2 Saˬmeuˬlaˆ 16:4 - Akha

⁴ Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”

2 Saˬmeuˬlaˆ 16:4 Σταυροειδείς Αναφορές

2 Saˬmeuˬlaˆ 14:22

Daˬbiˇ-euˬ mehˬ shi Yoˇbaˬ miˇ tsa awˆ byaˆ-awˇ, yaw zeu baw nehˬ-eu laꞈ kʼoeˇ, “Sahˬ paˬ-oˇ, Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˇ ngaˬ-ahˇ nui ma tsaˬ-eu gaˇ kawˆ nymˬ-mˇ ngaˇ siˬ duˬ-euˬ ma. Aˬ jeˬ miˇ neh ehˇ naˇ, ngaˬ neh shaˇ-euˬ dawˬ-ahˇ nawˇ naˇ haˬ geuꞈ nehˬ laꞈ-euˬ meh” lehˇ ehˇ nehˬ-euˬ meh.

2 Saˬmeuˬlaˆ 14:4

Zaˬ miˬ zaˬ kʼoeˇ gʼaˬ sahˬ paˬ jawˇ gaˇ le-awˇ, miˇ tsa awˆ byaˆ-awˇ yaw zeu baw nehˬ-eu laꞈ kʼoeˇ, “Sahˬ paˬ-oˇ, ngaˬ-ahˇ gʼawˬ shaˬ gaˬ-awˇ caw ba nehˬ laꞈ-awˬ” lehˇ ehˇ nehˬ-euˬ meh.

2 Saˬmeuˬlaˆ 14:8

Sahˬ paˬ ehˇ-eu, “Iˇ kahˇ-ahˇ gʼoꞈ-iˇ-awˬ. Gaˇ kawˆ heu hmˬ ngaˇ haw nehˬ ma.”

2 Saˬmeuˬlaˆ 16:3

Aˬ yawꞈ-ahˇ sahˬpaˬ Daˬbiˇ naˇ haˬ-eu, “Nawˬ-euˬ sahˬ paˬ Sawˇluˆ-euˬ oeˬ paˬ pyeuꞈ-eu Meˬpiˇbawˇshehˆ kʼoeˇ gʼaˬ aˬ lehˬ.” Ziˇbaˬ ehˇ-eu, “Aˬ yawꞈ Yeˬluˇsaˬlehˬ meuˬ-ahˇ jawˇ yaꞈ-euˬ meh. Aˬ jeˬ miˇ neh ehˇ naˇ, aˬ yawꞈ aˬ bawˇ-euˬ miˇ kʼahˬ aˬ yawꞈ paˇ za kʼoꞈ ni, Iˇsaˬleˬlaˆ tsawˇ haˬ deuˬ jahˇ tehꞈ-a lehˇ aˬ yawꞈ noeˬ tmˬ taˬ-euˬ meh.”

2 Saˬmeuˬlaˆ 16:5

Baˬhuˇleˬ meuˬ-ahˇ sahˬ paˬ Daˬbiˇ le keuˆ ngeh, Sawˇluˆ-euˬ aˬ yuiꞈ aˬ nyiˇ Geˬlaˬ-euˬ aˬ li Shiˇmiˇ gʼaˬ, aˬ yawꞈ-ahˇ yaˬ kʼehˇ yaˬ yaˬ-ehˇ, aˬ yawꞈ jawˇ gaˇ oe-euˬ meh.

2 Saˬmeuˬlaˆ 19:27

Kʼoeˇ naˇ, ngaˬ-euˬ gaˇ kawˆ aˬ yawꞈ nawˬ-ahˇ jaˬ myawꞈ myawꞈ nehˬ laˇ-euˬ meh. Ehˇ kʼawꞈ nawˇ-aˬ Miˬyehˇ-euˬ mˬ taˆ gʼaˬ kʼehˇ-ahˇ duˇ-eu miˇ neh, nawˬ neh tsaˬ meh lehˇ kʼaˇ noeˬ-euˬ loꞈ-ehˇ mˇ-awˬ.

2 Saˬmeuˬlaˆ 9:6

Sawˇluˆ-euˬ aˬ li Yawˇnaˆshaˬ-euˬ aˬ li Meˬpiˇbawˇshehˆ laˇ keuˆ-awˇ, Daˬbiˇ-euˬ mehˬ shi awˆ byaˆ-awˇ yaw zeu baw nehˬ-euˬ meh. “Nawˇ Meˬpiˇbawˇshehˆ ma loˇ” lehˇ Daˬbiˇ naˇ haˬ ngeh, “Ngeuˇ ma” lehˇ aˬ yawꞈ ehˇ-eu meh.

2 Saˬmeuˬlaˆ 9:9

Kʼoeˇ naˇ, Sawˇluˆ-euˬ zaˬ kʼaˆ Ziˇbaˬ-ahˇ sahˬ paˬ jawˇ gaˇ bi kuˇ laꞈ-awˇ ehˇ nehˬ-eu, “Nawˬ-euˬ sahˬ paˬ-euˬ oeˬ paˬ pyeuꞈ-eu Meˬpiˇbawˇshehˆ-ahˇ Sawˇluˆ hawˇ-eu aˬ yawꞈ-euˬ nymˇ jiˇ-ahˇ kʼaˇ taꞈ-eu jeˬ biˇ dawˬ tawˆ luꞈ ngaˇ biꞈ-eu ma.

Doˆ-iˇ 23:8

Aˬ cawˬ nawˬ-ahˇ laꞈ nmꞈ nmꞈ-eu pyuˇ nawˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmˬ nehˬ-eu jeˬ-aˬ, yaw tsaˬ yaw dawˇ jeˬ-ahˇ maˬ mawˇ nya ni, tsawˇ haˬ zaˬ-ahˇ myaˆ behꞈ bi behꞈ-iˇ-awˇ, iˬ baˇ maˬ ahˇ-eu tsawˇ haˬ deuˬ-ahˇ iˬ baˇ ahˇ-eu tsawˇ haˬ loꞈ-ehˇ bi pyeuꞈ-iˇ nya-eu meh.

Dawqdaq 18:13

Yaˇ kʼaˬ maˬ daˇ mi naˆ-ehˇ maˬ naˇ haˬ duˬ-eu tsawˇ haˬ aˬ dzawˬ aˇ gah-ahˇ duˇ-eu meh.

Dawqdaq 18:17

Aˬ cawˬ laˇ-awˇ maˬ pyehˇ duˬ kʼoeˇ keuˆ ni, yawˬ ja miˇ yawˬ kawˆ tsaˬ-eu meh.

Dawqdaq 19:2

Tsawˇ gahˇ maˬ ahˇ naˇ, nui ma keuˆ kʼawꞈ lawˇ baˬ kaˬ-awˇ, kuiˇ toꞈ ciˬ kawˇ naˇ gaˇ bahˬ bahˬ iˇ nya-eu meh.

Dawˬmehˬ 19:15

“Tsawˇ kaˬ tiˬ gʼaˬ tehꞈ-euˬ dawˬ-ahˇ gʼoe-awˇ, tsawˇ haˬ tiˬ gʼaˬ tiˬ jeˬ paˬ mˇ bahˬ-euˬ meh lehˇ maˬ daˇ tsehˆ nya-a. Tsawˇ haˬ tiˬ gʼaˬ iˬ baˇ ahˇ meh lehˇ daˇ tsehˆ nehˬ nya-eu gʼaˇ duˬ, kʼaˇ teˬ-eu tsawˇ kaˬ nyiˬ gʼaˬ ya jawˇ meh.