2 Saˬmeuˬlaˆ 16:5 - Akha

⁵ Baˬhuˇleˬ meuˬ-ahˇ sahˬ paˬ Daˬbiˇ le keuˆ ngeh, Sawˇluˆ-euˬ aˬ yuiꞈ aˬ nyiˇ Geˬlaˬ-euˬ aˬ li Shiˇmiˇ gʼaˬ, aˬ yawꞈ-ahˇ yaˬ kʼehˇ yaˬ yaˬ-ehˇ, aˬ yawꞈ jawˇ gaˇ oe-euˬ meh.

2 Saˬmeuˬlaˆ 16:5 Σταυροειδείς Αναφορές

2 Saˬmeuˬlaˆ 16:14

Sahˬ paˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ-ahˇ iˇ keuˆ ngeh, gʼaˬ doeˇ doeˇ-eu miˇ neh gʼaˬ naˬ naˬ-euˬ meh.

2 Saˬmeuˬlaˆ 16:4

Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”

2 Saˬmeuˬlaˆ 16:6

Daˬbiˇ-ahˇ loꞈ piˇ-eu guiˇ maꞈ neh Daˬbiˇ-ahˇ loꞈ jawˬ taˬ-euˬ kʼawꞈ, Daˬbiˇ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ, Shiˇmiˇ kʼaˬ lo biˬ-euˬ meh.

2 Saˬmeuˬlaˆ 17:18

Ehˇ kʼawꞈ, tiˬ nah keuˆ laˇ ngeh, aˬ li tiˬ li aˬ yawꞈ nyaꞈ-ahˇ mawˇ-awˇ, Aˬbaˇsaˬloˬ-ahˇ tsaꞈ gaˬ-iˇ-euˬ meh. Kʼoeˇ miˇ neh, aˬ yawꞈ nyaꞈ yaw kawˇ-ehˇ cehˆ-awˇ, Baˬhuˇleˬ meuˬ laꞈ kʼoeˇ, aˬ cawˬ-euˬ nymˇ-ahˇ cehˆ zaꞈ-iˇ-euˬ meh. Nymˇ kʼoeˇ nymˇ dawˬ peh lah duˬ tiˬ duˬ jaˆ-awˇ, lah duˬ kʼoeˇ duˬ-ahˇ aˬ yawꞈ nyaꞈ uˇ-iˇ-awˇ jawˇ-euˬ meh.

2 Saˬmeuˬlaˆ 23:31

Aˬlaˬbahˬ meuˬ-ahˇ jawˇ-eu Aˬbyaˬlaˬboˬ, Baˬhuˇleˬ meuˬ-ahˇ jawˇ-eu Aˬzaˇmaˬbehˇ,

2 Saˬmeuˬlaˆ 3:16

Aˬ yawꞈ-euˬ kʼaˬ dzeˇ zaˬ gʼaˬ ngoeˇ ngoeˇ-ehˇ, Baˬhuˇleˬ meuˬ-ahˇ keuˆ ni caw teh keuˆ le-euˬ meh. Ehˇ kʼawꞈ, “Nawˇ gʼoꞈ leˇawˬ” lehˇ, Aˬbaˬnaˬ ehˇ nehˬ ngeh, Paˬlaˬteˬlaˇ gʼoꞈ leˇ-euˬ meh.

Iˇsaˬtaˆ 2:5

Kʼoeˇ ngeh yamˬ-ahˇ, Yaˬiˇlaˆ-euˬ aˬ li Mawˬdaˬkehˇ lehˇ myahˇ-euˬ Yuˇdaˆ tsawˇ haˬ tiˬ gʼaˬ Suˇsaˬ meuˬ-ahˇ jawˇ luꞈ-eu meh. Aˬ yawꞈ-aˬ, Beˬyaˬmiˬ tsawˇ jeuˬ pyeuꞈ-awˇ, Giˇshaˆ hawˇ-eu Shiˇmiˇ-euˬ aˇ jeuˬ aˇ ca pyeuꞈ-eu meh.

Yawˇbaˆ 30:11

Miˬyehˇ ngaˬ-ahˇ gʼaˬ bi baˬ-iˇ-awˇ, juˆ lehˆ ni pyeuꞈ-iˇ-euˬ miˇ neh, aˬ yawꞈ maꞈ ngaˬ-ahˇ nui kʼahˇ tiˬ shiˇ jahˇ gʼeh haw-eu meh.

Jaceuq 102:8

Muiˇ-eu tsawˇ haˬ deuˬ nah ga-ehˇ ngaˬ-ahˇ ja doeˇ-awˇ, ngaˬ-ahˇ naˬ gʼa-eu tsawˇ haˬ deuˬ ngaˬ-euˬ tsawˇ myahˇ toˇ toˇ-ehˇ yaˬ kʼehˇ yaˬ-eu meh.

Jaceuq 109:28

Aˬ yawꞈ maꞈ ngaˬ-ahˇ yaˬ kʼehˇ yaˬ kʼawꞈ, nawˇ ngaˬ-ahˇ guiˬ lahˬ biꞈ tehꞈ-a. Ngaˬ-ahˇ kʼehˬ-eu deuˬ bi shaꞈ dawˇ-iˇ-awˇ, nawˬ-euˬ zaˬ kʼaˆ ngaˇ gʼaˬ laˬ kʼaˬ bi cehˇ laꞈ-awˬ.

Jaceuq 69:26

Nawˬ neh kʼehˬ nehˬ-euˬ tsawˇ haˬ-ahˇ aˬ yawꞈ maꞈ paˇ kʼehˬ poˆ-awˇ, nawˬ neh laˆ tahˬ laˆ naˇ nehˬ-euˬ tsawˇ haˬ deuˬ-ahˇ aˬ yawꞈ maꞈ dawˬ doeˇ paˇ ciˬ pi nehˬ-eu meh.

Doˆ-iˇ 22:27

Aˬ jeˬ miˇ neh ehˇ naˇ, aˬ yawꞈ yaw gaˆ gaˆ ngeh dm-eu gʼaˇ duˬ, aˇ bui kʼoeˇ tiˬ kahˇ jaˆ-eu tehꞈ meh. Maˬ ngeuˇ naˇ, aˬ yawˬ aˬ joˆ-ehˇ yuꞈ nmˇ. Caw ba nehˬ laꞈ-awˬ lehˇ aˬ yawꞈ ngoeˇ-awˇ ngaˬ-ahˇ shaˇ ngeh, ngaˇ naˇ haˬ ma. Aˬ jeˬ miˇ neh ehˇ naˇ, ngaˇ-aˬ, gʼawˬ shaˬ gaˬ nya-eu nui ma ahˇ-eu ma.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Dawqdaq 26:2

Iˬ baˇ maˬ naꞈ gaˇ yaˬ kʼehˇ yaˬ-eu jeˬ-aˬ, maˬ ga dawꞈ le ni yaw dzeuˇ gʼeh-eu aˇ jiˇ-ahˇ duˇ-eu meh.

Dawˬ tsoˆ 10:20

Ciˬ cuˇ ni sahˬ paˬ-ahˇ yaw doeˇ taˬ ehˇ kʼoeˬ. Yuꞈ zaˇ kuˆ lawˆ-ahˇ uˇ-awˇ smˇ muiˬ aˬ da-ahˇ taˬ ja doeˇ. Mˬ taˆ zaw-eu aˇ jiˇ neh bi tsaꞈ gaˬ-iˇ nmˬ-mˇ.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

1 Saˬmeuˬlaˆ 17:43

Daˬbiˇ-ahˇ aˬ yawꞈ ehˇ nehˬ-eu, “Daˇ cuiˇ teu hmˬ aˬ jeˬ jahˇ-eu lehˇ yuˇ luꞈ te. Nawˇ ngaˬ-ahˇ aˬ kuiˬ tiˬ mawˇ loˆ ni tehꞈ-ehˇ sawˇ-eu ngaˇ laˬ” Kʼoeˇ naˇ, aˬ yawꞈ-euˬ miˬ yehˇ-euˬ tsawˇ myahˇ-ahˇ gʼoe-awˇ, Daˬbiˇ-ahˇ yaˬ kʼehˇ yaˬ nehˬ-euˬ meh.