2 Saˬmeuˬlaˆ 17:10 - Akha

¹⁰ Kʼoeˇ ngeh, aˇ laˬ jaˬ shiˇ loꞈ-ehˇ kʼaˬ-eu tsawˇ haˬ deuˬ kʼawꞈ, guˆ-eu nui ma ahˇ laˇ tehꞈ-a. Aˬ jeˬ miˇ neh ehˇ naˇ, nawˬ da-aˬ, guiˇ deuˆ-eu nya dui dui-awˇ, aˬ yawꞈ-euˬ tsawˇ haˬ deuˬ kʼawꞈ kʼaˆ dui dui-eu meh.

2 Saˬmeuˬlaˆ 17:10 Σταυροειδείς Αναφορές

Aˇ dahˬ 49:9

Yuˇdaˆ-aˬ, aˇ laˬ jaˬ shiˇ-ahˇ duˇ-eu meh. Aˬ cawˬ-ahˇ kawꞈ sehꞈ dzaˬ gʼaˬ-awˇ, yawˬ ha-euˬ lo kʼahˬ-ahˇ paˇ gʼoꞈ yuꞈ laˇ-eu meh. Kʼaˇ cah mawꞈ gaˇ cah-awˇ, kʼaˇ yuꞈ mawꞈ gaˇ yuꞈ kʼawꞈ, aˬ yawꞈ-ahˇ tiˬ gʼaˬ-iˬ maˬ laˆ ciˆ peuˬ-a.

2 Saˬmeuˬlaˆ 1:23

Sawˇluˆ hawˇ-eu Yawˇnaˆshaˬ-ahˇ, gaˬ dui dui nya gʼoeˇ dui dui nya. Aˬ nyaꞈ dehꞈ ngeh maˬ gʼawˬ-iˇ-ehˇ, shiˇ ngeh kʼawꞈ maˬ gʼawˬ-iˇ kʼmˬ-aˇ. Kʼaˬ dzeˇ dzeˇ ma maˬ tseˇ kawˇ-awˇ, aˇ laˬ jaˬ shiˇ maˬ tseˇ kʼaˆ meh.

2 Saˬmeuˬlaˆ 17:9

Nymˬ-mˇ, aˬ yawꞈ lo kʼahˬ-ahˇ loˇ lehˇ, tiˬ gaˇ paw dzuˇ zaꞈ-awˇ maˬ jawˇ-aˇ lehˇ aˬ suˇ gʼaˬ ehˇ tsehˆ nya nmˇ. Nawˬ-euˬ tsawˇ haˬ deuˬ-ahˇ aˬ yawꞈ neh jeˬ huˬ huˬ-awˇ bi deuˆ shaw naˇ, gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ, Aˬbaˇsaˬloˬ-euˬ tsawˇ haˬ deuˬ gʼawˬ mya ni bi deuˆ sehꞈ ngaˬ jeˇ lehˇ ehˇ tehꞈ-a.

2 Saˬmeuˬlaˆ 23:20

Kaˬzeˬlaˇ meuˬ-ahˇ jawˇ-eu Yeˬhawˇ yaˬdaˬ-euˬ aˬ li Baˬnaˇyaˬ kʼawꞈ, tsawˇ myahˇ doˆ-eu yehˇ tiˬ gʼaˬ pyeuꞈ-eu meh. Tsawˇ myahˇ doˆ-eu Mawˇbaˆ yehˇ nyiˬ gʼaˬ-ahˇ sehꞈ-euˬ poˆ gui ahˇ-ehˇ, aˬ yawꞈ neh mˇ taˬ-euˬ ja ceuˬ paˬ-ehˇ gʼeh-eu gʼawˬ mya jeˬ jaˆ-eu meh. Tiˬ poˆ-aˬ, juˬ kʼoeˬ tmˬ-eu aˇ nah tiˬ nah-ahˇ, duˬ kʼahˬ tiˬ kʼahˬ-ahˇ aˬ yawꞈ uˇ-iˇ-awˇ, aˇ laˬ jaˬ shiˇ tiˬ mawˇ sehꞈ-euˬ meh.

Jaceuq 89:19

Aˇ hu ba yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, nawˬ-ahˇ saˇ jaˇ ziꞈ-eu zaˬ kʼaˆ-ahˇ nawˇ heu loꞈ-ehˇ ehˇ-euˬ meh. “Tsawˇ myahˇ doˆ-eu yehˇ tiˬ gʼaˬ-ahˇ ngaˇ caw ba nehˬ-euˬ ma. Ngaˬ neh tseˇ doˆ-euˬ gʼaˬ-ahˇ sahˬ paˬ-euˬ nuiˇ mahˬ kʼoeˇ taˆ bi nuiˇ-euˬ ma.

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Dawˬ caˇ 3:7

Sawˇlaˬmoˬ dzoeˬ dzaˬ nuiˇ mahˬ-ahˇ nuiˇ-awˇ laˇ luꞈ-eu meh. Iˇsaˬleˬlaˆ miˇ kʼahˬ-ahˇ aˬ cawˬ taꞈ-ehˇ nya dzehˬ-eu, yehˇ koꞈ tseˇ gʼaˬ bi loꞈ piˇ-awˇ laˇ luꞈ meh.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Yeˬsaˬgeˬlaˇ 21:15

Mi cehˇ kʼoeˇ ngaˬ-euˬ tsawˇ haˬ-ahˇ nui ma bi baˬ-iˇ-awˇ, bi pehˆ toˆ sehꞈ-eu meh. Mˬ myawꞈ myawꞈ-eu loꞈ-ehˇ naˇ guiˇ guiˇ laˇ-awˇ, sehꞈ-eu lehˇ lehˬ hmˬ taˬ-euˬ mi cehˇ kʼoeˇ kahˇ neh, aˬ yawꞈ maꞈ-euˬ meuˬ-ahˇ ngaˇ laˆ guˆ luꞈ-eu ma.

Dawˬmehˬ 1:28

Aˬ jeˬ miˇ neh kʼoeˇ gaˇ le-eu ehˇ te. Nga maꞈ guˆ dui dui nya. Kʼoeˇ gaˇ jawˇ-eu tsawˇ haˬ deuˬ-aˬ, aˬ dui maꞈ naˆ maˬ tseˇ goˇ dzehˬ-awˇ, gʼaˬ kʼaˆ dzehˬ-eu uˬ taꞈ, mˬ-ahˇ tuˆ ni meuˬ meuˬ lahˇ gawˬ taˬ-euˬ meuˬ deuˬ laꞈ kʼoeˇ jawˇ-eu meh lehˇ, aˬ dui maꞈ neh bi kʼoeˬ sho haw leˇ-euˬ tsawˇ haˬ deuˬ tsaꞈ gaˬ le-euˬ maˬ ngeuˇ-a loˇ. Huiˬ dui goˇ dui dui-eu tsawˇ haˬ deuˬ-ahˇ aˬ yawꞈ maꞈ mawˇ yaꞈ-euˬ ma lehˇ ehˇ-eu maˬ ngeuˇ-a loˇ’ lehˇ naw maꞈ ehˇ-eu meh.

HeˬByehˇ 11:34

Guˆ dui dui laˇ paˬ-ehˇ gʼeh-eu miˬ dzaˬ-ahˇ laˆ miˆ nya-awˇ, mi cehˇ neh maˬ bi sehꞈ ni dzeuˇ-iˇ nya-euˬ meh. Aˬ yawꞈ maꞈ gʼaˬ baˬ dui dui-euˬ kʼawꞈ, gʼaˬ kʼaˆ dui dui laˇ-awˇ aˬ cawˬ tsawˇ jeuˬ-euˬ guiˇ maꞈ deuˬ-ahˇ deuˆ gʼaˬ nya-euˬ meh.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”

1 Saˬmeuˬlaˆ 18:17

“Ngaˬ-ahˇ saˇ jaˇ ziꞈ-eu yehˇ tiˬ gʼaˬ loꞈ-ehˇ, Sahˬpaˬ Miˬyehˇ gʼaˇ duˬ nawˇ kʼaˬ duˬ ni guiˇ deuˆ naˇ, ngaˬ buˇ aˬ yuiꞈ gʼaˬ pyeuꞈ-eu Meˬlaˇ nawˬ-ahˇ bi mˇ dzaˬ laˇ ma” lehˇ, Daˬbiˇ-ahˇ Sawˇluˆ ehˇ nehˬ-euˬ meh. Kʼoeˇ loꞈ-ehˇ jahˇ naˇ, Daˬbiˇ-ahˇ aˬ yawꞈ sehꞈ-eu maˬ loˬ-ehˇ, Piˇliˇtiˆ tsawˇ haˬ deuˬ neh bi deuˆ sehꞈ tehꞈ-a lehˇ Sawˇluˆ noeˬ-euˬ meh.