2 Saˬmeuˬlaˆ 16:21 - Akha

²¹ Aˬhiˇtawˇpeˬlaˆ ehˇ-eu, “Sahˬ paˬ-euˬ hawˇ nymˇ-ahˇ bi loꞈ piˇ-eu lehˇ nawˬ da neh taˬ yaꞈ-euˬ nawˬ da-euˬ ma nyiˇ kʼoeˇ deuˬ nehˬ-ehˇ yuꞈ leˇ-awˬ. Kʼoeˇ ngeh, nawˬ da-ahˇ nawˬ neh yehˬ bawˬ sehˇ lu-ehˇ gʼeh nehˬ-euˬ gaˇ kawˆ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ ya siˬ-awˇ, nawˬ-euˬ mehˬ nah caw teh-eu tsawˇ haˬ deuˬ gʼaˬ ahˇ dui dui laˇ tehꞈ-a.”

2 Saˬmeuˬlaˆ 16:21 Σταυροειδείς Αναφορές

Aˇ dahˬ 34:30

Suˇmoˬ hawˇ-eu Leˬbiˇ aˬ nyaꞈ nmˇ-ahˇ Yaˬkoˆ ehˇ nehˬ-eu, “Naw nyaꞈ nmˇ ngaˬ-ahˇ laˆ shaˬ nehˬ laꞈ-euˬ nga. Nymˬ-mˇ poˆ jawˇ-aˬ, miˇ kʼahˬ heu kʼahˬ laꞈ kʼoeˇ kʼaˇ jawˇ-eu Kaˬnaˬ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, nui deuˬ tsawˇ jeuˬ dawˬ tawˆ luꞈ maˬ ehˇ, ngaˬ-ahˇ muiˇ-eu nga. Ngaˬ nehˬ-ehˇ tsawˇ haˬ gʼawˬ mya ni jawˇ-eu maˬ ngeuˇ. Aˬ yawꞈ maꞈ dawˬ tawˆ luꞈ ga uiˬ-awˇ ngaˬ-ahˇ guiˇ deuˆ laˇ naˇ, aˬ dui pehˬ pehˬ zaˬ ma zaˬ-ehˇ bi sehꞈ jiˇ gaˇ keuˆ-eu nga.”

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

Aˇ dahˬ 38:16

Zaˬ miˬ zaˬ kʼoeˇ gʼaˬ dawˬ peh Yuˇdaˆ iˇ-awˇ, “Nawˬ nehˬ-ehˇ yuꞈ taꞈ naˇ, aˇ poeˬ aˇ myaˆ ni shaˇ te” lehˇ naˇ haˬ-euˬ meh. Zaˬ miˬ zaˬ kʼoeˇ gʼaˬ aˬ yawꞈ-euˬ kuiˬ ma pyeuꞈ luꞈ-eu aˬ yawꞈ maˬ siˬ nya-a. “Nawˇ ngaˬ-ahˇ aˬ jeˬ biꞈ nmˇ” lehˇ, zaˬ miˬ zaˬ kʼoeˇ gʼaˬ Yuˇdaˆ-ahˇ naˇ haˬ-euˬ meh.

Aˇ dahˬ 6:4

Aˇ nah aˇ yamˬ kʼoeˇ yamˬ laꞈ kʼoeˇ maˬ ehˇ, kʼoeˇ sawˇ miˇ tsa dehꞈ ka leꞈ-euˬ aˇ nah aˇ yamˬ deuˬ laꞈ kʼoeˇ maˬ ehˇ, mˬ taˆ zaˬ yo deuˬ hawˇ-eu miˇ tsa zaˬ miˬ deuˬ sheuˬ dahˬ dzaˬ taꞈ-awˇ dehꞈ le-euˬ, aˇ gahˬ aˇ goˇ muiˬ dui dui-eu tsawˇ haˬ zaˬ deuˬ jawˇ-euˬ meh. Tsawˇ haˬ kʼoeˇ deuˬ-aˬ, huiˬ-eu gaˇ deuˬ mˇ-awˇ tsawˇ myahˇ doˆ dui dui-euˬ, aˇ hu ba-euˬ tsawˇ haˬ deuˬ pyeuꞈ-eu meh.

2 Saˬmeuˬlaˆ 10:6

Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

2 Saˬmeuˬlaˆ 12:11

Nawˬ-euˬ nymˇ kʼahˬ zaˬ tiˬ gʼaˬ na baˬ da neh, nawˬ-euˬ nymˇ jiˇ kʼoeˇ taˆ shaˬ-eu zahˬ-eu jeˬ bi keuˆ le ma lehˇ ngaˇ kamˬ-eu ma. Nawˬ-euˬ miˬ zaˬ deuˬ-ahˇ ngaˇ yuˇ-awˇ, yawˬ gʼaˬ yawˬ-ahˇ biꞈ nehˬ ngeh, ngaˬ neh ehˇ-euˬ loꞈ-ehˇ ngaˇ aˬ diˇ mˇ luꞈ-eu ngaˇ lehˇ siˬ nya-awˬ. Nah gʼahˇ nah gaˆ-ahˇ, nawˬ-euˬ miˬ zaˬ deuˬ nehˬ-ehˇ aˬ yawꞈ yuꞈ taꞈ jawˇ taꞈ tehꞈ-a.

2 Saˬmeuˬlaˆ 13:5

Aˬmaˬnoˬ-ahˇ Yawˇnaˬdehˇ ehˇ nehˬ-eu, “Nawˇ pyaˬ-eu jahˇ geuꞈ-awˇ yuꞈ zaˇ-ahˇ yuꞈ leˇ-awˇ jawˇ-awˬ. Nawˬ da nawˬ-ahˇ haw laˇ naˇ, heu loꞈ-ehˇ ehˇ nehˬ-awˬ. ‘Ngaˬ-euˬ dmˇ ma Taˬmaˬ-ahˇ ngaˇ jawˇ gaˇ bi oe-awˇ, ngaˇ dzaˬ-eu tiˬ jeˬ paˬ bi jahˇ nehˬ le-awˬ. Ngaˇ mawˇ gaˇ aˬ yawꞈ-ahˇ dzaˇ bi jahˇ le-awˇ, aˬ yawꞈ-euˬ aˬ laꞈ neh ngaˬ-ahˇ bi dzaˬ le-awˬ’ lehˇ nawˬ da-ahˇ ehˇ nehˬ-awˬ tawˇ.”

2 Saˬmeuˬlaˆ 15:16

Sahˬ paˬ Daˬbiˇ-aˬ, aˬ yawꞈ-euˬ miˬ sawˇ zaˬ dawˬ tawˆ luꞈ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ sheuˬ-awˇ doˆ-iˇ-euˬ meh. Ehˇ kʼawꞈ, aˬ yawꞈ-euˬ ma nyiˇ tseˇ gʼaˬ taˬ yaꞈ-awˇ, sahˬ paˬ-euˬ hawˇ nymˇ-ahˇ bi haw piˇ-euˬ meh.

2 Saˬmeuˬlaˆ 16:20

Kʼoeˇ naˇ, Aˬhiˇtawˇpeˬlaˆ-ahˇ Aˬbaˇsaˬloˬ ehˇ nehˬ-eu, “Nymˬ-mˇ poˆ jawˇ nga maꞈ heu gaˇ oe keuˆ gʼaˬ-euˬ-aˬ, aˬ jeˬ ya mˇ nmˇ lehˇ nui noeˬ nui duˇ biꞈ nehˬ laꞈ-awˬ.”

2 Saˬmeuˬlaˆ 17:7

Aˬbaˇsaˬloˬ-ahˇ Huˇshaiˇ ehˇ nehˬ-eu, “Heu poˆ jawˇ Aˬhiˇtawˇpeˬlaˆ neh nawˬ-ahˇ biꞈ-euˬ nui noeˬ nui duˇ heu maˬ muiˬ nga.

2 Saˬmeuˬlaˆ 2:7

Naw maꞈ gʼaˬ byehˆ maˬ byehˆ ni, nui ma kʼaˬ duˬ ni taˬ-awˬ. Naw maꞈ-euˬ sahˬ paˬ shiˇ dzeuˇ-euˬ miˇ neh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ ngaˬ-ahˇ tsiˇ shehˆ daˆ-awˇ sahˬ paˬ ka nehˬ laꞈ-euˬ meh.”

2 Saˬmeuˬlaˆ 20:3

Yeˬluˇsaˬlehˬ meuˬ-ahˇ jaˆ-eu aˬ yawꞈ-euˬ hawˇ nymˇ-ahˇ Daˬbiˇ gʼoꞈ keuˆ leˇ ngeh, aˬ yawꞈ-euˬ nymˇ bi loꞈ yaꞈ-euˬ ma nyiˇ kʼoeˇ tseˇ gʼaˬ-ahˇ yaw muiˬ paˬ-ehˇ haw piˇ nehˬ-awˇ bi jawˇ-euˬ meh. Aˬ yawꞈ maꞈ kʼaˇ loˬ-eu jeˬ aˬ yawꞈ caw ba nehˬ-euˬ meh. Ehˇ kʼawꞈ, aˬ yawꞈ maꞈ nehˬ-ehˇ aˬ yawꞈ maˬ yuꞈ taꞈ-a. Aˬ yawꞈ maꞈ ziˇ dehꞈ jiˇ ngeh keuˆ ni, kʼoeˇ loꞈ-ehˇ ka lahˇ taˬ-awˇ, miˬ coeˬ miˬ ma loꞈ-ehˇ bi jawˇ-euˬ meh.

1 Sahˬpaˬ 11:25

Aˬ yawꞈ-aˬ, Sawˇlaˬmoˬ yaw dehꞈ dehꞈ luꞈ-eu aˇ yamˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ muiˇ-eu tsawˇ haˬ tiˬ gʼaˬ pyeuꞈ-eu meh.

1 Sahˬpaˬ 2:17

Baˬsheˬba ehˇ-eu, “Nawˇ aˬ jeˬ shaˇ mawꞈ-euˬ nya.” Aˬ yawꞈ ehˇ-eu, “Shuˇneˬ meuˬ-ahˇ jawˇ-eu Aˬbiˇshehˇ lehˇ kuˇ-eu zaˬ miˬ aˬ buˇ kʼoeˇ gʼaˬ-ahˇ bi sheuˬ nehˬ laꞈ lehˇ, sahˬ paˬ Sawˇlaˬmoˬ-ahˇ tiˬ poˆ ehˇ nehˬ leˇ nehˬ laꞈ sheˇ. Nawˬ-euˬ ehˇ dawˬ-ahˇ aˬ yawꞈ maˬ leuˇ coeˇ-aˇ lehˇ ngaˇ siˬ nya ma.”

1 Sahˬpaˬ 2:22

Sahˬ paˬ Sawˇlaˬmoˬ ehˇ-eu, “Shuˇneˬ meuˬ-ahˇ jawˇ-eu Aˬbiˇshehˇ-ahˇ Aˬdawˇniˇyaˆ bi sheuˬ-awˬ lehˇ, aˬ jeˬ baˬ da neh nawˇ ngaˬ-ahˇ shaˇ te. Ngaˬ-euˬ miˇ kʼahˬ kʼawꞈ aˬ yawꞈ-ahˇ biꞈ-awˬ lehˇ shaˇ-awˬ tawˇ. Dawˬ tawˆ luꞈ ya ehˇ jiˇ naˇ, aˬ yawꞈ ngaˬ-euˬ aˇ doˆ pyeuꞈ-awˇ, piˇ ma Aˬbyaˬdaˬ hawˇ-eu Zeˬluˇyaˆ-euˬ aˬ li Yoˇbaˬ aˬ ha nyaꞈ kʼawꞈ, aˬ yawꞈ jawˇ paw pyawˬ-eu meh.”

Uˬ duˬ 18:8

Yawˬ ha aˬ da-euˬ ma nyiˇ deuˬ nehˬ-ehˇ yuꞈ taꞈ-eu laꞈ kʼoeˇ, yawˬ ha aˬ da-ahˇ yehˬ bawˬ sehˇ lu-ehˇ ma ya gʼeh-a.

Uˬ duˬ 20:11

Tsawˇ haˬ tiˬ gʼaˬ na, yawˬ ha aˬ da-euˬ miˬ zaˬ tiˬ gʼaˬ na nehˬ-ehˇ bahˬ-eu laꞈ kʼoeˇ, yawˬ ha aˬ da-ahˇ yehˬ bawˬ sehˇ lu-ehˇ gʼeh naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Zaˬkaˬliˇ 8:13

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ-oˇ, dzeuˇ laˇ-euˬ aˇ yamˬ laꞈ kʼoeˇ aˬ cawˬ tsawˇ jeuˬ deuˬ tiˬ gʼaˬ tiˇ gʼaˬ yaˬ kʼehˇ yaˬ ngeh, ‘Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ loꞈ-ehˇ guiˬ lahˬ doeˇ luꞈ-uˇʼ lehˇ ehˇ-awˇ yaˬ-euˬ meh. Ehˇ kʼawꞈ, naw maꞈ-ahˇ ngaˇ ka kʼoꞈ nehˬ ma. Kʼoeˇ ngeh jawˇ, ‘Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ loꞈ-ehˇ guiˬ lahˬ za luꞈ-uˇʼ lehˇ, aˬ cawˬ tsawˇ jeuˬ kʼoeˇ deuˬ tiˬ gʼaˬ tiˇ gʼaˬ ehˇ tehꞈ-a. Teu miˇ neh, gʼaˬ byehˆ maˬ byehˆ-ehˇ, maˬ guˆ ni dehꞈ-awˬ.”

1 Gawˇliˬtu 5:1

Zaˬ miˬ zaˬ hawˇ-eu kʼaˬ dzeˇ zaˬ yuꞈ taꞈ jawˇ taꞈ-eu gaˇ kawˆ-ahˇ taꞈ leˇ-awˇ, lawˇ ciꞈ zaˬ deuˬ maˬ mˇ peuˬ gaˇ keuˆ ni naw maꞈ mˇ keuˆ luꞈ meh lehˇ ngaˇ ya gaˬ duˬ taˬ-euˬ ma. Tsawˇ haˬ tiˬ gʼaˬ yawˬ ha-euˬ aˬ ma ma nyiˇ nehˬ-ehˇ joe-euˬ gaˇ kawˆ ngaˇ ya gaˬ-euˬ ma.

1 Saˬmeuˬlaˆ 13:4

Piˇliˇtiˆ guiˇ maꞈ kʼoeˇ taˆ uˆ lahˇ-eu yaw huiˬ gʼaˬ-ahˇ Sawˇluˆ neh sehꞈ-euˬ miˇ neh, Piˇliˇtiˆ tsawˇ haˬ deuˬ aˬ yawꞈ maꞈ-ahˇ muiˇ luꞈ-eu gaˇ kawˆ, Iˇsaˬleˬlaˆ tsawˇ haˬ dawˬ tawˆ luꞈ-ahˇ ehˇ gaˬ-euˬ meh. Kʼoeˇ ngeh, Iˇsaˬleˬlaˆ deuˬ, Giˇlaˇgaˬlaˇ meuˬ-ahˇ Sawˇluˆ jawˇ gaˇ uiˬ laˇ-euˬ meh.

1 Saˬmeuˬlaˆ 27:12

Aˬkiˇ-euˬ nui ma laꞈ kʼoeˇ, “Daˬbiˇ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Daˬbiˇ-ahˇ bye dui dui-eu miˇ neh, maˬ shiˇ tiˬ ziˇ ngaˬ-euˬ zaˬ kʼaˆ aˬ yawꞈ ya geuꞈ-eu ngaˇ” lehˇ noeˬ-awˇ, Daˬbiˇ-ahˇ jah dui dui-euˬ meh.