˇmaˆ hawˇ-eu Yawˇnaˆshaˬ kʼawꞈ jawˇ-eu meh. Aˬ yawꞈ nyaꞈ-ahˇ pyehˬ gʼeh leꞈ-awˇ, nawˬ neh kʼaˇ ya gaˬ-euˬ gaˇ kawˆ deuˬ ngaˬ-ahˇ bi tsaꞈ gaˬ laˇ-awˬ.”

1 Sahˬpaˬ 1:42

Aˬ yawꞈ kʼoeˇ loꞈ-ehˇ ehˇ gʼaˬ-euˬ maˬ dah ni, piˇ ma Aˬbyaˬdaˬ-euˬ aˬ li Yawˇnaˆshaˬ oe keuˆ-euˬ meh. Kʼoeˇ ngeh, “Heu gaˇ laˇ sheˇ, Nawˇ-aˬ tsawˇ haˬ yaw muiˬ tiˬ gʼaˬ pyeuꞈ-eu miˇ neh, laˬ kʼaˬ ya cehˇ-eu gaˇ kawˆ tsaꞈ gaˬ le-euˬ duˇ” lehˇ, Yawˇnaˆshaˬ-ahˇ Aˬdawˇniˇyaˆ ehˇ nehˬ-euˬ meh.

1 Sahˬpaˬ 1:9

Tiˬ nah keuˆ laˇ ngeh, Eˬloˇgeˬ iˇ cuꞈ lawˇ gawˆ gaˇ dzeˇ jaˆ-eu Aˇlawˇ kʼaˬ lo lehˇ kuˇ-eu kʼaˬ lo kʼoeˇ siˬ dawˬ peh, mawˇ neˇ mawˇ gaw deuˬ, yawˇ deuˬ hawˇ-eu, tsuˇ dui dui-eu mawˇ neˇ mawˇ kʼaˇ deuˬ sehꞈ-awˇ, Aˬdawˇniˇyaˆ lawˇ-eu shehˇ-eu jeˬ mˇ-euˬ meh. Aˬ yawꞈ-euˬ mehˇ nmˇ deuˬ pyeuꞈ-eu sahˬ paˬ Daˬbiˇ-euˬ aˬ li deuˬ hawˇ-eu, Yuˇdaˆ miˇ kʼahˬ-ahˇ jawˇ-eu sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ aˬ yawꞈ kuˇ-euˬ meh.

Yawˇshuˆ 15:7

Kʼoeˇ naˇ, Shaˬ zahˬ deh kʼawꞈ paw le pyawˇ-awˇ, deh kʼawꞈ-euˬ laꞈ oˆ paw paˆ jaˆ-eu Aˬduˬmiˬ gʼaˬ lahˇ paw mehˬ shiˬ pyawˇ-ehˇ,Giˇlaˇgaˬlaˇ paw paˆ le daˆ gʼeh leꞈ-awˇ, Eˬsheˬ mehˇ lawˇ kʼawꞈ-ahˇ neh Eˬloˇgeˬ-ahˇ le leꞈ-euˬ meh.

Yawˇshuˆ 18:16

Kʼoeˇ gaˇ neh naˇ, Leˬpeˬ deh kʼawꞈ-euˬ uˬ gʼmˬ-ahˇ Hiˬnoˬ deh kʼawꞈ kʼoeˇ taˆ jaˆ-eu gawˬ jawˬ-euˬ dawˬ dahˬ paw iˇ gʼeh-euˬ meh. Kʼoeˇ naˇ, Yeˬbuˇ gawˬ jawˬ dahˇ teˇ laꞈ oˆ jaˆ-eu Hiˬnoˬ deh kʼawꞈ caw caw-ehˇ, laꞈ oˆ paw jaˆ-eu Eˬloˇgeˬ meuˬ-ahˇ iˇ-euˬ meh.