2 Saˬmeuˬlaˆ 17:14 - Akha

¹⁴ Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

2 Saˬmeuˬlaˆ 17:14 Σταυροειδείς Αναφορές

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

2 Saˬmeuˬlaˆ 15:31

Aˬhiˇtawˇpeˬlaˆ gʼaˬ kʼawꞈ, aˬ yawꞈ-ahˇ puiˬ-awˇ Aˬbaˇsaˬloˬ nehˬ-ehˇ gm leˇ-euˬ gaˇ kawˆ Daˬbiˇ-ahˇ aˬ cawˬ ehˇ nehˬ ngeh, “Sahˬpaˬ Miˬyehˇ-oˇ, Aˬhiˇtawˇpeˬlaˆ neh biꞈ-euˬ nui noeˬ nui duˇ deuˬ gaˇ dahˇ maˬ bi tsoeˬ ni, yawꞈ ngehꞈ-ehˇ bi pyeuꞈ-iˇ jiˇ-awˬ” lehˇ, aˬ yawꞈ guiˬ lahˬ shaˇ-euˬ meh.

2 Saˬmeuˬlaˆ 15:34

Ehˇ kʼawꞈ, nawˇ heu loꞈ-ehˇ jahˇ naˇ, ngaˬ-ahˇ caw ba nehˬ laꞈ nya tehꞈ-a. Meuˬ-ahˇ gʼoꞈ-iˇ-awˇ, nawˬ da-euˬ gaˇ-ahˇ ngaˇ saˇ jaˇ ziꞈ-awˇ mˇ dzeuˇ yaꞈ-euˬ loꞈ-ehˇ, nawˬ-euˬ gaˇ-ahˇ kʼawꞈ ngaˇ saˇ jaˇ ziꞈ-awˇ mˇ ma lehˇ, Aˬbaˇsaˬloˬ-ahˇ ehˇ nehˬ-iˇ-awˬ. Kʼoeˇ naˇ, Aˬhiˇtawˇpeˬlaˆ neh nui noeˬ nui duˇ biꞈ-euˬ loꞈ-ehˇ maˬ bi mˇ pyeuꞈ nya-eu gʼaˇ duˬ, nawˇ kʼaˇ gʼeh nya-eu loꞈ-ehˇ laˆ tsoeˬ-awˬ.

2 Saˬmeuˬlaˆ 16:23

Aˇ nah aˇ yamˬ kʼoeˇ yamˬ-aˬ, Aˬhiˇtawˇpeˬlaˆ neh nui noeˬ nui duˇ kʼaˇ biꞈ-euˬ jeˬ-ahˇ, Miˬyehˇ-euˬ dawˬ loꞈ-ehˇ naˇ haˬ geuꞈ luꞈ-eu aˇ yamˬ meh. Daˬbiˇ hawˇ-eu Aˬbaˇsaˬloˬ aˬ ha nyaꞈ nyiˬ da zaˬ luꞈ, Aˬhiˇtawˇpeˬlaˆ-euˬ dawˬ-ahˇ maˬ leuˇ ni caw teh-euˬ meh.

2 Laˬsaˬbaˬ 10:15

Sahˬ paˬ Leˬhawˇbamˬ-aˬ, tsawˇ haˬ kʼoeˇ deuˬ gʼaˇ duˬ yaw muiˬ paˬ-ehˇ maˬ shaˇ noeˬ nehˬ-a. Aˬ jeˬ miˇ neh ehˇ naˇ, Shiˇloˬ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Aˬhiˇyaˬ-ahˇ gʼoe-awˇ, Miˬyehˇ pyeuꞈ-eu Sahˬpaˬ Miˬyehˇ neh Neˬbaˇ-euˬ aˬ li Yeˬyawˇbamˬ-ahˇ ehˇ nehˬ-euˬ dawˬ byah laˇ ni, Sahˬpaˬ Miˬyehˇ nui ma tsaˬ-eu miˇ neh meh.

2 Laˬsaˬbaˬ 10:8

Ehˇ kʼawꞈ, tsawˇ mawˬ tsawˇ kʼaˆ kʼoeˇ deuˬ-euˬ dawˬ-ahˇ aˬ yawꞈ maˬ naˇ haˬ ni, aˬ yawꞈ-ahˇ nui noeˬ nui duˇ biꞈ luꞈ-eu deuˬ pyeuꞈ-eu aˬ yawꞈ nehˬ-ehˇ tiˬ kawˆ loꞈ-ehˇ huiˬ laˇ-euˬ zaˬ guˬ deuˬ jawˇ gaˇ aˬ yawꞈ iˇ-euˬ meh.

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

2 Laˬsaˬbaˬ 25:20

Ehˇ kʼawꞈ, Yeˬhawˇshaˆ-euˬ dawˬ-ahˇ Aˬmaˬziˇ maˬ naˇ haˬ-a. Aˬ jeˬ miˇ neh ehˇ naˇ, Eˬdoˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ tahˬ-euˬ miˇ neh, Yeˬhawˇshaˆ neh aˬ yawꞈ-ahˇ bi deuˆ gʼaˬ-eu gʼaˇ duˬ Miˬyehˇ nui ma tsaˬ-eu meh.

Neˬhaˬmiˇ 4:15

Aˬ yawꞈ maꞈ mˇ-eu lehˇ lehˬ hmˬ taˬ-euˬ jeˬ-ahˇ nga maꞈ ya siˬ gʼaˬ-euˬ gaˇ kawˆ nga maꞈ-ahˇ muiˇ-eu deuˬ ya gaˬ ngeh, gaˇ kʼoeˇ-ahˇ Miˬyehˇ laˆ tsoeˬ-euˬ meh lehˇ aˬ yawꞈ maꞈ siˬ duˬ-euˬ meh. Kʼoeˇ ngeh, nga maꞈ dawˬ tawˆ luꞈ meuˬ lahˇ gawˬ muiˬ-eu gaˇ-ahˇ paˇ dawꞈ leˇ-euˬ ma.

Yawˇbaˆ 12:17

Uˆ lahˇ-eu deuˬ-euˬ zaˬ siˬ tsawˇ gahˇ aˬ yawꞈ yuˇ dzeh-awˇ, aˬ yuiꞈ aˬ tsu deuˬ tsawˇ uˬ loꞈ-ehˇ pyeuꞈ-iˇ ni aˬ yawꞈ jahˇ-eu meh.

Jaceuq 9:15

Aˬcawˬmiˇkʼahˬtsawˇjeuˬdeuˬ-aˬ, yawˬha neh kʼahˬ-euˬduˬkʼahˬ-ahˇ, yawˬhaˇyawˬha ga ahˇbyoˆ-awˇ, yawˬha neh kʼmˇ-euˬbaw gʼaꞈ-ahˇ, yawˬhaˇyawˬha nawˬpaꞈ-euˬmeh. 1

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Doˆ-iˇ 9:16

Ehˇ kʼawꞈ, miˇ tsaˬ heu mˬ dzeˇ miˇ dzeˇ keuˆ ni, ngaˇ tsawˇ myahˇ doˆ-eu gʼaˇ duˬ, ngaˬ-euˬ baoˬ-ahˇ nawˇ ya mawˇ ni, nawˬ-ahˇ ngaˇ yaw dehꞈ bi dehꞈ tawˬ-euˬ ma.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 8:10

Tiˬ kawˆ loꞈ-ehˇ uiˬ leˇ-awˇ mehˬ bawˬ mˇ-awˬ. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ-aˇ. Kʼaˇ ja mawꞈ-eu jeˬ ja doe-awˇ bawˬ dzaˬ-awˬ. Ehˇ kʼawꞈ, tiˬ jeˬ-iˬ maˬ deuˬ leˇ-aˇ. Aˬ jeˬ miˇ neh ehˇ naˇ, Miˬyehˇ nga maꞈ nehˬ-ehˇ jawˇ-eu ma.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Yawˇshuˆ 11:20

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ geuꞈ-eu jeˬ maˬ ahˇ ni bi laˆ luˬ bi laˆ seˇ jiˇ-awˇ, gʼawˬ shaˬ maˬ gaˬ nehˬ ni bi sehꞈ jiˇ-eu gʼaˇ duˬ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ maˬ guˆ-ehˇ guiˇ deuˆ peuˬ ni, aˬ yawꞈ maꞈ-euˬ nui ma gʼahˇ laˇ ni Sahˬpaˬ Miˬyehˇ jahˇ-euˬ meh.